Հայաստանում կներդրվի կենդանիների հաշվառման համակարգ

Հայաստանում 2020 թվականից նախատեսվում է ներդնել կենդանիների հաշվառման և համարակալման համակարգ:

Կենդանիների հաշվառման և համարակալման ծրագիրը մշակվել է երեք տարվա համար և բյուջեից կհատկացվի 2 միլիարդ 488 հազար ՀՀ դրամ գումար, որի արդյունքում կհաշվառվի ավելի քան 570 հազար գյուղատնտեսական կենդանի: Նախնական փուլում կատարվելու է միայն խոշոր եղջերավոր կենդանիների հաշվառում և համարակալում, հետագայում մյուս կենդանիները ևս կանցնեն ծրագրով:

Կենդանիների հաշվառման և համարակալման նախապատրաստական ծրագրի ղեկավար Նազելի Գրիգորյանը լրագրողների հետ զրույցում նշեց, որ կենդանիների համարակալումը և հաշվառումը հանդիսանալու է հիմք մնացած բոլոր անասնաբուժական, սննդի անվտանգության, հանրային առողջության ծրագրերն իրականացնելու համար: «Այսինքն` կլինի տեղեկատվական էլեկտրոնային շտեմարան, որից օգտվելու են նմանատիպ ծրագրեր իրականացնողները»,-ասաց Գրիգորյանը:

«Ագրոբիզնեսի և գյուղի զարգացման կենտրոն»-ի (CARD), Ավստրիական զարգացման գործակալության (ADA) ֆինանսավորմամբ, ՀՀ էկոնոմիկայի նախարարության ու Սննդամթերքի անվտանգության տեսչական մարմնի աջակցությամբ նոյեմբերի 20-ին տեղի ունեցած աշխատաժողովի ժամանակ ՀՀ էկոնոմիկայի նախարարի տեղակալ Տիգրան Գաբրիելյանն ասաց, որ Հայաստանի Հանրապետության անկախացումից ի վեր երկրում չեն իրականացվել գյուղատնտեսական կենդանիների համատարած համարակալման, հաշվառման և անձնագրավորման աշխատանքներ:

«Մինչդեռ համակարգը, համակարգի ստեղծումը ռազմավարական առաջնահերթություն է ոչ միայն Հայաստանի Հանրապետության, այլ նաև տարածաշրջանի համար: Չնայած որ Հայաստանի Հանրապետության Վայոց Ձորի, Սյունիքի, Կոտայքի և Արարատի մարզերում պիլոտային ծրագրեր են իրականացվել խոշոր և մանր կենդանիների հաշվառման և համարակալման ուղղությամբ, սակայն համապետական լայնածավալ նույնականացման և հաշվառման ծրագրեր մինչև օրս կյանքի չեն կոչվել որոշ տեխնիկական և ֆինանսական խնդիրների հետ կապված»,- ընդգծեց Գաբրիելյանը:

Ներկայումս Հայաստանում անասնագլխաքանակի վերաբերյալ տեղեկատվության միակ աղբյուրը ՀՀ վիճակագրական կոմիտեի կողմից ստեղծված հանձնաժողովն է, որի միջոցով հաշվառում է իրականացվում տարին մեկ անգամ; Սակայն ուսումնասիրությունների արդյունքում պարզվել է, որ առկա է փաստացի գլխաքանակի տվյալների տարբերություն: «Առկա գլխաքանակի վերաբերյալ ստույգ տեղեկատվություն և կենդանիների տեղաշարժի նկատմամբ հսկողության սահմանումը ամենաառանցքային գործոնն է կենդանական ծագման սննդամթերքի շարժի ապահովման գործընթացներում, որին կարելի է հասնել գյուղացիական կենդանիների համարակալում և հաշվառում իրականացնելու միջոցով: Միաժամանակ, համակարգի կիրառումը կարող է տարբեր խնդիրների լուծման համակարգային թերությունների վերացման գործիք հանդիսանալ: Այն կարող է խիստ վերահսկողություն սահմանել հանրապետության այնպիսի կարևոր բնագավառներում, ինչպիսիք են մարդկանց և կենդանիների համար ընդհանուր հիվանդությունների հայտնաբերումը և արագ արձագանքումը կենդանական ծագման մթերքի սերտիֆիկացման և փաստաթղթավորման, ներկման և արտահանման գործընթացներում», -եզրափակեց Գաբրիելյանը:

