«Իրավունք». Քաղաքապետ Հայկոն «փառավորապես» ձախողել է կարգին Հայկոյի նախընտրական խոստումները

«Իրավունք» թերթը գրում է. «Նախօրեին ՀՅԴ Երեւանի քաղաքային կոմիտեն Երեւանի քաղաքապետարանի մուտքի մոտ ակցիա էր իրականացնում, որի նպատակն է բարձրաձայնել Երեւանում կուտակված բազմաթիվ խնդիրների մասին ու պահանջել Երեւանի ավագանուց եւ քաղաքապետից՝ կատարել նախընտրական խոստումներն ու լուծել այդ խնդիրները։ Եվ առհասարակ, վերջին ժամանակներս միայն ՀՑԴ-ականները չէ, որ քաղաքապետ Մարությանի նախընտրական խոստումների մասին հիշելու առիթ ունեցան։ 

ԱԴԲԱՀԱՆՈՒԹՅՈՒՆ

Ավելի կոնկրետ՝ այն վիճակը, որն այսօր տիրում է մայրաքաղաք Երեւանում, պարզապես պարտադրում է հիշել քաղաքապետի նախընտրական խոստումների մասին։ Մասնավորապես այն խոստումների, որոնք կետերով թվարկում էր դերի մեջ մտածած այն ժամանակներում ընդամենը դերասան Կարգին Հայկոն։ Միգուցե, նա նաեւ իր ժանրի մե՞ջ էր, հումո՞ր էր անում։ Եթե անգամ այդպես էր, ապա մեկ է, մարդիկ հավատացին, ձայն տվեցին, ու Կարգին Հայկոյից քաղաքապետ Հայկոյի վերափոխված Մարությանին էլ մարդիկ պարզապես սկսել են հիշեցնել իր իսկ ասածները։

Թերեւս, արժե կենտրոնանալ այդ խոստումներից ներկայումս առավել ցցուն տեսք ունեցող երեք դրվագների վրա։ Այդ հոլովակի առաջին քայլով նա նախատեսնում էր դառնալ քաղաքապետ, եւ դրան անմիջապես հետեւում էր «Մաքրելու ենք քաղաքը» քայլը։ Այսինքն՝ քաղաքապետ դառնալուն պես Հայկոն պարտավորվել է մաքրել առանց այդ էլ նախկին քաղաքապետի օրոք բավականի մաքուր, սակայն որոշակի թերություններ ունեցող քաղաքը։ Այսինքն՝ նոր քաղաքապետի գործն աղբահանության հարցով ընդամենը եղածի վրա գոնե մեկ քար ավելացնելն էր։ Ի՞նչ ունենք արդյունքում, միակ բանը, որ արել են, մաքրության համար քաղաքի բնակչության գրպանից տրվող գումարը մի երկու միլիարդ դրամով ավելացնելն է եւ ինչ–որ խիստ կասկածելի գործարքի արդյունքում մի քանի աղբատար մեքենաներ բերելը։ Դրա փոխարեն ունենք անհամեմատ ավելի վատթար վիճակ, որն արդեն իսկ վերածվել է խնդրի ոչ միայն սանիտարահիգիենիկ առումով, այլ նաեւ՝ քաղաքական։ Իհարկե, գործող քաղաքային իշխանություններն ու քաղաքապետը դեռ համառորեն խոստանում են՝ «Մաքրելու ենք, ժամանակ է պետք»։ Բայց ի՞նչ ժամանակի մասին է խոսքը, երբ կար բավականին նորմալ վիճակ, ու պետք էր ընդամենը մեկ-երկու քայլ առաջ գնալ։ Լավ, ասենք, առաջ գնալու համար ժամանակ է պետք, սակայն Կարգին Հայկոն բոլորովին այլ ժամանակացույց էր ներկայացնում։ Մեջբերենք նախընտրական քարոզարշավի շրջանակներում անցած տարվա սեպտեմբեր 21-ին նրա արած հայտարարությունը.

«Աղբահանության հարցով միանգամից զբաղվելու ենք։ Եվ, վստահաբար, վեց ամսվա մեջ պետք է տեսնենք արդյունքներ...»։ Սա էր նրա մատնանշած ժամանակը՝ վեց ամիս, սակայն անցել է տասը։ Ուստիեւ ֆիքսենք, քաղաքապետ Հայկոն փայլուն կերպով ձախողել է Կարգին Հայկոյի թիվ 1 առաջնահերթության աշխատանքային խոստումը։ Ավելի կոնկրետ, այս խոստումը տալով, նա պարզապես խաբել է ընտրողին, եւ դա արդեն փաստ է։ 

ՎԵՐԵԼԱԿՆԵՐ

Կարգին Հայկոյի խոստացած «Քայլ 4»–ը, կամ պրակտիկ աշխատանքների 3-րդ ծրագրային կետն էր «Բարեկարգելու ենք վերելակները»։ Ավելի կոնկրետ՝ նրա տարբեր ելույթներում բնութագրմամբ. «մահաբեր վերելակները»։

Մինչդեռ այն, որ մայրաքաղաքում վերելակային վթարների հաճախականությունը էապես ավելացել է, բոլորիս աչքի առաջ է։ Ինչո՞ւ։ Չնայած այս խոստմանը, Կարգին Հայկոն նաեւ հայտարարում էր, որ քաղաքապետարանը վերելակների հետ գործ չպետք է ունենա, բայց նաեւ հատուկ ընդգծելով. «Վերելակները ձեր գույքն է, բայց հասկանալով, որ ժողովուրդը չի կարող հավաքել այդ գումարը եւ փոխել վերելակները, քաղաքապետարանը պետք է վերանորոգի եւ հարկ եղած դեպքում՝ փոխի»։ Ու չնայած դրան, ընտրվելու հազիվ երկու-երեք ամիս անց, հաստատելով մայրաքաղաքի այս տարվա բյուջեն, վերելակների սպասարկման գումարը մոտ 3 անգամ նվազեցրին սարքելով մոտ 30 միլիոն դրամ։ Այն, որ նման նվազեցումը պետք է բերեր վթարների կտրուկ աճի, միանգամայն սպասելի էր, եւ դրա հաստատումը տեսնում ենք ներկայումս։ Ճիշտ է, հիմա էլ հայտարարում են «Թե չէ, այդ թիվը փոխել ենք, դարձրել 120 միլիոն»։ Թե այդ ինչպես են դարձրել, երբ քաղաքապետարանի պաշտոնական կայքում տեղադրված մայրաքաղաքի բյուջեի պաշտոնական փաստաթղթում վերելակների սպասարկման գումարը 30 միլիոն 779 հազար դրամ է, դա դեռ հարցի մի կողմն է։ Դրանից շատ ավելի կարեւոր է այն, որ անգամ 120 միլիոնը բավարար չէ՝ վերելակների հարցում Կարգին Հայկոյի «քաղաքապետարանը պետք է վերանորոգի եւ հարկ եղած դեպքում փոխի» խոստումը կատարելու համար։ Հիմա կասեն՝ բա փողը քիչ է, հազիվ այդքան ենք հատկացնում։ Բայց եթե փողը քիչ է, ապա ինչո՞ւ քաղաքապետ Հայկոն ձմռանը 100 միլիոնանոց տոնածառ գնելու փոխարեն, այդ փողը չտվեց վերելակներին։ Կամ քաղաքի մաքրման համար մի երկու միլիարդ ավել փող որտեղի՞ց։ Նախկին «հանցավոր ռեժիմի» ծախսած չափով հատկացնեիք, քաղաքն առաջվա նման մաքրեիք, ու այդ 2 միլիարդն էլ ուղղեիք վերելակներին»։

Առավել մանրամասն՝ թերթի այսօրվա համարում         

Չինաստանում կորոնավիրուսով վարակվածների համար 48 ժամում կառուցված հիվանդանոցը բացվել է «Սոյուզմուլտֆիլմ»-ի ոսկե ընտրանին կցուցադրվի հայերենով Shant Kids հեռուստաալիքով ՊՆ-ն հայտարարել է զորամասին սնունդ մատուցելու ծառայության գնման գործընթաց կազմակերպելու մասին Մայիս, 2016 թ. վարչապետը տեսանյութ է հրապարակել Երեխաների ապօրինի որդեգրման գործով մեղադրյալ Լիանա Կարապետյանը կալանավորվել է Ժնևում մեկնարկել է Հայաստանի և Ադրբեջանի ԱԳ նախարարների հանդիպումը Թեհրան-Երևան-Թեհրան երթուղով փոխադրումներ իրականացնող մարդատար ավտոբուսը վթարի է ենթարկվել Զինվորը հրազենային վնասվածք է ստացել, պարզվում են հանգամանքները. ՔԿ «Սեքյուրիթի դրիմ» ընկերության տնօրենին մեղադրանք է առաջադրվել Չինաստանում կորոնավիրուսով վարակվածների թիվը գերազանցել է 5,9 հազարը (տեսանյութ) Դատական նիստերի անհիմն հետաձգումներ, տարիներով քննվող գործեր. ՄԻՊ-ը արդար դատաքննության իրավունքի կոպիտ խախտումների մասին «Մինչև վերջ գնալու եմ». Հրայր Թովմասյան (տեսանյութ) Մեղադրանքը հաստատվել է. Սերժ Սարգսյանի մասնակցությամբ գործն ուղարկվել է դատարան ՊԱՏՄՈՒԹՅԱՆ ԱՅՍ ՕՐԸ (29 ՀՈՒՆՎԱՐԻ) Հայաստանի առաջին օմբուդսմենի պաշտոնում առաջարկվել է Լարիսա Ալավերդյանի թեկնածությունը Ծուռ հարվածների սինդրոմը. երբ գնդակը նշանառելով մեկ գնդապարկ՝ այն ուղարկում ես ուրիշի մեջ
Ամենաընթերցված
Նիկոլ Փաշինյանի «ծռերը» Մենք ուժեղ էինք երեկ, ուժեղ ենք այսօր, էլ ավելի ու... ՊՆ բնակարանաշինության ծրագրով արդեն շահագործման է ... Չնայած «առաջընթաց»-ին, երկիրը գտնվում քյարթու կոռո... Հունվարի 29-31-ին գիշերները աստիճանաբար տաքանում ե... «Հրայր Թովմասյանի աղջկա ֆեյսբուքի էջը այս երիտասար... Սպաներին հորդորում ենք զերծ մնալ շանտաժի միջոցներո... Փաշինյանը հրապարակեց Հրայր Թովմասյանին վերաբերող փ... Սա է այն ամենը, ինչ հարկավոր է իմանալ սորոսականներ... «Հուզական, ագրեսիվ առաջնորդությունը վտանգներ է պար... Երևան հասնեմ՝ Հրայր Թովմասյանի ակնկալած օբյեկտիվ, ... «Հիմա ում ես գժի տեղ դնում. քե՞զ, մե՞զ թե ժողովրդի... Քաղաքական դալտոնիզմը հաղթահարելու հրամայական Սա էլ կանցնի, ամուր եղեք․ Շարմազանով Գագիկ Ծառուկյանի խոսքերը խեղաթյուրել ցանկացող սորո... «Լատենտ համակրություն, Համլետի հոր ուրվական». սրան... Փողոց փակելով մարզպետ դառավ, հիմա ասում է՝ փողոցնե... «Սրանք մարդ չեն ու տղամարդ էլ չեն» Սոցցանցերում զինծառայողների ակտիվությունը հակառակո... Ուկրաինայի նախագահը կրճատել է նախարարների աշխատավա...
website by Sargssyan