Խնդիրը պարզաբանված է, մարդը բողոք չունի, բայց... վարչապետի մոտ բողոքում է. past.am

Past.am-ը գրում է․

Օրերս, երբ վարչապետ Նիկոլ Փաշինյանն Էջմիածնում մասնակցում էր քաղաքի հիմնադրման 2704-ամյակի տոնակատարությանը, նրան մոտեցած քաղաքացիներից մեկը հայտարարեց.  «ՀԷՑ-ի դրած հաշվիչների պատճառով ժսղովուրդն ամիսը 3000-4000 դրամ ավել հոսանքի փող է վճարում»: Այնուհետև արդեն լրատվամիջոցներից մեկի հետ զրույցում նույն քաղաքացին ասել էր, որ տասնյակ տարիներ 7000 դրամից ավելի գումար չի վճարել սպառած էլեկտրաէներգիայի համար, իսկ ինչ հաշվիչները փոխվել են, ամիսը 13-14 հազար դրամ է վճարում:

Résultat de recherche d'images pour

«Փաստը» խնդրի վերաբերյալ պարզաբանում էր ստացել ՀԷՑ-ից: Մեզ տեղեկացրել էին, որ ներկայիս սմարթ հաշվիչները բացառում են ցանկացած տեսակի միջամտություն՝ իսպառ վերացնելով մարդկային գործոնը. ցանկացած շեղում երևում է մի քանի տեղ, այսինքն՝ ցանկացած անճշտության դեպքում մի քանի տեղից ազդանշան է գալիս:

Բացի դա, մեր ուսումնասիրությունները ցույց էին տվել, որ այն դեպքերում, երբ առանձին բնակիչներ բողոքում են, թե ավելի շատ են սկսել վճարել սպառած էլեկտրաէներգիայի համար, դրա գլխավոր պատճառն այն է, որ նախկինում բոլորին հայտնի պայմանավորվածությունները տեսուչների հետ այլևս ակտուալ չեն, իսկ դժգոհները, որպես կանոն, նախկինում այդ պայմանավորվածություններից օգտվողներն են:

«Հայաստանի էլեկտրական ցանցերից» մեզ տեղեկացրել էին, որ անպայման ուսումնասիրելու են Էջմիածնի բնակչի բողոքը: Խնդրի հետ կապված պարզաբանումներ ստանալու համար այցելեցինք Էջմիածին: Այնտեղ էինք հրավիրել նաև ՀԷՑ-ի մասնագետներին:

ՀԷՑ-ի անվտանգության գծով տնօրենի տեղակալ Վարդան Բուռնազյանը «Փաստի» հետ զրույցում նշեց, որ այսօր իրոք որևէ բաժանորդ կամ տեսուչ հաշվիչի աշխատանքի վրա ազդել չի կարող, և այս առումով հենց Էջմիածինն ու Արմավիրի մարզը բոլոր կոռուպցիոն ռիսկերի բացառման ցայտուն օրինակ են: Այդ է վկայում Արմավիրի մարզի էլեկտրաէներգիայի կորուստների մակարդակը, որը 2008թ-ին կազմում էր 27,1%, 2014թ.՝ 18,6 %, իսկ ՛՛Տաշիր՛՛ ընկերությունների խմբի ձեռքբերումից հետո կատարված միջոցառումների ու ներդրումների արդյունքում (խմբ.՝ 2015թ-ին ՛՛Տաշիր՛՛ ընկերությունների խումբը ձեռք բերեց ՀԷՑ-ը) այսօր 8,3 % է կազմում: Կոնկրետ Էջմիածնում կորուստները 2008թ-ին 29 % էին կազմում, 2014թ-ին՝ 19,2 %, իսկ այսօր՝ 8,5%:

 «Ինչ վերաբերում է կոնկրետ բաժանորդին, նշեմ, որ նրա ներկայությամբ իր էլեկտրական հաշվիչը մեր կողմից ենթարկվել է ստուգաչափման: Հաշվիչն աշխատում էր ճշտության դասի սահմաններում: Տեսեք՝ այս բաժանորդը 2017 թվականի փետրվարից տեղադրել է սմարթ հաշվիչ: Մենք համեմատել ենք նախորդ տարիներին նրա կատարած ծախսերը մինչև 2018 թվականի մարտ ամիսը: Էլեկտրաէներգիայի համար նա վճարել է նույն չափի գումար՝ բնականաբար փոքրիկ տատանումներով: Ստուգումների արդյունքում պարզեցինք, որ բաժանորդը իր բնակության շենքի մոտ շահագործում է արագ սննդի կետ՝ բիստրո, և սկսած 2018 թվականի մարտ ամսից այդ օբյեկտի էլեկտրական մատակարարումն իրականացնում է իր բնակարանի էլեկտրական հաշվիչից: Հենց սրանով է պայմանավորված, որ նրա ծախսերը նախորդ տարվա ապրիլ ից 2-3 անգամ ավելացել են: Մեր պարզաբանումներից հետո բաժանորդն ընդունեց նշված բացատրությունը և հայտնեց, որ այլևս բողոք չունի, ինչն էլ հաստատել է իր ստորագրությամբ»,-ասում է Բուռնազյանը:

 ՀԷՑ-ի մասնագետները նաև ցույց տվեցին, որ հաղորդալարը, որով բնակարանից բիստրոյին հոսանք է մատակարարվում, անցկացված է տեխնիկական նորմերի կոպիտ խախտումներով և անցնում է բազմաբնակարանյին շենքը սնող բարձր ճնշման գազատարի վրայով՝ հպվելով տարբեր հատվածներում վերջինիս հետ, ինչը կարող է հրդեհի առաջացման պատճառ հանդիսանալ: Բացի դա, խախտվել են ՀԷՑ-ի կողմից տրված տեխնիկական պայմանները, անվտանգության և շահագործման տեխնիկայի կանոնները: Բաժանորդը զգուշացվել է, որ եթե մեկ օրվա ընթացքում նշված խախտումները չվերացվեն, ապա բնակարանի էլեկտրաէներգիայի էներգամատակարարումը կդադարեցվի:

 Ինչ վերաբերում է բաժանորդ Արմեն Մեհրաբյանին, որը մեր այցելության պահին հենց իր բիստրոյում էր, կտրականապես հրաժարվեց պատասխանել մեր որևէ հարցի: Նշեց, որ իր խոսքն ամբողջությամբ չեն ներկայացրել, թողել են միայն ՀԷՑ-ին վերաբերող հատվածը, որ ինքը բողոք չունի, իր հաշվիչը ստուգել են, ամեն ինչ կարգին է, իսկ մեր այն դիտարկմանը, թե այս դեպքում ինչի՞ համար էր բարձրացված աղմուկը, սկսեց ընդհանրական դատողություններ անել՝ մասնավորաբար ասելով, թե ուզում է, որ էլեկտրական ցանցերը, գազամատակարարման, ջրամատակարարման և ընդհանրապես բոլոր հանրային ծառայությունների ընկերությունները պետական լինեն, ինքն էլ միշտ միայն պետության հետ գործ ունենա:

 Ստացվեց, որ քաղաքացին իր բողոքը ներկայացրեց վարչապետին «Հայաստանի էլեկտրական ցանցեր» ՓԲԸ տեղադրած հաշվիչներից, ընկերությունը ստուգումներ կատարեց պարզելու խնդրի էությունը, մենք էլ փորձեցինք մեկնաբանություն ստանալ անձամբ քաղաքացուց՝ կտրել անցնելով Երևան-Էջմիածին ճանապարհը, սակայն մեկնաբանության կամ հարցազրույցի փոխարեն ստացանք անհեթեթ, խնդրի հետ որևէ առնչություն չունեցող խոսքեր ու դատողություններ: Այս դեպքում մնում է միայն հավելել՝ մեկնաբանությունները թողնում ենք մեր ընթերցողներին:

Լուսինե Առաքելյան

Սկզբնաղբյուր՝ Past.am

 

Շաբաթվա ընթացքում հակառակորդը հրադադարը խախտել է շուրջ 190 անգամ ԱԺ-մ 174 մլն դրամի պարգևավճարներ են բաժանվել հունվարին աշխատած 17 օրերի համար «Aeroflot Open 2020»-ի երրորդ տուրում հաղթեց միայն Հայկ Մարտիրոսյանը Շատ ավելի ճիշտ կլիներ արդեն երեկ սահմանը փակելը. Կարեն Վրթանեսյանը՝ կորոնավիրուսի դեմ պայքարի մասին Անհրաժեշտություն է, որպեսզի Հայաստանի և Արցախի իշխանությունները լինեն միևնույն էջի վրա. Փաշինյան Առաջիկա օրերին եղանակը կտաքանա «Այո»-ի շոուն սկսվեց Մոնումենտով Մեր հասարակության սևն ու սպիտակը հասել է բանակ. Ո՞ւմ մեղադրենք «Կոս­տյում», որ ար­դեն լավն է, երբ քո հա­գին է. դիր­քո­րո­շում­նե­րի փո­փո­խու­թյան «նուրբ ար­վես­տը» Կորոնավիրուսից առաջին անգամ եվրոպացի է մահացել Երևանի 51-ամյա բնակչի ավտոմեքենայի ուղղությամբ 35-ամյա տղամարդը կրակոցներ է արձակել. վերջինը դիմել է փախուստի Սպիտակում Nissan-ը բախվել բետոնե արգելապատնեշին և գլխիվայր շրջվել. Կա տուժած Մոնթե Մելքոնյանին նվիրված փաստավավերագրական ներկայացում է պատրաստվում. Երևանի փոխքաղաքապետ ՀՀ դեսպանությունը կոչ է անում Իրանում գտնվող Հայաստանի քաղաքացիներին կապ հաստատել իրենց հետ Երևանում և 6 մարզում սպասվում են էլեկտրաէներգիայի անջատումներ
Ամենաընթերցված
Շատ ավելի ճիշտ կլիներ արդեն երեկ սահմանը փակելը. Կ... ՀՀ դեսպանությունը կոչ է անում Իրանում գտնվող Հայաս... Բարի Սամարացի ընկերությունը վստահված է անգամ վարչա... Լուրջ հարցազրույցի ձևաչափը քոնը չի, քոնը ղժղժան քա... Փաշինյանը գնում է 1997թ-ի փուլային տարբերակին. Էդո... «Ինչո՞ւ հենց ապրիլի 5-ին. ես զուգադիպություններին ... Նոր զվարճալի Արթ-կերպարներ Depteam-ի կողմից ՍԴ-ի հարցը լուծում ենք ու վե՞րջ․․․ Երաշխավորում եմ, որ մարդասպանի դատավարությունը կան... Դանակահարված դեռահասների մոտ նկատվում է դրական դին... Տնտեսական հեղափոխության միֆը Պարապուրդի մատնված «Իրատես» թերթը հիվանդ երևակայու... Բանակը՝ քաղաքական ենթամշակույթի զոհ ... Աջափնյակում ևս մեկ պաշտոնանկություն է եղել Չկա բանակ-հասարակություն բաժանում․ կարևոր եմ համար... Նման ստեր հրապարակողին չպետք է սահմանափակել արհամա... «Կայուն տեմպերով գնում ենք դեպի գարուն». Գագիկ Սու... Չսիրվածության, չկայացվածության բարդույթը կարող է ն... Պատմական և իրավական փաստեր, որոնք բացահայտում են Ա... Մյունխենում Փաշինյանն ապացուցեց, որ պետության ղեկա...
website by Sargssyan