Փաստորեն, ըստ ՔՈ կուսակցության տրամաբանության՝ ժողովրդի ձայնը ԱԺ ամբիոնից բարձրաձայնելը օրենքի խախտում է...
Blog«Քաղաքացու որոշում» կուսակցությունը, որը դեռևս խորհրդարանական ընտրություններին հազիվ-հազ կարողացավ ստանալ հանրության 0,68 %-ի վստահության քվեն, այսօր իրեն թույլ է տալիս հայտարարություն՝ 16 տարվա պատմությամբ խորհրդարանական երկրորդ ուժի լիդերի ԲՀԿ առանջորդ Գ. Ծառուկյանի մասին, համաձայն որի, պահանջում են զրկել նրան պատգամավորական մանդատից, որովհետև ըստ վերջիներիս Գ. Ծառուկյանը խախտել էր օրենքը և անձամբ զբաղվել ձեռնարկությունների կառավարմամբ:
ՔՈ կուսակցության հայտարարությունը թերևս կապված էր Գ. Ծառուկյանի ԱԺ ամբիոնից այն ելույթի հետ, որում խոսվում էր ԱրարատՑեմենտ գործարանի շուրջ առկա խնդիրների մասին: Մասնավորապես քաղաքացիներից մեկն այդ հանդիպման ժամանակ խնդրեց, ի դեպ կա տեսանյութ, որտեղ հստակ արձանագրված է , որ Ծառուկյանն անձամբ խորհրդարանում իրենց ձայնը բարձրացնի և խոսի առաջացած խնդրի մասին: Ի դեպ սա ի գիտություն ՔՈ կուսակցության անդամների, ովքեր ցայսօր չգիտեն խորհրդարանում պատգամավորների դերի և գործառույթների մասին, իմացած լինեք, ժողովրդի վստահության քվեով խորհրդարան անցած պատգամավորները ներկայացնում և բարձրաձայնում են հանրությանը հուզող բոլոր հիմնահարցերը, փորձում գտնել դրանց խելամիտ և տրամաբանական լուծումներ: Իսկ Գ. Ծառուկյանի կոնկրետ այդ հայտարությունը, որևէ այլ միտում չուներ: Հետո, եթե ՔՈ կուսակցության անդամները նույնսիկ այս տարրական բաները չեն կարողանում հասկանալ, դա իրենց խնդիրն է, բայց թող նեղություն քաշեն և իրենց քաղաքական բոբիկությունը, նմանատիպ էժանագին մանիպուլյացիաներով լեցուն, ինքնակայցման փորձերով չհրամցնեն հանրությանը: Իսկ բոլոր նրանք, ովքեր դեռ մինչև վերջ չեն կարողացել հասկանալ, ևս մեկ անգամ նշեմ. Գ. Ծառուկյանը քաղաքական դաշտ անցնելուց առաջին իսկ օրվանից ձեռնարկությունները հանձնել է հավատարմագրային ծառայության և անձնամբ չի զբաղվում դրանցով, այլ կերպ ասած նա ուղակի սեփականատեր է: Բայց և հավելեմ նաև, որ Գ. Ծառուկյանը օրենքով սահմանված կարգով իրավունք ունի վերահսկել իր կապիտալը, ինչպես նաև փոփոխություներ մտցնել դրանցում ևս: Օրինակ, տնտեսական հեղափոխության առաջին քայլը՝ հայտարարվեց ցեմենտի գնի 10.000 դրամով էժանացման մասին: Այնպես որ, դատարկաբանություներ մաղելու փոխարեն, լավ կլիներ տեսնեին երկրի առջև ծառացած այլ բազմաթիվ սոցիալ-տնտեսական խնդիրներ,ինչևէ այս խմբակցության քաղաքական հետագիծը այլևս ուրվագծված է...
Էքսպրոմտ. Այդ ինչպես է ստացվում, որ սեփականատիրոջ ԱԺ-ում դրսևորած գործունեությանը հավան չեք, բայց դրսից ֆինանսավորվող «քաղաքական» ուժի անհասկանալի գործունեությանը նորմալ եք նայում...