«Լիլի Մորտոյին նմանվելու միտում չունեմ»․ Զառա Սահակյանը` ոճափոխության ու սեքսուալ երևալու միտման մասին. ՖՈՏՈ

Դերասանուհի Զառա Սահակյանի կարծիքով` Women’s Club-ի բեմին հայտնվում է հեռուստադիտողների համար դեռ անսովոր կերպարներով։ Դերասանուհու խոսքով` անգամ ամիսներ շարունակ եթերում լինելուց հետո շատերը չեն կարողանում իրեն ընկալել կերպարներից դուրս։ Այսպես է մեկնաբանում Զառան տարածված խոսակցությունները, թե ինքը փորձում է նմանակել Լիլի Մորտոյին։

Tert.am Life-ի հետ զրույցում Զառան անդրադարձել է սեքսուալ երևալու միտմանը, Լիլի Մորտոյին նմանակելու մեղադրանքներին, գռեհկության սահմանին ու բեմական ոճի փոփոխությանը։

 

«Մեկ-երկու տեղ ինքս էլ հանդիպել եմ Լիլիին նմանվելու վերաբերյալ մեկնաբանությունների, բայց չեմ կարող ասել, թե  ինչի հետ է դա կապված։ Ինձ և Լիլի Մորտոյին մաքսիմում մազերի գույնով է հնարավոր նմանեցնել։

Ես ոչ իմ կերտած կերպարներով եմ նմանակում Լիլիին, ոչ իմ խառնվածքով, ոչ էլ ուրիշ որևէ բանով։ Լիլի Մորտոյին նմանվելու միտում չունեմ, կարծում եմ` դա սիրուն էլ չի լինի։ Հնարավոր է` հագուստներն էլ երբեմն ինչ-որ դետալով նման լինեն, սակայն պատճառն այն է, որ Արայիկ Գաբաջյանը մեզ հետ շատ պրոֆեսիոնալ է աշխատում և մեր հագուստները սովորաբար նույն ոճի են լինում»,- ասաց Զառան։

Դերասանուհու խոսքով` հեռուստադիտողներն իրեն տարիներ շարունակ տեսել են այլ ոճում, իսկ Women’s Club-ի բացմանը նա հանդես է գալիս որպես Զառա։

«Չնայած բացումներն էլ են սցենարով գրված, անկախ տեքստերից մենք մեր իրական կերպարներով ենք ներկայանում։ Նախկինում հնարավորություն չի եղել, որպեսզի ներկայանամ այնպիսին, ինչպիսին ինձ տեսնում են Women’s Club-ում։ Ես հանդիսատեսին ներկայանում էի միայն դերերով և ոճային որևէ հարց չկար, այդ պահին դերն ինչ պահաջում էր, դա էլ հագնում էի։ Հիմա բացի կերպարներից ես բեմին եմ լինում նաև որպես Զառա։ Աշխատում ենք Արայիկ Գաբաջյանի հետ և իմ բեմական հագուստներում, ոճում շատ փոփոխություններ են եղել։ Կարծում եմ, որ հեռուստադիտողի աչքին անսովոր է ինձ տեսնել այդ ամենից դուրս, բայց վստահ եմ, որ դա ժամանակի հարց է, ընթացքում կսովորեն,- ասաց դերասանուհին ու հավելեց՝ առօրյա ոճում փոփոխություններ չեն եղել,-  աշխատանքից դուրս անդավաճան եմ սպորտային ու հարմարավետ հագուստներին, որովհետև այդպես ավելի պրակտիկ է, թեթև, հանգիստ։ Իմ գրաֆիկն այնպիսին է, որ ես առավոտից մինչև ուշ երեկո վազքի մեջ եմ, շատ-շատ եմ կարևորում հարմարավետությունը»։

