Եթե հարաբերականորեն մոտենանք ՔՈ գործունեությանը, ապա մանդարին բաժանելն ավելի լավ է ստացվում, քան քաղաքականությամբ զբաղվելը
BlogՄանե Փաշինյանը ֆեյսբուքյան իր էջում գրում է․
Երբ կարդացի «Քաղաքացու որոշում» կուսակցության կողմից տարածված հերթական անհեթեթ հայտարարությունը՝ հասկացա, որ «արհեստական» կուսակցության անդամները ոչինչ անել չեն կարող, բացի մանիպուլյացիաների դիմելուց: Ես հասկանում եմ, որ 0.68 տոկոս քվե հավաքաց կուսակցությունը փորձում է ամեն գնով հանրությանը տարբեր հայտարարություններով ներկայանալ, բայց նման էժանագին քայլերի դիմելով՝ հաստատ վնասում եք ձեզ և ձեր իբրև թե կուսակցությանը: Այս կուսակցությունը հայտարարել է, որ Գագիկ Ծառուկյանը չպետք է ԱԺ ամբիոնից ելույթ ունենար ցեմենտի մասով, քանի որ դա դիտարկվում է որպես ձեռնարկատիրոջ ելույթ ինչը պատգամավորի դեպքում անթույլատրելի է: Իրականում դրանից օր առաջ, երբ Ծառուկյանը հանդիպել էր արարատցիների հետ, նրանցից մեկն էր անձամբ խնդրել, որպեսզի նա նայդ հայտարարությունն անի ԱԺ ամբիոնից, այսինքն Ծառուկյանն ըստ էության իր պատգամավորական գործառույթներն էր իրականացնում:
Բոլոր նրանք, ովքեր փորձում են իրենց կարճ խելքով խեղաթյուրել իրականությունը և ապատեղեկատվության միջոցով «աչոկ» հավաքել, պետք է հիասթափեցնեմ և ասեմ, որ Գագիկ Ծառուկյանը քաղաքականությանբ զբաղվելու առաջին իսկ օրից իր բոլոր բիզնեսները հանձնել է հավատարմագրային կառավարման և կարող է զբաղվել քաղաքականությամբ, որը սահմանված է օրենքով: Եվ այս մասին այնքան է խոսվել և քննարկվել, որ բոլորին է քաջ հայտնի, բացի անհասկացողներից՝ ի դեմս ՔՈ կուսակցության անդամների: Եվ հետո՝ Գագիկ Ծառուկյանը իրավունք ունի որպես սեփականատեր կառավարելու կապիտալը: Բոլոր ժողովրդավար երկրներին բնորոշ է այս գործելակերպը, ըստ որի պատգամավորը ԱԺ քննարկման է բերում ժողովրդին հուզող հարցերը՝ ինչը և արել է Գագիկ Ծառուկյանը: Քաղաքացու որոշում կուսակցության նման անորակ հայտարարությունը անբովանդակ է և շատ լավ կլինի գիտակցեն և շոուների միջոցով չինքնահաստատվեն:
Ճիշտ կլիներ որ նոր ձևավորված քաղաքական ուժը զբաղվեր իրական խնդիրներով, այլ ոչ թե հնարածին կամ արհեստականորեն ձևավորված: Եթե հարաբերականորեն մոտենանք հարցին, ապա մանդարին բաժանելը Ձեզ մոտ ավելի լավ է ստացվում, քան քաղաքականությամբ զբաղվելը: