7 երկրների պատվիրակություններ լքել են ԵԽԽՎ-ն
ՄիջազգայինՌուսական պատվիրակության լիազորությունների վերականգնումից հետո ԵԽԽՎ-ն լքել են 7 երկրների պատվիրակություններ՝ Ուկրաինա, Լեհաստան, Լիտվա, Սլովակիա, Էստոնիա եւ Վրաստան:
Վերոնշյալ երկրները հայտնել են դեմարշի մասին եւ դիմել իրենց երկրների խորհրդարաններին ու կառավարություններին՝ կապված կազմակերպությունում իրենց հետագա մասնակցության հետ: Այս մասին Facebook-ում գրել է ուկրաինացի պատգամավոր Լեոնիդ Եմեցը, հաղորդում է «112 Ուկրաինա» հեռուստաալիքը:
Նա նաեւ հրապարակել է պատվիրակությունների դեմարշի համատեղ որոշման տեքստը:
«Այսօր մենք՝ մեր երկրների պատվիրակներս, չունենք պատասխան, թե ինչպես Եվրոպայի Խորհուրդը պաշտպանեց իրենց իրավունքները՝ ագրեսորին պաշտպանելով: ԵՄ ապագան սպառնալիքի տակ է գտնվում, եւ ԵԽ-ն կորցնում է մարդկանց վստահությունը, որոնց նա պաշտպանում է: Այսօր մենք վերադառնում ենք տուն, որպեսզի խորհրդակցենք մեր խորհրդարանների ու կառավարությունների հետ»,- ասվում է տեքստում:
Պատվիրակությունները նշում են, որ ռուսական պատվիրակության լիազորությունների վերականգնումը հակասում է ԵԽ արժեքներին եւ կանոնադրությանը:
«Այդ քայլը սխալ ազդանշան է մի երկրի, որը ռազմական ագրեսիա է դրսեւորում, թունավորում մարդկանց քիմիական զենքով եւ նպաստում ողջ Եվրոպայում ապակայունացմանը: Մենք հաջողություն ենք մաղթում նորընտիր գլխավոր քարտուղարին եւ հուսով ենք, որ նա կլուծի այս ճգնաժամը»,- ասվում է հայտարարության մեջ:
Ավելի ուշ Գերագույն ռադայի փոխխոսնակ, ԵԽԽՎ-ում ուկրաինական պատվիրակության անդամ Իրինա Գերաշչենկոն Facebook-ի իր էջում հրապարակել է տվյալ տեքստն ու գրել, որ այն ստորագրել են 7 երկրների պատվիրակությունները:
Նշենք, որ այսօր ԵԽԽՎ որոշմամբ՝ ՌԴ պատվիրակությունը վերադարձել է իր աշխատանքին:
1
2
3
4
5
1
1
2
3
5