Զառան անդրադարձավ նաև սեքսուալ երևալու միտմանը, որը, ըստ նրա, կապված է եթերից բացակայելու հետ։ Ըստ նրա` որոշակի դադարից հետո այլ ձևաչափով եթեր վերադառնալը հեռուստադիտողներին հիմք է տվել կարծելու, թե ինքը փոխվել է։ «Սեքսուալ լինելու ակցենտ կոնկրետ չկա, հագուստն ընտրվում է ըստ նախապես որոշված խորագրի։ Ամեն ինչ ընդհանուր պատկերի համար է արվում, որպեսզի բեմին բոլորս համահունչ լինենք։ Ես չեմ փորձում սեքսուալությամբ հատուկ առանձնանալ»,- ասաց Զառան։

Դերասանուհին խոսեց նաև հագուստում իր համար թույլատրելի ու անթույլատրելի սահմանկի մասին․ «Ինտուիցիայով եմ կողմնորոշվում, թե որտեղ ինչ է պետք հագնել, որտեղ է այդ սահմանը։ Դեպքեր են լինում, երբ նույն զգեստը մեկի հագին տեսնելիս շատ հանգիստ են վերաբերվում, մյուսի դեպքում, ընդհակառակը, սկսում են քննադատել։ Գռեհկությունը ներսից է լինում։ Աշխարհի ամենահամեստ, հնարավորինս փակ հագնված մարդն էլ կարող է արտաքուստ մատնել, որ գռեհիկ է։

Կարող է լինել ճիշտ հակառակը՝  բաց շոր հագնես, բայց անմիջականությամբ, անկեղծությամբ, ներսիցդ եկած էներգիայով քեզ գռեհիկ չընկալեն։ Եթե ներսումդ չկա ագրեսիա ու սեքսուալ երևալու ձգտում, ոչ մի բաց հագուստ քեզ չի կարող այդպիսին ցույց տալ,- ասաց դերասանուհին ու ավելացրեց՝ էկրանից այն կողմ ամեն ինչ երևում է,– Վստահ եմ` հեռուստադիտողն ունի շատ նուրբ աչք և տարանջատում է` ով է գռեհիկ, ով՝ ոչ։ Նույնն էլ պահվածքի մասին կարելի է ասել՝ մեկը մի բան է անում, ժողովրդի աչքից վրիպում է, մյուսին նույն անելու համար քարկոծում են։ Ամեն ինչ կախված է նրանից, թե դու ինչպես կներկայացնես դա»։

Զառան ընդգծեց, որ իրեն ճանաչողները՝ ճանաչում են, գիտեն ինչ տեսակի մարդ է իրականում. «Աշխատանքում բոլորովին այլ մարդ եմ, աշխատանքից դուրս ավելի հասարակ, հանգիստ։ Ինձ նոր չէ, որ պետք է քննարկեն, ես էլ  վաղուց հաղթահարել եմ այդ փուլը։ Իմ կերպարներից ելնելով, կարծում եմ, հանդիսատեսն ինձ ընդունում է այնպիսին, ինչպիսին ես կամ»։

Ամփոփելով Women’s Club-ի անցած ամիսներն ու բոլոր փոփոխությունները՝ Զառան նշեց, որ ունի շատ կարևոր ձեռբերում. «Հետաքրքիր է, որ այս ամիսներին փորձ եմ ձեռք բերել աշխատելու և մերվելու աղջիկների կոլեկտիվում, որովհետև մինչև այս թե՛ «32 ատամ»-ում, թե «Վիտամին»-ում միշտ եղել եմ տղաների շրջապատում։ Սա իսկապես ինձ համար հետաքրքիր փորձ է։ Տարբեր հաջողված նախագծերից հետո կյանքում գալիս է մի շրջան, երբ մտածում ես` էլ ի՞նչ պետք է անես, որը նախորդին գերազանցի, բայց նման վերելքներ, փաստորեն. հնարավոր են, այս նախագիծը դրա վառ ապացույցն է»:

Աղբյուր

 

