Ադրբեջանը Թուրքիայի քաղաքացիների համար չեղարկում է վիզային ռեժիմը

Ադրբեջանի արտաքին գործերի նախարարությունը հուլիսի 25-ին հաղորդագրություն է տարածել, համաձայն որի՝ սեպտեմբերի 1-ից Ադրբեջանը Թուրքիայի քաղաքացիների համար վերացնելու է վիզային ռեժիմը: Թուրքիան Ադրբեջանի քաղաքացիների համար միակողմանիորեն դեռ 2007թ. է վերացրել:

Փաստն այնքանով է ուշագրավ, որ 2012թ. սեպտեմբերին Թուրքիայի վարչապետ Ռեջեփ Թայիփ Էրդողանի՝ Ադրբեջան կատարած այցի շրջանակներում նախատեսվում էր Ադրբեջան-Թուրքիա ռազմավարական խորհրդի նիստի ընթացքում Ադրբեջանի կողմից Թուրքիայի քաղաքացիների համար վիզային ռեժիմը չեղարկելու հարցի շուրջ վերջանական որոշում կայացնել: Այդ առնչությամբ Ադրբեջանի նախագահ Իլհամ Ալիևն Էրդողանի հետ հանդիպմանը հայտարարել էր, թե՝ «վիզային ռեժիմի չեղարկման գործընթացը մեծ արագությամբ առաջ է ընթանում»:

Սակայն եթե չլիներ Իրանի կոշտ դիրքորոշումը, Ադրբեջանը Թուրքիայի քաղաքացիների համար դեռ 7 տարի առաջ կչեղարկեր վիզային ռեժիմը:

Խնդիրն այն է, որ հարևան երկրների հետ վիզային ռեժիմի չեղարկման հարցն Իրանի արտաքին քաղաքականության առաջնահերթություններից է, հատկապես Ադրբեջանի հետ կապված այն չափազանց զգայուն թեմա է Իրանի համար:

Իրանը դեռ 2011թ. միակողմանիորեն Ադրբեջանի քաղաքացիների համար վերացրել էր վիզային ռեժիմը՝ նույնը ակնկալելով Ադրբեջանի կողմից: Սակայն Բաքուն տարբեր պատճառաբանություններով մշտապես խուսափել է նույնն անել ԻԻՀ քաղաքացիների համար:

2012թ. Թուրքիայի և Ադրբեջանի միջև վիզային ռեժիմի չեղարկման շուրջ բանակցությունների ձախողումը պայմանավորված էր Իրանի դիրքորոշմամբ: Բանն այն է, որ այդ ժամանակ Իրանը վերջնագիր էր ներկայացրել Ադրբեջանին: Հիմնավորումը հետևյալն էր՝ «Եթե Բաքուն Թուրքիայի քաղաքացիների համար չեղարկելու է վիզային ռեժիմը, ապա նույնը պետք է անի նաև Իրանի քաղաքացիների համար, հակառակ դեպքում Իրանն Ադրբեջանին կզրկի Նախիջևանի հետ կապ ունենալու հնարավորությունից»:

Այդ շրջանում իրանցի խորհրդարանականներն ու փորձագիտական շրջանակներն Ադրբեջանին հիշեցնում էին, որ եթե արցախյան հակամարտության ժամանակ Իրանը բարի կամք չդրսևորեր, ապա Նախիջևանը հումանիտար աղետի կենթարկվեր: Նրանք միևնույն ժամանակ Իրանի այն ժամանակվա իշխանություններից պահանջում էին վերանայել Նախիջևանի հարցում ԻԻՀ քաղաքականությունը:

Ինչ վերաբերում է վիզային ռեժիմի հարցում Իրանի և Ադրբեջանի մոտեցումներին, ապա Ադրբեջանը մինչ օրս խուսափում է Իրանի քաղաքացիների համար չեղարկել վիզային ռեժիմը: 

Նշենք, որ 2016թ. Իրանի նախագահ Հասան Ռուհանիի՝ Բաքու կատարած այցից մի քանի օր առաջ Ադրբեջանում Իրանի դեսպան Մոհսեն Փաքայինը հայտարարել էր, որ երկու ամսվա ընթացքում Ադրբեջանն Իրանի քաղաքացիների համար վիզային ռեժիմը չեղյալ կհայտարարի: Սակայն Բաքվում կայացած Ռուհանի-Ալիև բանակցությունների ավարտին Իրանի դեսպանը հայտարարեց, թե՝ «Չեղյալ հայտարարելու փոխարեն՝ Ադրբեջանը հեշտացրել է վիզայի տրամադրման կարգը»:

Այսինքն, ըստ պայմանավորվածության՝ ԻԻՀ քաղաքացիներն ԱՀ մուտք գործելու համար վիզա կարող են ստանալ կամ օդանավակայանում, կամ էլեկտրոնային տարբերակով՝ առանց դեսպանություն դիմելու:

