«Աղջկաս անունը 8 տարի առաջ էի որոշել»․ Սիլվա Հակոբյանի նոր ֆոտոշարքն ու ամուսնու արձագանքը դստեր անվան ընտրությանը

Երգչուհի Սիլվա Հակոբյանը շուտով մայրիկ կդառնա: Այս կարգավիճակին Սիլվան երկար է սպասել: Թեև երգչուհին լուրը չէր թաքցնում իր երկրպագուներից, նոր կարգավիճակի մասին խոսել զգուշանում էր: Ասում է՝ ուզում էր խոսել վերջում, երբ հղիության 3 եռամսյակն էլ անցած կլինի ու լիարժեք կզգա իր կարգավիճակի բերկրանքը:

 
 

Փոքրիկի ծննդին ընդառաջ Սիլվան ֆոտոշարք է անցել, որը տրամադրել է Tert.am Life-ին ու պատմել նոր կարգավիճակի մասին:

 

Սիլվան ու Նորայրը դուստր են ունենալու: Փոքրիկին տալու են Միլա անունը: Իր աղջկա անունը Սիլվան որոշել էր, երբ Նորոյի հետ հարաբերություններ էլ չուներ:) «8-9 տարի առաջ ինչ-ոչ տեղ կարդացի, որ երեխային Միլա անունն են տվել, տպավորվեց մեջս ու որոշեցի, որ երբ դուստր ունենամ, իրեն այդ անունն եմ տալու: Նորոյին շատ վաղուց էի ասել այդ մասին, դեռ ընկերություն էինք անում: Շատ ուրախացա, երբ ասաց՝ ես էլ եմ այդ անունը շատ սիրում, որովհետև նա շատ է սիրում Միլա Կունիսին»,- պատմեց ապագա մայրիկը:

 

Երգչուհու խոսքով՝ իրենց համար երեխայի սեռը նշանակություն չի ունեցել: «Փոքրիկը շատ սպասված է մեր ընտանիքում: Նա իմ ամենանվիրական երազանքն էր: Սեռի հարցում ոչ ես, ոչ էլ Նորոն նախապատվություն չունեինք: Միշտ ասում էինք, որ երեխան Աստծո պարգև է: Հղիությանս ընթացքում բոլորն ինձ ասում էին՝ նրբացել ես, տղա ես ունենալու, բայց ես հոգուս խորքում վստահ էի, որ աղջիկ է, որովհետև աղջիկն ինձ մոտ ասոցացվում է ուժեղ սեռի հետ, իսկ ես սկզբում մի շարք դժվարություններ հաղթահարեցի, ինքն այնքան փորձության միջով անցավ, բայց պինդ մնաց: Բացի այդ, մեր ընտանիքում բոլորի առաջնեկները աղջիկ են եղել: Վստահ էի, որ ես բացառություն չեմ լինելու»,- ոգևորությամբ պատմեց Սիլվան:

Բարդությունները, որոնց մասին խոսեց Սիլվան, պայմանավորված էին հղիության առաջին եռամսյակում վատառողջ լինելով և ծանրաբեռնված գրաֆիկով: «Հղիությանս մասին իմացա, երբ մեկնել էի շրջագայության Ռուսաստանի 18 քաղաքում: Երգչի համար բավականին ծանր են այդպիսի շրջագայությունները: Սկզբնական փուլում փոքր-ինչ վախեցած էի, քանի որ մինչև հղիությանս մասին իմանալս հասցրել էի հիվանդանալ, հակաբիոտիկներ էի խմել կոկորդս բուժելու համար: Բայց արի ու տես, որ Աստծո պարգև երեխային ոչինչ չի խանգարի: Նորոն ինձ հետ չէր, մայրիկս ու հայրիկս էին ինձ ուղեկղցում: Սկզբում չէի հավատում, մտածում էի՝ ինչպես կարող է լինել, բայց երբ համոզվեցի, որ իսկապես բալիկի եմ սպասում, որոշեցի ոչ ոքի չասել, բացի քույրիկիցս, քանի որ առջևում 3 համերգ ունեի, բավականին ծանրաբեռնված շրջան էր, չէի ուզում անհանգստանային»,- հուզմունքով հիշեց երգչուհին, որն իր հղիության մասին ծնողներին հայտնել է Հայաստանի ճանապարհին՝ հայրիկի տարեդարձի կեսգիշերին, ամուսնու համար որոշել էր անակնկալ պատրաստել, բայց չի ստացվել:

«Երբ ծնողներիս հայտնեցի լուրը, ճանապարհին էինք, հայրիկիս տարեդարձի գիշերն էի, կանգ էինք առել գազալցակայանում: Իրեն տուփ հանձնեցի, որի մեջ խորհրդանշական նվեր էի դրել: Երբ հասկացավ, որ կրկին պապիկ է դառնալու, բոլորս սկսեցինք ուրախությունից լացել: Այդպես շատ ուրախ տրամադրությամբ ժամանեցինք Հայաստան: Նորոն ու մեր հարազատները եկել էին մեզ դիմավորելու: Ես որոշել էի տանը գեղեցիկ անակնկալ պատրաստել և այդպես նրան հայտնել լուրը, սակայն ամեն բան հանկարծակի ստացվեց: Անկախ ինձնից ճանապարհին հայտնեցի, որ մենք բալիկ ենք լինելու: Այնպես ոգևորվեց, հուզվեց, քիչ էր մնում վթարի ենթարկվեինք»,- պատմեց երգչուհին:

