Պոմպեոն «վերալիցքավորում» է ԱՄՆ եւ ԵՄ հարաբերությունները
Header- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram
Պետքարտուղար Մայք Պոմպեոն փորձել է վերականգնել բարեկամական կապերը Եվրամիության վերջերս ընտրված առաջնորդների հետ եւ վերջ դնել լարվածությանը ԱՄՆ-ի եւ ԵՄ-ի միջեւ հարաբերություններում, որն առաջ էր եկել այն բանից հետո, երբ նախագահ դարձավ Դոնալդ Թրամփը։ Այս մասին Reuters գործակալությանը տեղեկացրել է ամերիկացի բարձրաստիճան դիվանագետը։
Բրյուսելում Վաշինգտոնի ներկայացուցչի խոսքով՝ սա կարելի է անվանել «վերալիցքավորում»։ Հանդիպումները, որոնք Պոմպեոն անցկացրել է ԵՄ չորս նոր ղեկավարների հետ երկուշաբթի եւ երեքշաբթի, «հիանալի» են անցել։ Պոմպեոն չի հանդիպել Եվրամիության ներկա ղեկավարության հետ, որը շուտով պետք է հրաժարական տա, տեղեկացնում է «Գոլոս Ամերիկի»-ն։
«Պետքարտուղարն այս ուղեւորությունը կատարել է մի նպատակով՝ հանդիպել ԵՄ չորս առաջնորդների հետ, որպեսզի վերալիցքավորի մեր հարաբերությունները»,- ասել է Եվրամիությունում ԱՄՆ ներկայացուցիչ Գորդոն Սոնդլանդը։ Նրա խոսքով՝ ամերիկա-եվրոպական հարաբերությունները «փակուղի են մտել շատ ուղղություններում եւ զրույցների... բազմաթիվ անհարմարություններ ստեղծել»,- ասել է Սոնդլանդը՝ ընդգծելով, որ նախագահ Թրամփը «հավանություն» է տվել Պոմպեոյի ուղեւորությանը։
Այն, որ նախագահ Թրամփը ժամանակին աջակցել է ԵՄ-ից Բրիտանիայի դուրս գալուն եւ որոշ ժամանակով իջեցրել Վաշինգտոնում ԵՄ ներկայացուցչության կարգավիճակը, նրա արհամարհանքը Բրյուսելի հանդեպ եւ Եվրամիության աջակցությանն արժանացած համաձայնագրերից դուրս գալը, փչացրել է ավանդական լավ հարաբերությունները դաշնակիցների միջեւ։ Պոմպեոյի հանդիպումներն ազդարարում են նման մոտեցման փոփոխության մասին։ 2018-ի վերջին Պոմպեոն, հանդես գալով Բրյուսելում, նախազգուշացրեց, որ Թրամփի «Ամերիկան ամեն ինչից առաջ» քաղաքականությունը պետք է փոխեր ավանդական համակարգը, որն աշխարհում ստեղծվել էր Երկրորդ համաշխարհային պատերազմից հետո, եւ փոխել այն հօգուտ ինքնիշխան պետությունների, այլ ոչ թե ԵՄ-ի նման կազմավորումների։
Սակայն, ինչպես ասում է Սոնդլանդը, Եվրամիության ղեկավարների նոր թիմը՝ Եվրահանձնաժողովի, Եվրախորհրդարանի եւ Եվրախորհրդի ընտրված ղեկավարները, վարժվել են Դոնալդ Թրամփի ղեկավարության ոճին եւ պատրաստ են աշխատել նրա հետ։ «Կա ըմբռնումն այն բանի, որ մենք հետապնդում ենք միանման նպատակներ տարբեր մարտավարության օգնությամբ»,- ասել է Սոնդլանդը։
Պոմպեոն հանդիպումներ է ունեցել Եվրահանձնաժողովի նոր նախագահի՝ գերմանուհի Ուրսուլա ֆոն դեր Լյաենի, ԵՄ արտաքին հարաբերությունների նոր հանձնակատար՝ իսպանացի Խոսեպ Բորելի, բելգիացի Շառլ Միշելի հետ, որը ղեկավարելու է ԵՄ շրջանակում իրականացվելիք գագաթաժողովների աշխատանքը, եւ Եվրախորհրդարանի նոր նախագահ՝ իտալացի Դավիթ Սասոլիի հետ։ Նրանք աշխատանի կանցնեն նոյեմբեր-դեկտեմբերին։ Սոնդլանդը հույս է հայտնել, որ ԵՄ բոլոր չորս նոր ղեկավարները շուտով կհանդիպեն Թրամփի հետ Սպիտակ տանը։
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- ВКонтакте
- Viber
- Skype
- Telegram
1
2
3
4
5
2
3
4
1
2
4
5
