Գիտնականները պարզել են՝ որ մթերքն է կանխում շաքարային դիաբետի զարգացումը
LifeԿանադայի Ալբերտայի համալսարանի գիտնականները եկել են այն եզրահանգման, որ պանիրը կարող է պահպանել արյան մեջ շաքարի մակարդակը նորմայի սահմաններում, ինչը պայմանավորված է նրանով, որ այն նվազեցնում է կայունությունն ինսուլինի նկատմամբ: Ինչպես գրում է MedicalXpress-ը, այս կերպ այն երկրորդ տիպի շաքարային դիաբետը կանխարգելող հիանալի միջոց է դառնում:
Մասնագետները գիտափորձերն անցկացրել են մկների վրա, որոնց բաժանել են երեք խմբի: Բոլոր խմբերի մկներն էլ սնվում էին խոզի ճարպով, սակայն առաջին ու երկրորդ խմբի մկները ստանում էին նաև տարբեր յուղայնությամբ պանրի տեսակներ: Արդյունքում հետազոտությունը ցույց է տվել, որ ինսուլինի նկատմամբ կայունությունը նվազում է պանրի ցանկացած տեսակի գործածության դեպքում:
«Սա խոսում է այն մասին, որ պանրի օգտակար ազդեցությունն ամենայն հավանականությամբ կապված է ոչ թե ճարպերի քանակության, այլ մեկ այլ կարևոր բաղադրիչի ՝ սպիտակուցների կամ կալցիումի հետ », - ընդգծում են գիտնականները:
Բացի այդ, հետազոտության արդյունքում գիտնականները կրծողների մոտը նաև ֆոսֆոլիպիդների հետ կապված փոփոխություններ են հայտնաբերել, իսկ այս նյութերը շատ կարևոր են օրգանիզմի նորմալ աշխատանքի համար