Հայաստանում նշել են Ռուսաստանի օրը

Երևանում «Դվին» հյուրանոցում այսօր տեղի է ունեցել տոնական միջոցառում՝ նվիրված Ռուսաստանի օրվան, հաղորդում է NEWS.am-ի թղթակիցը:

Տոնական միջոցառմանը մասնակցել են Հայաստանում ՌԴ դեսպանատան աշխատակիցները, Հայաստանում հավատարմագրված դեսպանատների ներկայացուցիչները՝ ի դեմս դեսպանների, ռազմական կցորդները, քաղաքական և հասարակական գործիչները, Ազգային ժողովի պատգամավորները, նախարարներն ու նրանց տեղակալները, պաշտպանության նախարարության ներկայացուցիչները, Հայրենական մեծ պատերազմի վետերանները, ոչ կոմերցիոն կազմակերպությունների ներկայացուցիչները, լրատվամիջոցները և այլք:

«Ազգային ժողովի հարգարժան պարոն նախագահ, հարգելի վետերաններ, հայրենակիցներ, հյուրեր: Սրտանց ողջունում եմ Ձեզ Ռուսաստանի օրվա կապակցությամբ ընդունելությանը: Ռուսաստանը հազարմյա պատմություն ունեցող երկիր է, որը մեկ պետության մեջ միավորում է տարբեր ազգեր, մշակույթներ և կրոններ: Այսօր մենք ապրում ենք ազատ, ուժեղ, իրապես հզոր երկրում: Ռուսաստանի հզորությունը միասնության մեջ է: Ապրել համերաշխության մեջ, հարգել հայացքներն ու հարևանների սրբությունը, պահպանել դրանք և արդար աշխատել՝ ահա Ռուսաստանի զարգացման գրավականը: Այս տոնը՝ չնայած հարաբերական երիտասարդությանը, ամրգրվել է ոչ միայն պետական օրացույցում, այլ նաև մեր բոլորի սրտերում, ով իրեն հպարտորեն ռուս է կոչում»,- հայտարարել է Կոպիրկինը:

Նա հիշեցրել է, որ Ռուսաստանը բարդ և հերոսական ուղի է անցել, և այս օրը առիթ է՝ հիշելու հայրերի և պապերի սխրանքները, առիթ է մտածել ներկայի և ապագայի մասին:

Դեսպանն ընդգծել է, որ անհրաժեշտ է փայփայել ժամանակի կապը, հարգել ավանդույթներն ու նախնիների սկզբունքները, սիրել Ռուսաստանն ու ազնիվ աշխատել՝ երկրի բարեկեցության և բարգավաճման համար: Կոպիրկինը հայտարարել է, որ այսօր Ռուսաստանն առանցքային խաղացող է միջազգային հարթակում, առանց որի անհնար է լուծել համաշխարհային բազում խնդիրներ և հաղթահարել նոր մարտահրավերներն ու միջազգային անվտանգության սպառնալիքները:

«Մեր երկիրը պատրաստ է կառուցողական երկխոսությանն ու իրավահավասարության և փոխըմբռնման սկզբունքների վրա միջազգային հարաբերություններում վստահելի և արդյունավետ շփումների զարգացմանը: Ռուսաստանի Դաշնության արտաքին քաղաքականության գործընկերների շրջանում հատուկ տեղ է զբաղեցնում Հայաստանի հետ բարեկամական և դաշնակցային գործընկերությունը: Կապված լինելով ոչ միայն աշխարհագրական դիրքով, այլ պատմական կապերով՝ մեր երկրներն ու ժողովուրդները հավատարիմ են բարիդրացիության ավանդույթներին: Նման կապերից մեկը Հայրենական մեծ պատերազմում մասնակցությունն է, որում հայերն ու ռուսները ներկայացրել են Սովետական Միությունը և պայքարել մարդկության սպառնալիքների դեմ»,- նշել է դեսպանը:

Նա նաև ասել է, որ ուրախ է տեսնել, որ ժամանակակից փուլում հայ-ռուսական հարաբերությունները զարգանում են ոչ միայն երկկողմ, այլ նաև բազմակողմ համատեքստով՝ Եվրասիական տնտեսական միության շրջանակում:  

«Այդ կապակցությամբ ցանկանում եմ նշել այստեղ ապրիլի վերջին Եվրասաիական միջկառավարական խորհրդի նիստի հաջող անցկացումը: Այժմ ակտիվ նախապատրաստություն է ընթանում՝ Եվրասիական տնտեսական Բարձրագույն խորհրդի նիստի անցկացման ուղղությամբ: Ուրախ եմ այս տոնը նշել իրական ընկերների շրջապատում: Լինելով ՀՀ-ում ՌԴ դեսպանը, գլխավոր խնդիր եմ համարում, առաջին հերթին, հայ-ռուսական դաշնակցային հարաբերությունների հետագա ամրապնդումն ու խորացումը, տնտեսական, ռազմաքաղաքական և մշակութահումանիտար կապերի ընդլայնումը, ԵԱՏՄ-ում, ՀԱՊԿ-ում և ԱՊՀ-ում Հայաստանի դերի ուժգնացման և պոտենցիալի բացահայտման գործին աջակցումը: Վստահ եմ՝ հայ-ռուսական համագործակցությունն անդրադառնում է պետությունների կենսագործունեության համար կարևոր բոլոր ոլորտներին, որոնք պետք է ամրապնդել ամեն օր՝ հիմք ստեղծելով երկու ժողովրդների խաղաղության և բարեկեցության համար»,- եզրափակել է ՀՀ-ում ՌԴ դեսպանը:   

Քաղաքացին տպարանում 10 հազար դրամանոց թղթադրամներ է պատվիրել և իրացրել. ԱԱԾ (տեսանյութ) Բագրատաշենի մաքսային անցակետում մեծ կուտակումներ են «Ռեալ»-ը գլխավորում է աշխարհի ամենաթանկ ֆուտբոլային ակումբների ցանկը 151.4 մլն դրամ՝ Շիրակում կարկուտից տուժած 960 ընտանիքի Մանվել Գրիգորյանի նկատմամբ փորձաքննություն իրականացնող հանձնաժողովը գլխավորում է Առողջապահության փոխնախարարը Մահացել է ՆԱՍԱ-ի տիեզերական առաքելության թռիչքների առաջին ղեկավարը Նոր Հայաստանի նոր իշխանությունը կիրառում է նախկին մեթոդները սփյուռքի հետ հարաբերություններում Գրոսմայստեր Տիգրան Հարությունյանի հաջող եույթները իսպանական մրցաշարերում Արմեն Սարգսյանը ստորագրել է Ազգային ժողովի ընդունած մի շարք օրենքներ Գնդեվազի նախկին ղեկավարը պետությանը պատճառել է 50 մլն դրամի վնաս Ռոզա Ծառուկյանի ղեկավարած ընկերությունը տասնամյակներ շարունակ օրինակելի տնտեսություն է համարվել գյուղատնտեսության ու մեղվաբուծության զարգացման գործում իրականացրած ահռելի գործունեության առումով «Յուվենտուս»-ը ցանկանում է ձեռք բերել Նեյմարին Ռոզա Ծառուկյանի գլխավորած «Մուլտի Ագրո»-ն աշխատատեղեր է ապահովում 100-ավոր վարդենիսցիների համար Բացառիկ փաստեր Պարազյանների մասին. Նորիկ Դավթյանը պատրաստ է նոր տվյալներ ներկայացնել ՌԴ և ՀՀ իրավապահներին Գիտության փառատոն Հայաստանում
Ամենաընթերցված
Արցախում ավտոմեքենան բախվել է արգելապատնեշին ու հր... Նուբարաշենի գերեզմանատանը ինչ-որ սատանայական ծեսեր... ՀԷՑ-ի հաշվետվությունների վերլուծությունը ցույց է տ... Ինչո՞ւ Արսեն Թորոսյանը չի մասնակցել Սեւանա լճի թեմ... Մեր Հայաստանը, որը կեցցե՛ որ վաղը պիտի գար ու պարզ... Զով եղանակը կպահպանվի նաև այս շաբաթվա ընթացքում. Գ... Թեթև վթարի մեջ եղել եմ, երբ աչքերս ոչ թե դիմացս էր... Աշնանը կկայանա հայ-վիետնամական գործարար համաժողով ... Կան հատուկ ուղղորդված խմբեր, որ փորձում են ամեն ին... «Պարզվում է մենք «բռնարար» ազգ ենք ու տեղյակ չէինք... Սահմանադրությունը որբի գլուխ չէ, որ ով ինչպես ուզե... Տղերք, շնորհավորեք ձեր գործընկերներին, շնորհքի եւ ... Հարգելի հայրենակիցներ, այս դեպքերը մեր վերահսկողու... Սառնասրտությունդ կհաղթի ամեն պատերազմ. Ռուզաննա Խա... Երկու օր էլ դիմացեք. Գագիկ Սուրենյան Քննարկում ենք մերձեցման երեկո կազմակերպելու հարցը,... «Թուրքիայում գիտակցում են պետության և պետականությա... Պաշտոնական այցելությամբ որևէ տեղ գնացողը թող գլուխ... Շիրակի մարզի դատախազի այցի արդյունքում «Արթիկ» ՔԿՀ... Ադրբեջանի 5 կմ 100մ երկարությամբ դրոշը անց է կացվե...
website by Sargssyan