Վարչապետի համար տրանսատլանտյան թռիչքներ իրականացնող օդանավ ձեռք բերելու համար նվազագույնը 30 մլն դոլար գումար կպահանջվի. Հովիկ Աղազարյան (տեսանյութ)

2020 թ. պետական բյուջեն աննախադեպ է, իներցիոն բյուջե ունենալու մասին խոսք լինել չի կարող: Այս մասին Tert.am-ի հետ զրույցում ասաց ԱԺ «Իմ քայլը» խմբակցության պատգամավոր, Տնտեսական հարցերի մշտական հանձնաժողովի նախագահի տեղակալ Հովիկ Աղազարյանը:

«Բյուջեն իներցիոն չէ, որովհետև շատ մեծ գումարներ են տրամադրվում ձեռնարկատիրական գործունեությունը խրախուսելու համար: Ծրագրերի վարկավորման տոկոսադրույքը պետությունը վերցնում է իր վրա, որպեսզի տնտեսվարողները կարողանան վերցնել վարկեր և զարգանալ: Նաև մեծ գումարներ է տրամադրվում ենթակառուցվածքների զարգացման համար»,- նշեց Հովիկ Աղազարյանը:

Ըստ 2020 թ. բյուջեի՝ ռազմական պաշտպանության ծախսերը մեծացվում են ընդամենը 0,8 %-ով՝ ներկա 300,5 մլրդ դրամից դառնալով 303 մլրդ դրամ, իսկ Ադրբեջանի հաջորդ տարվա բյուջեում պաշտպանական ծախսերը ավելանալու են 20 տոկոսով: Հովիկ Աղազարյանի խոսքով՝ ՀՀ-ն դեռևս չի կարող բյուջեի բացարձակ արժեքով մրցակցության մեջ մտնել Ադրբեջանի հետ:

 

«Եթե հակառակորդի հետ մտնենք մրցակցության մեջ բյուջեի բացարձակ արժեքի իմաստով, ապա մենք այս ճակատում առայժմ պարտված ենք: Որքան Ադրբեջանն է ծախսում պաշտպանական նպատակներով, այդքան մենք չենք կարող ծախսել: Մենք պետք է բացարձակ արժեքով մեր համեմատաբար քիչ միջոցները ծախսենք որակական արդյունքներ ապահովելու համար և այդ գումարներն առավելագույնս էֆեկտիվ ծախսելու վրա:

Վարչապետ Նիկոլ Փաշինյանը, անդրադառնալով բյուջեի պաշտպանական ծախսերին, հայտարարել էր, որ կոռուպցիայի դեմ պայքարի արդյունքները մեծացվելու են, և ձեռք բերված միջոցները ուղղվելու են պաշտպանության մակարդակի բարձրացմանը: Ընդդիմադիրներն այստեղ թափանցիկություն էին տեսնում: «Իմ քայլի» պատգամավորը, սակայն կարծում է, որ վարչապետի հայտարարությունը ճիշտ չի ընկալվել:

«Ի նկատի ունենք, որ պաշտպանության նախարարության ողջ համակարգում կոռուպցիոն ռիսկերի բացակայությունը կնպաստի, որ 303 մլրդ դրամն ավելի էֆեկտիվ ծախսվի: Տեսնում եք, որ շատ զորամասերում սննդի մատակարարումն արվում է լրիվ ուրիշ տարբերակով: Մատուցվող ծառայությունն ավելի լավն է. և պետությունը ծախսում է ավելի քիչ գումար: Այսինքն՝ այստեղ ինչ-որ իմաստով գումար խնայվեց, այդ գումարների մասին է խոսքը, ոչ թե որոշ գումարներ պետք է թաքուն ծախսվեն»,- ասաց նա:

Անդրադառնալով վարչապետի համար նոր ինքնաթիռ ձեռք բերելու քննարկումներին՝ Հովիկ Աղազարյանը նշեց. «Նոր ինքնաթիռ ձեռք բերելը չպետք է շքեղություն համարել, այն նորից տնտեսական հաշվարկ է: Երբ Վարչապետը պաշտոնական այցելություններ է ունենում այս կամ այն երկիր, նա մի հսկայական թիմով է գնում, հետևաբար, այդ տիպի ինքնաթիռ ունենալը ոչ շատ երկար ժամանակահատվածում կարդարացնի ներդրված ծախսերը»:

Նրա խոսքով՝ տրանսատլանտյան թռիչքներ իրականացնող օդանավ ձեռք բերելու համար նվազագույնը 30 մլն դոլար գումար կպահանջվի:

