Խոշոր ավտովթար Արմավիրի մարզում. Mitsubishi Pajero-ն կողաշրջվելով՝ հայտնվել է բնակչի հողամասում
ՀասարակությունԵրեկ՝ մայիսի 25-ին, խոշոր ավտովթար է տեղի ունեցել Արմավիրի մարզում: Ժամը 10:50-ի սահմաններում Արմավիր-Գյումրի ավտոճանապարհի 1-ին կմ հատվածում՝ «Խաստուր» ռեստորանային համալիրի դիմաց, բախվել են 39-ամյա Ազիզ Սլոյանի վարած Mitsubishi Pajero մակնիշի և 64-այա Սամվել Ղուկասյանի վարած Mercedes մակնիշի ավտոմեքենաները:
Ինչպես հայտնում է SHAMSHYAN.com-ը, բախման հետևանքով Mitsubishi-ն դուրս է եկել հանդիպակաց երթևեկելի գոտի, կոտրել բնակչին պատկանող հողատարածքի երկաթե ցանկապատը և հայտնվել հողամասի տարածքում: Դեպքի վայրում հավաքվածներն ասում էին, որ վթարի հետևանքով 1 հոգի մարմնական վնասվածքներով տեղափոխվել է Արմավիր բժշկական կենտրոն:
Ոստիկանությունը պարզում է վիրավորի ինքնությունը: Ըստ նախնական տեղեկությունների՝ վթարի մեղավորը եղել է Mercedes-ի վարորդը, ով չթույլատրելի հատվածում շրջադարձ է կատարել, ստեղծելով վթարային իրավիճակ, ինչն էլ դարձել է վթարի պատճառ: