Իշ­խա­նու­թյուն­նե­րի սոց­ցան­ցա­յին կյան­քի ու իրա­կա­նու­թյան ան­դուն­դը

Իշխանափոխությունից հետո նոր իշխանությունները շարունակում են լայնորեն օգտվել սոցցանցերի ընձեռած հնարավորությունից և դրանց միջոցով շփվել հանրության հետ:

Հատկապես Ֆեյսբուքը առավելագույնս փորձում է օգտագործել վարչապետ Փաշինյանը, ով Դավոս կատարած իր այցի ընթացքում նույնիսկ հանգամանալից անդրադարձավ անցած տարի իրենց շարժման ընթացքում Ֆեյսբուքի արդյունավետ կիրառմանը և սոցցանցերի մեծացող դերակատարությանը:

Սա սկզբունքորեն նորմալ է, եթե չհաշվենք այն հանգամանքը, որ ժամանակին հաճախ էր քննադատվում, ասենք, Արմեն Աշոտյանը՝ Ֆեյսբուքում ստատուսներ գրելու համար՝ «աշխատելու փոխարեն»:

Սակայն այս «հիվանդությունն» արդեն սպառնում է զանգվածային դառնալ. այնպիսի տպավորություն է, որ երկիրը բացառապես վիրտուալ իրականության մեջ է:

Սկզբնական շրջանում հանրության հիմնական ուշադրությունը սևեռված էր վարչապետ Նիկոլ Փաշինյանի ֆեյսբուքյան էջին, մարդիկ մեծ սպասումներ ունեին Փաշինյանից և հետևում էին, թե ինչ ուղերձ կամ տեղեկատվություն է նա փոխանցելու ժողովրդին:

Սակայն ժամանակի ընթացքում վարչապետի գրառումների ներքո մեկնաբանություններում սկսեցին տեղ գտնել դժգոհության արտահայտություններ և բացասական արձագանքներ:

Մամուլում բազմիցս տեղեկություններ են շրջանառվել, որ իշխանությունների կողմից իրենց սոցցանցային վարկանիշը պահելու համար օգտագործում են մեծ քանակությամբ կեղծ էջեր կամ, այսպես ասած, ֆեյքեր, բայց վերջին շրջանում նույնիսկ ֆեյքերի կիրառումը չի փոխում առկա պատկերը, քանի որ վարչապետի ֆեյսբուքյան էջի ռեյտինգը աստիճանաբար անկում է ապրում, դրա նկատմամբ հանրային ուշադրությունն էլ նվազում է:

Ուստի իր ֆեյսբուքյան էջի նկատմամբ հասարակության հետաքրքրությունը պահպանելու նպատակով Փաշինյանը փորձում է տարբեր ոլորտներին վերաբերող տվյալներ հրապարակել և ցույց տալ, որ կառավարությունը շարունակում է տնտեսական բարձր ցուցանիշներ գրանցել, սակայն ինչպես նախկինում, այնպես էլ հիմա հանրությունը կասկածամտությամբ է վերաբերվում այդ ցուցանիշներին:

Մարդիկ ակնկալում են երկրի առաջընթացը զգալ սեփական մաշկի վրա, ոչ թե ուրախանալ վիրտուալ ցուցանիշներով: Բացի այդ, տարբեր տնտեսագետներ այն կարծիքին են, որ վարչապետի ներկայացրած ցուցանիշները ընդամենը մանիպուլ յացիոն նշանակություն ունեն և հեռու են իրականությունից:

Տեսակետներ կան նաև, որ վարչապետի գործառույթների մեջ չի մտնում պարբերաբար ինչ-որ ցուցանիշներ հրապարակելը, առավել ևս՝ գրառումներ կատարել այնպիսի հարցերի մասին, որոնք վերաբերում են որևէ նեղ ոլորտի:

Ասենք՝ նա կարող է գրառում անել աղբահանության մասին, շարքային օգտատերի պես «շեյրել» իր որևէ նախարարի գրառումը և այլն: Կարծես թե վարչապետը փորձում է տեղավորվել շարքային բլոգերի կամ նյութեր տարածողի իմիջի մեջ:

Դե, ուղիղ եթերների մասին չենք խոսում, սա վարչապետի «կրեդոն» է: Իսկ ուղիղ եթերները նվիրված են լինում ոչ միայն երկրում ստեղծված իրավիճակի և առկա խնդիրների քննարկմանը, այլև շատ հաճախ առօրյա նշանակություն են ունենում, երբ, օրինակ, վարչապետը զբոսնում է Երևանի փողոցներով, շփվում մարդկանց հետ և այլն:

Փաշինյանը հանրության ուշադրությունից հեռու չի պահում նաև իր ընտանիքի անդամներին:

Կարճ ասած՝ Փաշինյանը նպատակ ունի մշտապես լինել հանրության ուշադրության կենտրոնում, իսկ մինչ այդ իր թիմի անդամների գործունեությունը ևս տեղափոխվել է Ֆեյսբուք, քանի որ նրանք փորձում են հետևել վարչապետի օրինակին:

Իշխանության գործունեության առանցքը հիմնականում պտտվում է հենց Ֆեյսբուքի շուրջը:

Եվ տպավորություն է, թե Ֆեյսբուքով փիառվելը ավելի կարևոր նշանակություն ունի, քան երկրի համար կարևորություն ունեցող հարցերին լուծում տալը: Իշխանության համար առաջնահերթ է դեկորացիան և ձևականությունը, հետո նոր բովանդակությունը:

Եվ փորձը ցույց է տալիս, որ իշխանության ներկայացուցիչները՝ վարչապետից սկսած, ամեն քայլի կգնան, որպեսզի հանկարծ իրենց լայքերը չպակասեն, քանի որ նրանք իրենց վստահությունը չափում են լայքերի քանակությամբ, այլ ոչ թե արդյունավետ պետական կառավարման իրականացմամբ, առավել ևս՝ հասարակության իրական տրամադրություններով:

Վերջինիս ուսումնասիրությունը հաստատ ձեռնտու չէ:

Հ.Գ.-Հա, ինչ վերաբերում է բանաստեղծություններին, ապա որքան էլ լավ լրագրող լինի պարոն վարչապետը, որքան էլ լավ հռետոր լինի, մեղմ ասած, լավ բանաստեղծ չէ: 

Դե, թույլ են այդ ոտանավորները, շատ թույլ: Ու դա միայն մենք չենք ասում, միայն գրականության ու արվեստի մարդիկ չեն ասում, դա նույնիսկ իր ամենա-ամենա կողմնակիցներն են ասում...

ԱՐԹՈՒՐ ԿԱՐԱՊԵՏՅԱՆ

All.me թվային հարթակը ՝ WCIT 2019 հատուկ գործընկեր Բաբկեն Սեդրակյանը ոստիկանության պրոֆեսիոնալ կադրերից է ՔԿ-ն մանրամասներ է հայտնում Վայոց Ձորում տեղի ունեցած միջադեպից. Փոխգնդապետի վիճակը ծայրահեղ ծանր է Ռոբերտ Քոչարյանի աջակիցներն ակցիա են իրականացնում Շենգավիթի դատարանի դիմաց (ուղիղ) Իշխանությունները պետք է ելնեն ոչ թե քանդելու տրամաբանությունից, այլ եղածին ավելացնելու մոտեցումից Յուրի Խաչատուրովի որդուն շնորհվել է գեներալ-մայորի կոչում Մխիթարյանի հիանալի նորամուտը «Ռոմայում», Օզբիլիսի առաջին գոլը «Փյունիկում» ԱՊՀ միջպետական խորհրդի՝ Դուշանբեի նիստում Հայաստանը դարձավ համանախագահող. 2021-ի նիստը տեղի կունենա ՀՀ-ում Ամուլսարի պաշտպանների հանրահավաքն ավարտվեց. Դասադուլն ու գործադուլը դադարեցվում են, սպասում են կառավարության մեսիջին Նյու Յորքում տեղի կունենա Հայաստանի եւ Ադրբեջանի ԱԳ նախարարների հանդիպումը. Օրը հայտնի է Բաբկեն Չոբանյանին շնորհվել է ՀՀ վաստակավոր արտիստի պատվավոր կոչում Դավիթ Անանյանին շնորհվել է Հարկային ծառայության պետական խորհրդականի դասային աստիճան Գ.Ծառուկյանի առաջարկով՝ խաղողի մթերումն իրականացվում է արագ և առանց հերթերի Փաշինյանը ներկայացրել է ՀՀ ոստիկանապետի պաշտոնակատարին. վարչապետն ակնարկեց, որ կարող է հենց նրան նշանակել ոստիկանապետ Երկար ժամանակով լույս չի լինելու Երևանում և 8 մարզերում
Ամենաընթերցված
Նյու Յորքում տեղի կունենա Հայաստանի եւ Ադրբեջանի Ա... Նիկոլ,սխալ կուպե ես նստել. Շարմազանով Նիկոլ Փաշինյանին նայելիս տպավորություն է առաջանում... ՀՊՏՀ նոր ղեկավարությունից շատերը քարոզում են, թե ի... Դե ինչ,հարգելիներս, թևակոխեցինք մանիպուլյացիոն նոր... Կլուծվի ծայրահեղ աղքատ ընտանիքներին աջակցություն տ... 150 000-ից մինչև 2 մլն դրամ աշխատավարձ ստացող սեգմ... Տաքանում է. Երեւանում ջերմաստիճանը կհասնի մինչեւ +... Գիշերվա ընթացքում երկու թույլ ցնցումներ ենք ունեցե... Սեպտեմբերի 13-ին Գեղարդ վանական համալիրը փակ կլինի... «Ով ինձ զոմբի կասի, իրա...». Ավան վարչական շրջանի ... Արցախից եկող մտահոգություն Այս տարվա առաջին կիսամյակում կենսաթոշակների եւ նպա... «Պարոն Փաշինյան կհանդիպենք Ամուլսարի ստորոտներում»... Երկու ծրագրերի շրջանակներում ներդրումների աճը կազմ... Սրտանց շնորհավորում ենք Ծառուկյան և Սուքիասյան ընտ... Միայն թե բուժվի փոքրիկը. մանրամասներ 6-րդ հարկից ը... Հիմա արդեն շատ բան կախված կլինի Վանեցյանից, Տոնոյա... «Շենիկ» ՋՕԸ-ում հայտնաբերված խախտումներն ու թերութ... «Եվս մեկ քայլ դեպի աշուն». Արեւմտյան Սիբիրից եկող ...
website by Sargssyan