«168 ժամ». Սոցապի պաշտոնյան նոր սկանդալ է սարքել. Հնարավոր է՝ Կառավարությունում պաշտոնանկություններ լինեն

«168 ժամ» թերթը գրում է. «Օրերս Սոցիալական ապահովության  ծաառյության  (ՍԱԾ) պետի տեղակալ,  նախկին ակտիվիստ Արսեն Օհանյանը Ֆեյսբուքով ի լուր աշխարհի հայտարարել է, թե  պետական  համակարգում ներքին լարվածություն կա: Եվ նկատենք, անկախ այն բանից, թե ինչ բովանդակություն ունի  պաշտոնյայի գրառումը, միեւնույն է,  երեւույթն ինքնին խոսում է այն կարեւորագույն խնդրի մասին, որ  պետական կառավարման օղակներում իրավիճակը դուրս է եկել «կոնտրոլից», եւ շունը տիրոջը չի ճանաչում: Այլ հարց է, թե ինչո՞ւ է  խնդիրը պետական ծառայողը հանրայնացնում,  եւ այն էլ՝ «հեղափոխական» պաշտոնյան՝ իր «հեղափոխական» ղեկավարի դեմ:

Նշենք, որ այստեղ  իրավիճակը հունից դուրս է եկել, քանի որ  իրար դեմ անհաշտ պայքար են մղում հեղափոխական երկու  նորեկ ղեկավարները՝  ՍԱԾ պետ Սուրեն Ղամբարյանը եւ նրա տեղակալ Արսեն Օհանյանը:

Նրանց վերադասը համարվող Աշխատանքի եւ սոցիալական հարցերի նախարար  Զարուհի Բաթոյանը 168.am–ի հետ զրույցում խոստովանեց, որ պրոցեսները նոր չեն,  եւ  խնդիրը  շատ լուրջ որակեց:

Նախարարը, հակառակ ծառայության պետի  տեղակալի պնդումների, որ տեղ են գտել նրա գրառման մեջ, հայտարարեց, որ ՍԱԾ պետ Սուրեն Ղամբարյանի եւ  տեղակալ Արսեն Օհանյանի միջեւ լարվածությունն  անձնական բնույթ չի կրում, բացառապես աշխատանքային է եւ սկիզբ է առել տեղակալի անպտուղ աշխատանքի հանդեպ պետի դժգոհությունից:

Բանն այն է, որ ծառայության պետ  Ղամբարյանը դժգոհ է տեղակալ Արսեն Օհանյանի եւ աշխատակազմի ղեկավար Վանիկ Բաբաջանյանի աշխատանքի որակից  եւ այս մասին զեկուցել է   նախարար Բաթոյանին:

Ինքը՝ Բաթոյանը եւս, մեզ հետ զրույցում  խոստովանեց, որ իրեն ծառայության պետը նույն խնդիրներով մի քանի անգամ է  դիմել, ինչից հետո  անձամբ լսել է բոլոր կողմերին, այդ թվում՝ ծառայության  աշխատակազմի ղեկավարին, եւ դեռեւս  մտմտում է՝  խնդիրն ինչպես  հանգուցալուծել:

Ստացվում է՝ նախարարը լիովին տեղեկացված է եղել  ծառայության ներքին գզվռտոցներին, սակայն իրավիճակի տերը չի կարողանում դառնալ կամ որոշակի կաշկանդվածություն ունի: Ինչպես հայտնի է, Զարուհի Բաթոյանը շատ մտերիմ է ծառայության նախկին պետ, ՔՊ-ական  Արման Բոշյանի  հետ, ով այսօր իշխանական «Իմ քայլը» դաշինքով ԱԺ պատգամավոր է,   իսկ Արսեն Օհանյանն ու Վանիկ Բաբաջանյանը հենց նրա բերած կադրերն են:

Թերեւս այդ է պատճառը, որ ծառայության պետ Սուրեն Ղամբարյանի դժգոհությունը այսօր հակառակ կողմից  հրապարակայնորեն  հասել է վարչապետին,  «անարդյունավետ աշխատող»  պաշտոնյաներ Արսեն Օհանյանն ու Վանիկ Բաբաջանյանն  իրենց ներկայացնելով որպես  իրավիճակի զոհեր՝ բողոքել են վարչապետին՝ ասելիքը  Ֆեյսբուքով հանրայնացնելու միջոցով:

Սպասվում է, որ հենց այսօր  վարչապետն ազատման դիմում(ներ) կստորագրի։ Ո՞ւմ կնախընտրի պահել համակարգում՝ «Սորոս»-ական տեղակալի՞ն, ով սկանդալային միջադեպերից բացի՝ այլ բանով  մինչ օրս  աչքի չի ընկել, թե՞ նրա աշխատանքի անարդյունավետությունից դժգոհող ղեկավարին, որին դարձյալ վարչապետն է նշանակել՝ 2019թ. մարտին:

Մի ուշագրավ տեղեկություն՝  Արսեն Օհանյանը, ով պետի ճնշումներից պոռթկացել է  Ֆեյսբուքում, պետական համակագում իր նշանակվելու պահին ՌԴ իրավապահների կողմից  հետախուզման մեջ է գտնվել՝ գողության մեղադրանքով:

Նկատենք, նրա նկատմամբ հարուցված  քրգործը կարճված  լինելու մասին մինչ այս պահը ոչ  ՀՀ Գլխավոր դատախազությունից,   եւ ոչ էլ հրապարակված նյութերում հավաստիացումներ չգտանք:

Փորձեցինք համակարգի ներսում մի քանի հարցախույզով ներքին գզվռտոցների ու ծառայության պետի դեմ այս երկու պաշտոնյաների ընդվզման պատճառը հասկանալ,  վարկածները շատ չէին, հիմնականում շեշտադրում էին, որ պետ-տեղակալ կոնտեքստում է ընդվզումը, իսկ նորեկների տարաձայնությունները միայն աշխատանքային բնույթ են կրում: Ծառայության աշխատակիցների խոսքով՝   ակտիվիստ Արսեն Օհանյանը փողոց փակելուց այն կողմ այդպես էլ չի անցել, իր մեկ տարվա պաշտոնավարման ընթացքում  ծառայության լրջությունն ու պատասխանատվությունը  չի գիտակցում այնպես, ինչպես պետական ցանկացած ծառայող,  մինչդեռ ծառայության պետը շարունակաբար ծանր ռեժիմով աշխատանք է պարտադրում նրան, եւ սա էլ  դարձել է Ֆեյսբուքում պայթելու  թեմա: Աշխատակիցները նաեւ պատմում են, որ Արսեն Օհանյանը Վանիկ Բաբաջանյանի հետ թիմ է դարձել, ֆեյսբուքյան գրառումներից հետո ներսում  լարված մթնոլորտ է ձեւավորվել:

Եվ, ինչպես ասում են՝ կինոն սկսվեց հենց այստեղից. պետական պաշտոնյայի էջում հայտնաբերեցինք ինչ ասես՝ սեռական փոքրամասնությունների մասին քողարկված քարոզչությունից ՝ մինչեւ սեռաքաղց մեկնաբանություններ,  իսկ  բանակը վարկաբեկող ու քրիստոնեական արժեքները ծաղրող գրառումները, պարզվում է, արդեն իսկ  նկատել եւ արխիվացրել են մի քանի լրատվամիջոցներ  ու օգտատերեր, եւ դրանք  այս անձի մասին ամենաորոնվող հարցումներից մեկն են՝ google-ի պահած հիշողության մեջ:

Փաստորեն, պաշտոնավարմանը զուգահեռ՝ Արսեն Օհանյանն  անկաշկանդ ակտիվիստ է մնացել նաեւ հրապարակային դաշտում: Մի քանի րոպեներում ի մի ենք բերել գրառումների, թերեւս, ավելի ցցուն օրինակները, իսկ դրանք չափազանց շատ են, եւ որքան էլ զարմանալի թվա՝ սեռաքաղց գրառումներով պաշտոնյան հրապարակային դաշտում ինքնադրսեւորվել է  նաեւ այս օրերին, երբ վարչապետի ապարատում իրեն՝ որպես պետական ծառայող, հնարավոր է՝ տնտղում են, որպեսզի օբյեկտիվ որոշում կայացնեն:

