Հարավային Կորեայում պայթյուն է տեղի ունեցել պաշտպանական ԳՀԻ-ի լաբորատորիայում

Պայթյուն է տեղի ունեցել Կորեայի Հանրապետության Պաշտպանության պետական գիտական ինստիտուտի լաբորատորիայում, զոհվել է մեկ աշխատակից, հինգ հոգի վնասվածքներ է ստացել, տեղեկացնում է Ռյոնհափ գործակալությունը՝ հղում կատարելով տեղի հրշեջ ծառայությանը, փոխանցում է ՌԻԱ «Նովոստի»-ն։

Պայթյունի տեղում աշխատում են ավելի քան 30 միավոր տեխնիկա եւ արտակարգ իրավիճակների 120 աշխատակից։ Այժմ կատարվում է պատահարի հանգամանքների հետաքննություն, հրշեջները պարզում են, թե ինչ փորձարկումներ են կատարվել ԳՀԻ-ում։ Տուժածները հասցվել են մոտակա հոսպիտալ։

Պաշտպանության գիտական ինստիտուտը Հարավային Կորեայի պաշտպանության նախարարության ենթագերատեսչական կազմակերպությունն է, որը պատասխանատու է առաջավոր սպառազինությունների մշակման համար, ներառյալ տանկերը, ինքնագնաց հրետանային սարքերը եւ բոլոր տեսակի հրթիռները։