Հայաստանում անասնաբուծությունն ապահովում է գյուղատնտեսության համախառն արտադրանքի արժեքի ավելի քան 50 տոկոսը: 2018 թվականին հանրապետությունում անասնաբուծությունից ստացվել է 477.9 մլրդ ՀՀ դրամի համախառն արտադրանք, որից ավելի քան 280 մլրդ ՀՀ դրամը ստացվել է տավարաբուծությունից, իսկ ոչխարաբուծությունից ստացվող հումքի և մթերքների արժեքը տատանվել է շուրջ 50 մլրդ ՀՀ դրամի սահմաններում:

«ԱԿՈՒՆՔ»-ը 45 տարեկան է Դրամական պարգևից մինչև աշխատանք. «Չերամիզիա»-ն գեղարվեստի քոլեջի սաների համար հայտարարել է մրցույթ Թուղթը աղբ չէ, պլաստիկը՝ նույնպես «Ով էլ հիմա դիմի, նրանք չեն գա». Գ.Ծառուկյանը՝ արաբ ներդրողների վերադարձի մասին Զիրոյանին հանդիպեցի թատրոնի միջանցքում : Նրա մարդկային որակները նկատեցի վայրկյաններ անց Մեսիի հեթ-տրիկը և «Բարսելոնայի» վստահ հաղթանակը (տեսանյութ) Լոռիում, Տավուշում, Սյունիքում և Արցախում ջերմաստիճանը կբարձրանա.Եղանակը Հայաստանում Չեչնիայի նախագահ Ռամզան Կադիրովի շնորհավորական ուղերձը Արթուր Վանեցյանի ծննդյան առթիվ «Բարգավաճ Հայաստան»-ի պատգամավորներն առաջարկում են նոր հարկատեսակ սահմանել ճանապարհաշինական աշխատանքների համար Դպրոցականների վիճաբանությունն ավարտվել է դանակահարությամբ. բժիշկները պայքարում են 16-ամյա տղայի կյանքի համար Որքան գումար է հատկացրել Երեւանի վարչական շրջաններից յուրաքանչյուրը՝ Ամանորի կորպորատիվ միջոցառման համար Ավտոմեքենան վրաերթի է ենթարկել հետիոտնին. Նա հոսպիտալացվել է Ապամիջուկայնացման մասին հարցը հանվել է ԱՄՆ-ի հետ բանակցությունների օրակարգից. ՄԱԿ-ում Հյուսիսային Կորեայի դեսպան Հրազդանում անհայտ հանգամանքներում հրդեհ է բռնկվել մեքենայում Տոնածառի միջոցառմանը 750 հազար դոլար հատկացնելը հերթական ցինիզմն է. Նաիրա Զոհրաբյան
Ամենաընթերցված
Այդ գումարով քանի՞ տնակի հարց կլուծվեր․ Թեհմինա Վա... «Հանրային շահ» հասարակական կազմակերպության հայտարա... «Մեզ հետ սպառնալիքների լեզվով խոսելը ձեզ համար ավե... Դեսպանատունը հաստատել է՝ ԱՄԷ-ի նախագահի որդին Հայա... Այսուհետ զինվորին նվաստացնողը և ինքնասպանության դր... Հայաստանցիները մասսայաբար հրաժարվում են Հայաստանի ... Հայկ Մարությանը հրապարակել է փաստաթղթերի պատճեններ... Ես ճիշտ էի, Նիկոլը սխալվեց. Արմեն Աշոտյան «Չգիտեմ, թե հերթական սուտը գրելիս՝ ինչի՞ վրա է իր ... Սիրուշոյի նոր ուշագրավ նախաձեռնությունը. «Ամերիկայ... «Շշմելու» ցուցադրություն` ամենասիրուն մոդելներով․ ... Ավտովթարների աճը կանխարգելող օրինագծի ընդունումն ա... Այսօր շատերը մեզ մեղադրում են իշխանությունը Փաշինյ... Կտրուկ տաքացում ունենք. Սուրենյան Աննա Դանիբեկյանի հեռանալու հրամայականը. Արփինե Հով... Դատարանն արձանագրել է Արսեն Բաբայանի իրավունքների ... «Նիկոլի միֆերը ջարդվում են». Էդուարդ Շարմազանով «Ով է լինելու Փաշինյանի իշխանության այլընտրանքը՝ ի... Ինչո՞վ է 2020թ պետբյուջեն աննախադեպ. 20 փաստ՝ Արտա... Տուրքերը բարձրանում են. Երևանի ավագանու անդամ
website by Sargssyan