Արտաքին քաղաքականության ոլորտում՝ ոչ մի արդյունք

Սեպտեմբերի 16-ին վարչապետ Փաշինյանը Վանաձորում կայացած ասուլիսի սկզբում հանդես եկավ Նոր Հայաստանի մասին 100 փաստերի հրապարակումով, որոնք, կարծես, 2019 թ. մայիսի 8-ին վարչապետի առաջին ասուլիսի ժամանակ ներկայացված 100 փաստերի շարունակությունը լինեին:

Ուշագրավ է, որ վարչապետի ներկայացրած 100 ձեռքբերումներում գրեթե անդրադարձ չկար արտաքին քաղաքականությանը վերաբերող արդյունքներին: 100 փաստերի մեջ արտաքին քաղաքականությանը վերաբերող միայն ձևական մի կետ էր տեղ գտել, որում նշվում էր, թե 2019 թ. տարեկան գործողությունների ծրագրի շրջանակում Եվրամիության կողմից Հայաստանին տրամադրվող աջակցությունը ավելացել է 25 մլն եվրոյով։

Արտաքին քաղաքականության մեջ ձեռքբերումների մասին փաստերի բացակայությունը ցույց է տալիս, որ կառավարությունը լուրջ ներուժ չի գործադրել գործընկեր երկրների հետ հարաբերությունները խորացնելու ուղղությամբ: 

Շրջափակման և պատերազմի սպառնալիքի մեջ գտնվող մեր երկրի համար ակտիվ արտաքին քաղաքականությունը և գործընկեր երկրների հետ հարաբերությունների խորացումն ուղղակի անհրաժեշտություն են, սակայն իշխանափոխությունից ի վեր ոչ մի ուղղությամբ շոշափելի արդյունքներ տեսանելի չեն:

Հայ-ռուսական հարաբերություններում, չնայած այն հավաստիացումներին, թե դրանք փայլուն են, անորոշ վիճակ է և նույնիսկ որոշակի անվստահություն է նկատվում: 

Դեռևս անցած տարի ՀՀ վարչապետը ՌԴ նախագահին հրավիրել էր Հայաստան, սակայն այդ այցը այդպես էլ տեղի չունեցավ, իսկ հետո խոսակցություններ տարածվեցին, թե հավանական է, որ Պուտինը չմասնակցի ԵՏՄ երևանյան գագաթաժողովին:

Հիմա էլ ռուսական կողմը հաստատում է, որ Պուտինը հոկտեմբերին մասնակցելու է ԵՏՄ երևանյան գագաթաժողովին, սակայն արդեն խոսվում է, թե վերջինս Հայաստանում մնալու է ընդամենը մի քանի ժամ։

ԱՄՆ-ի հետ մեր հարաբերություններում ևս որևէ առաջընթաց չի նկատվում, քանի որ պոպուլիստական հայտարարություններից բացի ԱՄՆ-ի ներկայիս վարչակազմի հետ աշխատելու քայլեր չեն ձեռնարկվել:

Իսկ ԱԺ նախագահի և վարչապետի՝ ԱՄՆ կատարած այցերը, պարզվում է, միայն «պտիչկա լրացնելու» համար էին: Քանի որ ՀՀ իշխանությունները չեն կարողանում ԱՄՆ-ի կառավարության հետ գործակցության օրակարգ ձևավորել, առիթից օգտվում է Ադրբեջանը՝ հասնելով նրան, որ իրեն հատկացվող օգնությունը կտրուկ ավելացնում է, իսկ Հայաստանին տրամադրվող ռազմական օգնությունը դրա համեմատությամբ մնում է շատ ցածր մակարդակի վրա:

Ինչ վերաբերում է ՀՀ-ԵՄ հարաբերություններին, ապա դրանց բովանդակությունը 2017 թվականին կնքված Հայաստան-ԵՄ համապարփակ և ընդլայնված գործընկերության համաձայնագրից այն կողմ չի անցել, և անգամ վիզաների ազատականացման բանակցությունների մեկնարկի մասին դեռևս խոսք չկա:

Չինական ուղղությամբ էլ մեր արտաքին քաղաքականությունը ակտիվացնելու ջանքերը բավարար չեն: Այս տարվա ապրիլին Պեկինում տեղի ունեցավ «Մեկ գոտի, մեկ ճանապարհ» մեգանախագծին նվիրված երկրորդ միջազգային ֆորումը, որի ընթացքում նախանշվեցին մեգանախագծով իրականացվելիք ծրագրերը, և միայն դրանից հետո եղած քննադատությունների ալիքից հետո Նիկոլ Փաշինյանը որոշեց մեկնել Չինաստան

Հայաստանի հարևաններ Վրաստանի և Իրանի հետ հարաբերություններում էլ որևէ դրական տեղաշարժ նկատելի չէ, չկան համատեղ նախագծեր: Ավելին՝ Իրանի դեմ ամերիկյան պատժամիջոցների արդյունքում Հայաստանը ճնշումների է ենթարկվում:

Թերևս այս ֆոնին Հայաստանի կողմից Իսրայելում ու Եթովպիայում դեսպանություն բացելը և ռեզիդենտ դեսպան ունենալը մեծ ձեռքբերում է թվում:

Ստացվում է, որ կառավարության գործունեության արտաքին քաղաքականության բլոկը չի արդարացնում սպասելիքները, իսկ այս հանգամանքը չի կարող վրիպել քաղաքացիների աչքերից: 

Եվ պատահական չեն այն խոսակցությունները, թե չի բացառվում, որ Փաշինյանը փորձի արտաքին քաղաքական ձախողումները «բարդել» բացառապես արտգործնախարար Զոհրաբ Մնացականյանի վրա, որպես քավության նոխազի:

Սակայն նշենք, որ Մնացականյանի հրաժարականը հարցի լուծում չի կարող լինել, պետք է լուրջ ռեսուրսներ ներդնել արտաքին քաղաքականության իրականացման ուղղությամբ և, ընդհանրապես, պարզապես պետք է կոնկրետ տեսլական ու պատկերացում ունենալ:

ԱՐԹՈՒՐ ԿԱՐԱՊԵՏՅԱՆ

 
 
Հուլիսի 16-ին և 18-ին «Դոմոդեդովո» օդանավակայանից դեպի Երևան 2 չվերթ կլինի ԳԹԿ-ն չի կարողանում հրապարակել մաթեմատիկայի միասնական քննության արդյունքները Սահմանադրությունը ոտնահարում են ոչ միայն Հայաստանում, այլև Արցախում Ճանապարհային ոստիկանությունը հայտարարություն է տարածել Սիրիայի և Իրանի միջև ռազմական համագործակցության համաձայնագիր է կնքվել «Ես տարաձայնություն ունեմ ձեր առաջարկի հետ». Արսեն Թորոսյանը՝ փոխվարչապետին Վանեցյանի քայլը կոնսոլիդացրել է ընդդիմությանը, իսկ իշխանությունների խաղաքարտերը խառնել է իրար ՍԴ-ի նկատմամբ իշխանությունների «պյուռոսյան հաղթանակը» խոցելի գործընթաց է․ Մարուքյան Վրաստանը բաց է 18 երկրի համար կուսակցության Երիտասարդների Միությունն իր մտահոգությունն է հայտնում Հայոց Եկեղեցու և Հայ ազգային արժեքների դեմ ուղղված հակահայկական քարոզի համար Եվս մեկ ապացույց, որ Գագիկ Ծառուկյանին կալանավորելու հիմքեր չկան Կառավարական դաչաներից քաղաքական աղբանոց Ինչի՞ ավելին չեք ասում, գաղտնի՞ք ա․ Փաշինյանը՝ պետական գույքի մրցույթների մասին Պաշտպանության նախարարն ընդունել է Եվրոպայի խորհրդի երևանյան գրասենյակի ղեկավարին Ժողովրդավարությունը Հայաստանում այլընտրանք չունի, իսկ իրավունքը պե՛տք է գերակայի. Արթուր Ղազինյան
Ամենաընթերցված
ՍԴ-ի նկատմամբ իշխանությունների «պյուռոսյան հաղթանա... Այսօր Նիկոլի ռեժիմը «պատերազմ» է հայտարարել ազգայի... Կեղծիքների տոնը «Հայոց Եկեղեցու պատմություն» առարկան վտանգված է․ Ա... Գտնում ենք, որ Գույքահարկի մասին օրենքի թեման պետք... Դուք ցինիկ եք ու տխմար, պարոն Թորոսյան, դուք աղետ ... ԲՀԿ նախագահ Գագիկ Ծառուկյանի հայտարարությունը Քրեական գործի հարուցման պատճառ դարձել են ոչ թե իրա... «Փաշինյանի կորոնավիրուսային ցինիզմը և դեմագոգիան» ... Պարզվեց, թե ո՞վ է վճարելու սահմանի վրա թանկացած գա... Հայաստանում չկա իրական հակակոռուպցիոն պայքար. Արմե... Կառավարությունը գիտակցում է լոքդաունի անհրաժեշտութ... Միքայել Մինասյանը Ռուսաստանու՞մ է. քննարկում՝ համա... Անկախ պետականության կազմաքանդման հետհաշվարկը սկսվա... Հունիսի 26-ը նշվում է որպես ռազմաավիացիոն ուժերի օ... Մոտենում է տնտեսական լուրջ ու երկարատև ճգնաժամ. Զո... Երևանի քաղաքապետի մամուլի խոսնակը «Լույս» խմբակցու... Չեմ ուզում ունենալ ոչ միայն Սերժի կամ Քոչարյանի, ա... Պաշտոնանկ կարվեն ՍԴ-ի հնաբնակները. Հրայր Թովմասյան... Արդյոք իր դերը հրապարակավ այդ աստիճան կնսեմացնի Ար...
website by Sargssyan