Սփյուռքահայերը դժգոհ են․ Համահայկական խաղերի բոլոր մեդալները նվաճում են հայաստանցիները

Համահայկական խաղերի բոլոր մեդալները Հայաստանի մասնակիցներն են նվաճում: Մենք որեւէ հնարավորություն չունենք: Պետք է ձեռնարկվի ինչ-որ բան, որ դրսից եկած մասնակիցներն էլ կարողանան մեդալներ նվաճել: Հայաստանի թիմերի մասնակիցները հիմնականում պրոֆեսիոնալներ են:

Այս մասին լրագրողների հետ զրույցում ասաց Համահայկական խաղերի համաշխարհային կոմիտեի գործադիր մարմնի անդամ, Վիեննայի պատվիրակության պատասխանատու Սեպուհ Բաղդոյանը:

Համահայկական 7-րդ խաղերի մասնակիցները օգոստոսի 13-ին այցելեցին Ծիծեռնակաբերդի հուշահամալիր՝ ծաղիկներ խոնարհելու Հայոց ցեղասպանության զոհերի հիշատակին: Խաղերի մասնակիցներին Ծիծեռնակաբերդ էին ուղեկցել Համահայկական խաղերի համաշխարհային կոմիտեի նախագահ Իշխան Զաքարյանը, գործադիր մարմնի անդամները: Սակայն ոչ բոլոր մասնակիցներն էին եկել Ծիծեռնակաբերդ. միայն կեսը։

Սակայն Իշխան Զաքարյանի պնդմամբ, Ծիծեռնակաբերդի հուշահամալիր են այցելել բոլոր պատվիրակություններն իրենց անդամներով:

«Այսօր բոլոր պատվիրակությունները գտնվում են Ծիծեռնակաբերդում: Համահայկական խաղերին մասնակցում են եղեռնական ժողովրդի սերունդները: Իրենք պետք է տեսնեն ամեն ինչ, շրջեն թանգարանում: Եվ այցելությունը Ծիծեռնակաբերդ մեր ծրագրի կարեւոր կետերից մեկն է»,- ասաց Իշխան Զաքարյանը:

Խաղերի մասնակիցները ծաղիկներ դրեցին անմար կրակի մոտ, աղոթեցին եւ  լուսանկարվեցին հուշահամալիրի ֆոնին:

Համահայկական խաղերի համաշխարհային կոմիտեի գործադիր մարմնի անդամ Սեպուհ Բաղդոյանի խոսքով Վիեննայի պատվիրակությունը միակն է, որը ծաղկեպսակով էր եկել Ծիծեռնակաբերդ:

«2003 թվականից մասնակցում ենք Խաղերին եւ ամեն անգամ մեր տուրքն ենք մատուցում Ծիծեռնակաբերդ այցելելով: Մենք ունենք 6-77 տարեկան մասնակիցներ, որոնք բոլորն այստեղ են եւ, կարծեմ, միակ պատվիրակությունն ենք, որ ծաղկեպսակով ենք եկել Ծիծեռնակաբերդ: Ուրախ ենք, որ Խաղերի բացումը կայացավ Արցախում: Շատ կարեւոր էր մեզ համար, որ Արցախն էլ միացավ: Հակառակ շատ խնդիրների, Արցախը հրաշալի ընդունելություն կազմակերպեց մեզ համար: Չմոռանանք, որ նրանք առաջին անգամ էին ընդունում Խաղերը:

Անկեղծ պետք է լինեմ. Խաղերի կազմակերպվածությունը մի քիչ տկար է այս տարի: Խնդիրներ կան, բայց դրանում ոչ թե կազմակերպիչներն են մեղավոր, այլ մասնակից թիմերը: Հարցեր են ստեղծում, որոնք կազմակերպիչները դժվարանում են լուծել: Խնդիրներ ունենք խաղերում հաղթելու առումով: Հայաստանի եւ Արցախի մասնակիցները պրոֆեսիոնալներ են, մենք շանս չունենք առաջ գնալու: Անկարելի է. մի բան պետք է անենք, որ մի քիչ էլ դրսից եկածները մրցանակներ ստանան, ոգեւորվեն»,- մանրամասնեց Սեպուհ Բաղդոյանը:

Թեհրանի պատվիրակության պատասխանատու, «Սիփան» միության անդամ Ռազմիկ Միրզախանյանը եւս գոհ չէ Խաղերի կազմակերպվածությունից:

«Ուրախ ենք, որ կարողանաք մասնակից լինել Համահայկական խաղերին: Ի դեպ, Թեհրանի թիմն ամենաերիտասարդն է: Կարողացել ենք լավ արդյունքներ գրանցել մեր վոլեյբոլի թիմով: Հույս ունենք, որ դեռ հաջողություններ կունենանք: Բայց Խաղերը կազմակերպված են բավարար, չեմ կարող ասել շատ լավ»,- նկատեց Ռազմիկ Միրզախանյանը:

Կիպրոսի Նիկոսիա քաղաքի պատվիրակության անդամ Անդրանիկ Աշչյանի համար Կիպրոսի թիմի այցելությունը ուխտ է Խաղերի մասնակից կիրպրոսահայերի համար:

«Կիպրոսը Հայոց ցեղասպանությունը ճանաչած առաջին եվրոպական պետությունն է: Այս առումով կիպրոսահայերի այցելությունը Ծիծեռնակաբերդ մեզ համար շատ կարեւոր էր, որպեսզի վերահաստատենք այն ուխտը, որն իրականցրեց Կիպրոսի հայ համայնքը 60-70-ական թվականներին: Կիպրոսի բոլոր հայկական ընտանիքներում հայոց լեզուն պահպանված է: Մենք բոլորս մեր ընտանիքներում խոսում ենք հայերեն:

Այս Խաղերում մեր թիմի անդամներ լավ են հանդես գալիս, արդեն ունենք մեդալներ մի քանի մարզաձեւերում: Վաղը հանդես կգանք նաեւ աթլետիկա մարզաձեւում եւ հուսանք՝ բարձր արդյունքներով կվերադառնանք Կիպրոս»,- նշեց Անդրանիկ Աշչյանը:   

Ծիծեռնակաբերդի հուշահամալիրում միջադեպ տեղի ունեցավ Իշխան Զաքարյանի եւ լրագրողներից մեկի միջեւ: ՀԽՀ կոմիտերի նախագահին հունից հանեց հարցն այն մասին, թե ինչպես է նա ներկայիս իշխանության օրոք վերընտրվել Համահայկական խաղերի համաշխարհային կոմիտեի նախագահի պաշտոնում եւ մի շարք այլ քաղաքական հարցեր:

«Սա համապատասխան վայրը չէ, որ ես այդ հարցերին պատասխանեմ: Մեկ ուրիշ անգամ մանրամասն կանդրադառնամ դրանց: Ինչ վերաբերում է ներկայիս իշխանությանը, շատ լավ աշխատում ենք միասին եւ կա փոխըմբռնման մթնոլորտ»,- ասաց Իշխան Զաքարյանը: Լրագրողի հարցերը նաեւ վրդովեցրին համաշխարհային կոմիտեի անդամներին, որոնց վեճի բռնվեցին լրագրողի հետ, նշելով, որ լրագրողն իրավունք չունի քաղաքական հարցեր տալ Իշխան Զաքարյանին:

Օգոստոսի 13-ը հանգստի օր է: Համահայկական խաղերի մասնակիցները այսօր կայցելեն նաեւ Գառնի եւ Գեղարդ:

Լուսինե Շահբազյան

Իլհամ Ալիևը Մյունխեն էր գնացել շոու անելու, այլ ոչ թե բանակցելու ԼՂ հակամարտության շուրջ Գնանկումով պետք է ոչ թե ուրախանալ, այլ անհանգստանալ․ Ո՞րն է ձվի էժանացման պատճառը Կարդացե՛ք և չսխալվե՛ք. ՀՅԴ-ականները գիրք նվիրեցին նախարարին (տեսանյութ) Կաշառքի դիմաց զինծառայությունից տարկետում տալու դեպք է բացահայտվել․ ԱԱԾ «Արմավիր» ՔԿՀ-ում կալանավորը ամորձիները մեխել է աթոռին՝ դեղորայք չստանալու պատճառով Նախագահը ստացել է ռազմական ոստիկանության պետին պաշտոնանկ անելու առաջարկությունը Դանակահարված դեռահասների մոտ նկատվում է դրական դինամիկա․ «Սուրբ Աստվածամայր» ԲԿ Տնտեսական հեղափոխության միֆը Աբովյանի ծննդատանը 4,9 կգ քաշով տղա երեխա է ծնվել Սերժ Սարգսյանի գործով առաջին դատական նիստի օրը հայտնի է Սպիտակում բախվել են «Mercedes Benz»-ը եւ «Volkswagen Golf»-ը. կա վիրավոր Ամբերդ ամրոց և Քարի լիճ տանող ճանապարհները դեռ անորոշ ժամանակ փակ կլինեն. Սյունիքում մերկասառույց է Դանակահարություն «Ռիո Մոլ»-ի տարածքում. 2 անչափահասներ տեղափոխվել են հիվանդանոց. Հարձակվել են 4 հոգով ՄԱԿ-ում Միքայել Մելքումյանն անդրադարձել է Արցախում կրթական իրավունքի իրացման խնդրին Նավթի համաշխարհային գներն աճում են
Ամենաընթերցված
Դանակահարված դեռահասների մոտ նկատվում է դրական դին... Տնտեսական հեղափոխության միֆը Պարապուրդի մատնված «Իրատես» թերթը հիվանդ երևակայու... Բանակը՝ քաղաքական ենթամշակույթի զոհ ... Աջափնյակում ևս մեկ պաշտոնանկություն է եղել Չկա բանակ-հասարակություն բաժանում․ կարևոր եմ համար... Նման ստեր հրապարակողին չպետք է սահմանափակել արհամա... «Կայուն տեմպերով գնում ենք դեպի գարուն». Գագիկ Սու... Չսիրվածության, չկայացվածության բարդույթը կարող է ն... Պատմական և իրավական փաստեր, որոնք բացահայտում են Ա... Մյունխենում Փաշինյանն ապացուցեց, որ պետության ղեկա... Լեռնային Ղարաբաղը չի կարող զիջել իր անվտանգություն... «Նիկոլ, դու սուս վիճակն է». Աշոտյան 2019-ին պետական մարմիններում աշխատողներն ստացել են... Իմ տպավորությամբ՝ Տիգրան Ուիրխանյանը վաղուց քաղաքա... Ինձ միևնույն է ձեր «հանրաքվեն», բայց միևնույն չէ, ... «Ոգեշնչող օրինակ»․ Աննա Հակոբյանը շնորհավորել է Ար... «Ասֆալտին փռելու սպառնալիքների մաստեր կլասի դասեր ... Հայտնի են Արցախում մահացած զինծառայողների անուններ... Սառնամանիքները էականորեն կմեղմվեն. Գագիկ Սուրենյան...
website by Sargssyan