Հայ
РусՈվ է նոր ՍԴ դատավորի թեկնածուն
ՀՀ նախագահ Արմեն Սարգսյան այսօր ՍԴ դատավորի թափուր տեղի համար առաջադրել է Արթուր Վաղարշյանի թեկնածությունը։ Վերջինիս մասին համացանցում շատ բան չգտանք. նշվում է միայն, որ նա ԵՊՀ իրավագիտության ֆակուլտետի Պետության և իրավունքի տեսության ու պատմության ամբիոնի վարիչն է, իրավաբանական գիտությունների դոկտոր, պրոֆեսոր է։
Այս ընթացքում տարբեր քննարկումներ էին ընթանում նոր թեկնածուի վերաբերյալ և կարծիքներ էին հնչում, որ անկասկած նախագահը կրկին առաջադրելու է Վահե Գրիգորյանի թեկնածությունը, ում ընտրությունը բոյոկոտել էր նախորդ ԱԺ-ն։ Փաստորեն, պատկերը բոլորովին այլ է։
Ավելի վաղ տեղեկացրել ենք՝ ՍԴ դատավորի պաշտոնում առաջադրված թեկնածուները 9-ն էին՝ Վահե Գրիգորյանը (առաջադրվել էր արդեն 3-րդ անգամ), Մարտին Մանուկյանը, Գևորգ Մուրադյանը, Կարեն Կարապետյանը, Հովհաննես Հովհաննիսյանը և Արթուր Վաղարշյանը։ Մյուս 3 թեկնածուն ցանկացել էին գաղտնի մնալ։
Նշենք, որ ՍԴ դատավորի ընտրությունն արդեն 4-րդ անգամ է անցկացվում, քանի որ տարբեր պատճառներով չէին ընտրվում առաջադրված թեկնածուները։ Ապրիլի 16-ին էլ տեղի ունեցած ընտրության ժամանակ խորհրդարանը ՍԴ անդամի պաշտոնում չընտրեց նախագահի կողմից առաջադրված թեկնածու Գոռ Հովհաննիսյանին։