Անդրադառնալով Ադրբեջանի՝ Թուրքիայի քաղաքացիների համար վիզային ռեժիմը չեղարկելու մասին որոշմանը, նկատենք, որ Իրանը պաշտոնապես դեռ չի արձագանքել: Ասել, թե Թեհրանը նույնքան կտրուկ կարձագանքի, ինչպես 2012-ին էր, քիչ է հավանական:

Նախ, 2012թ. Իրանի և Ադրբեջանի հարաբերությունները չափազանց լարված էին, և ցանկացած նման խնդրահարույց որոշում անմիջապես դառնում էր քննարկման առարկա՝ դրան հետևելով Թեհրանի կոշտ արձագանքը:

Եվ երկրորդ, Իրանը ներկայումս ձեռնպահ կմնա կոշտ դիրքորոշումից՝ մտավախություն ունենալով, որ Բաքուն կարող է ամեն պահի վերանայել իր դիրքորոշումը: Թեև ոչ լիարժեք, այնուամենայնիվ Ադրբեջանը հեշտացրել է ԻԻՀ քաղաքացիներին մուտքի արտոնագիր տրամադրելու կարգը, որի ուղղությամբ իրանական կողմը շուրջ 4 տարի հետևողական աշխատանքներ է իրականացրել:

«Եթե բողոքիս լուծում չտան, երակներս կտրելու եմ, արյունս լցնեմ կառավարության առաջ» (տեսանյութ) Անցկացվել է հայ-ռուսական միացյալ խմբավորման կիրառման փաստաթղթերի ճշտման աշխատանքային հանդիպում Քննարկվել են ռազմական ոլորտում տեղեկատվության փոխանակման հարցեր ԱԺ խմբակցությունները 2020-ի բյուջեի նախագծի համար արել են 368 մլրդ դրամի ծախս ենթադրող առաջարկներ ԱԺ-ն քննարկում է զինվորական ծառայությունից նաև 5 տարի անց հաշմանդամության կարգ տալու օրինագիծը Ադրբեջանցիները պնդում են, որ հայկական զորքերը դուրս բերվեն ԼՂ-ից. ինչու ենք շարունակում բանակցել «Մեր զինվորների օրգաններով փող են աշխատում» (տեսանյութ) Ասում ենք ՝ բա 5 տարի Ամուլսարի մասին ինչու չէիք բարձրաձայնում, ասում են՝ նախկինները մեզ կբռնեին. Փաշինյան Դեսպանատունը հաստատել է՝ ԱՄԷ-ի նախագահի որդին Հայաստան եկել է Նոր կարգավորում. այսուհետ բոլոր ՀԿ-ները պետք է տարեկան հաշվետվություն հրապարակեն Բողոքի ակցիաներ Կառավարության դիմաց Հայաստանի եւ Ադրբեջանի ԱԳ նախարարները համատեղ աշխատանքը կշարունակեն հաջորդ տարվա սկզբին Սյունիքում թքեցին ժողովրդի կարծիքի վրա եւ համայնքները խոշորացրին. Զոհրաբյան «Գ.Ծառուկյան» հիմնադրամի շնորհիվ իջևանցի զինծառայողների 100-ավոր հարազատներ մեկնել են Արցախ Կառավարության նիստի օրակարգում 51 հարց է, որից 40-ը՝ չզեկուցվող, մեկը՝ գաղտնի
Ամենաընթերցված
Դեսպանատունը հաստատել է՝ ԱՄԷ-ի նախագահի որդին Հայա... Այսուհետ զինվորին նվաստացնողը և ինքնասպանության դր... Հայաստանցիները մասսայաբար հրաժարվում են Հայաստանի ... Հայկ Մարությանը հրապարակել է փաստաթղթերի պատճեններ... Ես ճիշտ էի, Նիկոլը սխալվեց. Արմեն Աշոտյան «Չգիտեմ, թե հերթական սուտը գրելիս՝ ինչի՞ վրա է իր ... Սիրուշոյի նոր ուշագրավ նախաձեռնությունը. «Ամերիկայ... «Շշմելու» ցուցադրություն` ամենասիրուն մոդելներով․ ... Ավտովթարների աճը կանխարգելող օրինագծի ընդունումն ա... Այսօր շատերը մեզ մեղադրում են իշխանությունը Փաշինյ... Կտրուկ տաքացում ունենք. Սուրենյան Աննա Դանիբեկյանի հեռանալու հրամայականը. Արփինե Հով... Դատարանն արձանագրել է Արսեն Բաբայանի իրավունքների ... «Նիկոլի միֆերը ջարդվում են». Էդուարդ Շարմազանով «Ով է լինելու Փաշինյանի իշխանության այլընտրանքը՝ ի... Ինչո՞վ է 2020թ պետբյուջեն աննախադեպ. 20 փաստ՝ Արտա... Տուրքերը բարձրանում են. Երևանի ավագանու անդամ Ինչ անել բռնապոպուլիզմի դեմ. սկիզբը Որպես մեծահոգի մարդ Արարատ Միրզոյանի օգնական Վահան... ԲՀԿ-ի թեկնածուն Կոռուպցիայի կանխարգելման հանձնաժող...
website by Sargssyan