Կառավարությունը 2020 թվականի բյուջեով նախատեսում է 4.9 տոկոս տնտեսական աճ: Խոսելով այս ցուցանիշի ցածր լինելու մասին՝ պատգամավորն ասաց. «4.9 տոկոս տնտեսական աճն ինքնին վատ ցուցանիշ չէ, բայց մենք հույս ունենք, որ պետք է անցնենք այն: Եթե մենք հաջորդ տարի չմոտենանք 10 տոկոս տնտեսական աճին, ապա պետք է ընդունենք, որ ինչ-որ բան այն չենք արել»:

«Կայուն տեմպերով գնում ենք դեպի գարուն». Գագիկ Սուրենյան Մահացել է լուսանկարիչ Գերման Ավագյանը Նավթի համաշխարհային գները նվազում են Լարսի ճանապարհը բաց է բոլոր տեսակի ավտոմեքենաների համար. ռուսական կողմում կուտակված է 1000 բեռնատար Հովիկ Աբրահամյանը թոռնիկների հետ՝ Ծաղկաձորում․ նա լուսանկար է հրապարկել «Այ սա էր մաստեր-կլասը». Արմեն Աշոտյանը տեսանյութով հիշեցրել է ԵԽԽՎ-ում Սերժ Սարգսյանի ելույթը «Միկրոհեղափոխական» Փաշինյանը ու «մանիպուլյատոր» Ալիևը․ տեղ չհասած ուղերձներ Արագածոտնի մարզում 9 դպրոցականների վիճաբանությունն ավարտվել է դանակահարությամբ Հովհաննես Համբարձումյանը մասնակցել է ակումբի հերթական խաղին Չսիրվածության, չկայացվածության բարդույթը կարող է նման հոգեբանական խեղումների բերել․ Նաիրա Զոհրաբյան Չինաստանում մահապատժի են ենթարկում կորոնավիրուսով դիտավորյալ վարակվելու համար (տեսանյութ) Նիկոլ Փաշինյանը շնորհավորական ուղերձ է հղել Սաուլիուս Սկվերնելիսին՝ Լիտվայի ազգային տոնի առթիվ Պատմական և իրավական փաստեր, որոնք բացահայտում են Ալիևի ստերը․ Շարմազանով Մյունխենում Փաշինյանն ապացուցեց, որ պետության ղեկավարի կոստյումը շա՜տ մեծ է իր վրայով․ Քաղաքագետ Վրաերթ` փողոցը անթույլատրելի հատվածով անցնելուց. մահացածին հայտնաբերել են ավտոմեքենայի տանիքին
Ամենաընթերցված
«Կայուն տեմպերով գնում ենք դեպի գարուն». Գագիկ Սու... Չսիրվածության, չկայացվածության բարդույթը կարող է ն... Պատմական և իրավական փաստեր, որոնք բացահայտում են Ա... Մյունխենում Փաշինյանն ապացուցեց, որ պետության ղեկա... Լեռնային Ղարաբաղը չի կարող զիջել իր անվտանգություն... «Նիկոլ, դու սուս վիճակն է». Աշոտյան 2019-ին պետական մարմիններում աշխատողներն ստացել են... Իմ տպավորությամբ՝ Տիգրան Ուիրխանյանը վաղուց քաղաքա... Ինձ միևնույն է ձեր «հանրաքվեն», բայց միևնույն չէ, ... «Ոգեշնչող օրինակ»․ Աննա Հակոբյանը շնորհավորել է Ար... «Ասֆալտին փռելու սպառնալիքների մաստեր կլասի դասեր ... Հայտնի են Արցախում մահացած զինծառայողների անուններ... Սառնամանիքները էականորեն կմեղմվեն. Գագիկ Սուրենյան... «Լուրեր են շրջանառվում, թե որոշ ՍԴ դատավորներ մտած... Կ. Աճեմյան, եթե մեղքերից խոսենք, ապա ձեր հարազատ կ... ՄԻՊ-ն աջակցել է, որ քաղաքացու ուսումնառության 5 տա... Ադրբեջանի ընտրատեղամասերում քվեարկում են բազմաթիվ ... Տպավորությունն այնպիսին է, որ այս գործիչներն իրենց... ԱԱԾ-ն դիմելու է ցանկացած ապօրինության. փաստաբանը՝ ... Եթե իշխանությունները չեղարկեն հանրաքվեն, կվերածվեն...
website by Sargssyan