Սիլվան ասաց, որ փոքրիկի մասին լուրն իմանալուց հետո իր զգացմունքային դաշտը լրիվ փոխվել էր, բայց մայրանալու փաստը լիարժեք ընկալել է միայն, երբ առաջին անգամ զգացել է երեխայի խաղը: 

Շարունակությունը՝ ԱՅՍՏԵՂ

Գագիկ Ծառուկյանի խոսքերը խեղաթյուրել ցանկացող սորոսական շրջանակներն ամնեզիայով են տառապում Սիմոն Մարտիրոսյանը հավակնում է աշխարհի «Տարվա ծանրամարտիկ» կոչմանը Գեորգի Կուտոյանի ատրճանակի վրա խլացուցիչ չի հայտնաբերվել Լարված իրավիճակ Վարդենիսում. գյուղացիները փակել են միջպետական ճանապարհը Նախկին պատգամավոր «Շշի Մելոյի» դեմ մահափորձը պատվիրելու մեջ կասկածվողը ներկայացել է քննչական բաժին «Մուլտի Գրուպ»-ի և «Air Baltic»-ի գործակցության շնորհիվ կվերսկսվեն Ռիգա-Երևան-Ռիգա ուղիղ չվերթները Բանկ ներկայանալու հնարավորություն չունեցող կենսաթոշակառուներին չզրկել կենսաթոշակից. Մանե Թանդիլյան (տեսանյութ) Ֆիզկուլտուրայի ուսուցիչը բռնություն է գործադրել աշակերտների նկատմամբ. ծնողները դիմել են ՄԻՊ-ին «Ուսա­նո­ղի տա­նը» կկա­րո­ղա­նան բնակ­վել մար­զե­րի ուսա­նող­նե­րը. ծրա­գիրն աջակ­ցու­թյան կա­րիք ունի. Ամե­ն օ­րվա ձգձգու­մը ավե­լի վատ պայ­ման­ներ է ստեղ­ծում ներդ­րող­նե­րի հա­մար Էներգետիկ կազուս... նախարարությունում «Եթե շարժ­վենք նույն դան­դաղ­կո­տու­թյամբ, կա­րև­որ­ներն ան­կա­րև­որ­նե­րից չսահ­մա­նա­զա­տե­լով, լուրջ խնդիր­ներ կու­նե­նանք» Վանեցյանի շուրջ իշխանությունների կողմից ստեղծվող միֆերը փուչիկի պես պայթելու են «Հրապարակ». Կուտոյանն ակնարկել է, որ ապրել չի ուզում Ին­չո՞ւ է կո­րել կա­խար­դա­կան փայ­տի­կը.հան­րու­թյան և իշ­խա­նու­թյուն­նե­րի մի­ջև անջր­պե­տը գնա­լով խո­րա­նում է
Ամենաընթերցված
Գագիկ Ծառուկյանի խոսքերը խեղաթյուրել ցանկացող սորո... «Լատենտ համակրություն, Համլետի հոր ուրվական». սրան... Փողոց փակելով մարզպետ դառավ, հիմա ասում է՝ փողոցնե... «Սրանք մարդ չեն ու տղամարդ էլ չեն» Սոցցանցերում զինծառայողների ակտիվությունը հակառակո... Ուկրաինայի նախագահը կրճատել է նախարարների աշխատավա... «Միլիոններ տվե՛ք, թե չէ կարող է լավ չաշխատենք ասող... Սթափվել է պետք, կանգ առնել է պետք. օր առաջ. Արթուր... Արմեն Հովհաննիսյանը սեփական կյանքով փրկեց առնվազն ... Կոտայքում ունենք դպրոցներ, որտեղ դեռեւս ջեռուցումն... «Ու էս կենդանին ոստիկան է. Ականջդ կանչի, Վլադիմիր ... Եթե կարծում եք, թե նրանք փոշմանելու են, որ արել են... Գեորգի Կուտոյանն ու Հրայր Թովմասյանը մտերիմ ընկերն... «Ո՞րն է Գեորգի Կուտոյանի մահվան ձեր վարկածը». mamu... Արթուր Վանեցյանը գրառում է արել Ինստագրամում հայտնված սպիտակ վագրը Գ. Ծառուկյանին ... Նիկոլ Փաշինյանի ասուլիսը տեղի կունենա Կապանում Ստիպված եմ հիասթափեցնել վարչապետ Փաշինյանին. Հայաս... Երևանի երկնքում արտասովոր ամպ է հայտնվել. Սուրենյա... «Իմ զգուշացումը նաեւ ՍԴ-ի շուրջ իրադարձությունների...
website by Sargssyan