ԵՄ-ն խոստացել է նույն կերպ պատասխանել, եթե ԱՄՆ-ն Ֆրանսիայի համար մաքսատուրքեր սահմանի ՈՒՂԻՂ. Խոշոր հրդեհ «Մալաթիա մոլ»-ի շենքում Անցած շաբաթ Ադրբեջանի զինուժի կողմից արձակվել է շուրջ 1500 կրակոց. Արցախի ՊՆ Մասիվցի Անդիկի սպանությանն օժանդակելու մեջ մեղադրվող անձը կալանավորվել է Ամուլսարում ուրանի եւ թորիումի առկայության մասին․ ՀԲՃ (ֆոտո) Փորձել է քաղաքացու գրպանից փող հափշտակել, բայց հենց տեղում բռնվել է. նա բերման է ենթարկվել «Չելսիի» մեկնարկային կազմը՝ «Նորվիչի» հետ խաղում (ֆոտո) ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին 35-ամյա գեղարքունիքցին թմրանյութը պահում էր տրակտորի մեջ, բայց ոստիկանները գտան 58-ամյա տղամարդը էլեկտրական զոդման սարքով աշխատելիս ընկել է բետոնե խառնիչի մեջ եւ մահացել Ամարասի դաշտում դիակ է հայտնաբերվել. նախնական տեղեկություններով նա մահացել է ցուլի հարվածից Ախալքալաքում առաջին դասարանցիների թիվը նվազել է 13 տոկոսով «Դպրոցների հարգելի տնօրեններ, 63 տարեկան մանկավարժներին աշխատանքից ազատելու որևէ մեկի հանձնարարականի մի ենթարկվեք». Բախշյան ԱՄՆ վարչակազմը որոշել է վերականգնել 2019-ի արտաքին օգնության ծրագրերի ֆինանսավորումը, այդ թվում Հայաստանի համար «Լիվերպուլ» - «Արսենալ». Բուքմեյքերների կանխատեսումը
Ամենաընթերցված
Անկախ նրանից թե ինչ որոշում կկայացնի վարչապետը, ես... Քիչ առաջ խորհրդակցություն անցկացրի «Ամուլսարի» հար... Սիրելինե՛րս, խոր շունչ քաշեք ու հանգստացեք. Մարիամ... Ամուլսարի շահագործման վերաբերյալ ԲՀԿ տեսակետը՝ նախ... Նախորդ տարվա համեմատ Սևանա լճից 51 միլիոն խմ ջուր ... Նիկոլ, դու հերթական անգամ ինքդ ես ապացուցում, որ Ս... Եթե անդառնալի թունավորեցիք Սեւանի ու Ջերմուկի ջրեր... Ամուլսարի հարցով հանդիպում կլինի կառավարությունում... «Հեղափոխությունը Հայաստանում դեռ անխուսափելի է».Մի... «Փոքր, բայց կարևոր փոփոխություն մեր ժամկետային զին... 1000 խոշոր հարկ վճարողների կողմից գեներացվել են 51... «Մարտի 1-ի գործով տեղի է ունեցել նախաքննական գաղտն... Միքայել Մինասյանը՝ BBC-ի աղմկահարույց հոդվածի մասի... Գյումրիում զինծառայողի կախված դի է հայտնաբերվել․ Ա... Անպտուղ պայքար՝ Գագիկ Ծառուկյան քաղաքական գործչի հ... Բավ է պնդեք, թե կոնվենցիայում չեք հանդիպել երրորդ ... Փաշինյանը ներկայացրել է Համահայկական 7-րդ խաղերի մ... Սոցիալական ցուցանիշները վկայում են տնտեսական «հրաշ... «Հայաստանն իմ Օջախն է, ժողովուրդն իմ ընտանիքն է». ... Նիկոլ Փաշինյանը իշխանավարում է մի համակարգով, որի ...
website by Sargssyan