ՀՀ վարչապետի խոսնակ Վլադիմիր Կարապետյանը խոստացավ մեր թեմայի վերաբերյալ վարչապետի կարծիքը մեզ փոխանցել օրվա երկրորդ կեսին, մինչ այդ կփորձենք նաեւ ՍԱԾ պետի ու տեղակալի պարզաբանումները ստանալ»:

Առավել մանրամասն՝ թերթի այսօրվա համարում

ԱԺ քառօրյան շարունակվում է «Փաստ». Իշխանությունները կանգնած են փակուղու առաջ «Ժողովուրդ»․ Բարձրագույն դատական խորհրդի դեմ 21 դատական հայց կա «Փաստ». Օրինագծի երկրորդ ընթերցման ժամանակ «սղղացրել» են նորամուծություն, որով նոր բեռ են դնում քաղաքացիների վրա «ԱԿՈՒՆՔ»-ը 45 տարեկան է Դրամական պարգևից մինչև աշխատանք. «Չերամիզիա»-ն գեղարվեստի քոլեջի սաների համար հայտարարել է մրցույթ Թուղթը աղբ չէ, պլաստիկը՝ նույնպես «Ով էլ հիմա դիմի, նրանք չեն գա». Գ.Ծառուկյանը՝ արաբ ներդրողների վերադարձի մասին Զիրոյանին հանդիպեցի թատրոնի միջանցքում : Նրա մարդկային որակները նկատեցի վայրկյաններ անց Մեսիի հեթ-տրիկը և «Բարսելոնայի» վստահ հաղթանակը (տեսանյութ) Լոռիում, Տավուշում, Սյունիքում և Արցախում ջերմաստիճանը կբարձրանա.Եղանակը Հայաստանում Չեչնիայի նախագահ Ռամզան Կադիրովի շնորհավորական ուղերձը Արթուր Վանեցյանի ծննդյան առթիվ «Բարգավաճ Հայաստան»-ի պատգամավորներն առաջարկում են նոր հարկատեսակ սահմանել ճանապարհաշինական աշխատանքների համար Դպրոցականների վիճաբանությունն ավարտվել է դանակահարությամբ. բժիշկները պայքարում են 16-ամյա տղայի կյանքի համար Որքան գումար է հատկացրել Երեւանի վարչական շրջաններից յուրաքանչյուրը՝ Ամանորի կորպորատիվ միջոցառման համար
Ամենաընթերցված
Այդ գումարով քանի՞ տնակի հարց կլուծվեր․ Թեհմինա Վա... «Հանրային շահ» հասարակական կազմակերպության հայտարա... «Մեզ հետ սպառնալիքների լեզվով խոսելը ձեզ համար ավե... Դեսպանատունը հաստատել է՝ ԱՄԷ-ի նախագահի որդին Հայա... Այսուհետ զինվորին նվաստացնողը և ինքնասպանության դր... Հայաստանցիները մասսայաբար հրաժարվում են Հայաստանի ... Հայկ Մարությանը հրապարակել է փաստաթղթերի պատճեններ... Ես ճիշտ էի, Նիկոլը սխալվեց. Արմեն Աշոտյան «Չգիտեմ, թե հերթական սուտը գրելիս՝ ինչի՞ վրա է իր ... Սիրուշոյի նոր ուշագրավ նախաձեռնությունը. «Ամերիկայ... «Շշմելու» ցուցադրություն` ամենասիրուն մոդելներով․ ... Ավտովթարների աճը կանխարգելող օրինագծի ընդունումն ա... Այսօր շատերը մեզ մեղադրում են իշխանությունը Փաշինյ... Կտրուկ տաքացում ունենք. Սուրենյան Աննա Դանիբեկյանի հեռանալու հրամայականը. Արփինե Հով... Դատարանն արձանագրել է Արսեն Բաբայանի իրավունքների ... «Նիկոլի միֆերը ջարդվում են». Էդուարդ Շարմազանով «Ով է լինելու Փաշինյանի իշխանության այլընտրանքը՝ ի... Ինչո՞վ է 2020թ պետբյուջեն աննախադեպ. 20 փաստ՝ Արտա... Տուրքերը բարձրանում են. Երևանի ավագանու անդամ
website by Sargssyan