Զոհրաբ Մնացականյանը հանդիպել է Իռլանդիայի ԱԳ նախարարին. Ընդգծվել է համագործակցության խորացման մեծ ներուժը
ՀասարակությունՄայիսի 13-ին աշխատանքային այցով Բրյուսելում գտնվող ՀՀ ԱԳ նախարար Զոհրաբ Մնացականյանը հանդիպել է Իռլանդիայի ԱԳ նախարար Սայմոն Քովենիին:
Արտգործնախարարներ Մնացականյանը եւ Քովենին ընդգծել են տարբեր ոլորտներում Հայաստանի եւ Իռլանդիայի միջեւ համագործակցության խորացման ուղղությամբ առկա մեծ ներուժը՝ շեշտելով փոխադարձ հանձնառությունը գործնական քայլեր ձեռնարկելու երկխոսության առավել ակտիվացման, ինչպես նաեւ երկկողմ օրակարգի հարստացման ուղղությամբ: Որպես համագործակցության կարեւոր ուղղություն առանձնացվել է բարձր տեխնոլոգիաների, նորարարության, ստեղագործ կրթության ոլորտներում փորձի փոխանակմանն ուղղված ծրագրերի նախաձեռնումը:
Հայաստանի եւ Իռլանդիայի արտաքին քաղաքական գերատեսչությունների ղեկավարները մտքեր են փոխանակել նաեւ Արեւելյան գործընկերության 10-ամյակի եւ նախարարական հանդիպման ժամանակ ծավալված քննարկումների շուրջ՝ ընդծելով, որ հոբելյանը լավ առիթ է արձանագրված ձեռքբերումներին անդրադառնալու, ինչպես նաեւ հետագա համատեղ աշխատանքի հեռանկարները ուրվագծելու առումով: