«Արարատցեմենտ»-ի խնդիրը ոչ թե բիզնես շահն է, այլ աշխատատեղերի հարցը. Իվետա Տոնոյան (տեսանյութ)
ՔաղաքականությունԽոսքն ընդհանրապես բիզնես շահերին չի վերաբերվել: Այս մասին այսօր լրագրողների հետ ճեպազրույցում անդրադառնալով «Արարատցեմենտի» հետ կապված հարցին, ասաց «Բարգավաճ Հայաստան» խմբակցության պատգամավոր Իվետա Տոնոյանը:
«Բոլորն էլ գիտեն, որ Գագիկ Ծառուկյանը 11-ից ավել ժամանակահատված է, որ հավատարմագրային կառավարման է հանձնել բիզնեսը՝ կոնկրետ եթե խոսում ենք «Արարատցեմենտ» գործարանի մասին, իսկ մնացյալ առումներով, խոսքն էստեղ բացարձակապես բիզնես շահերին չի վերաբերվել. էս դեպքում կոնկրետ միայն ժողովրդի շահերը պաշտպանելուն է միտված է եղել: Այս օրինագիծը բացարձակապես որևէ կերպով կոնկրետ Գագիկ Ծառուկյանին և հավատարմագրային նրա կողմից հանձնված բիզնեսին չի վնասում, ընդհակառակը՝ բիզնեսի կառավարիչները շատ հետևողականորեն Գագիկ Ծառուկյանին հորդորում են առաջնորդվել այս գծով, քանի որ կլինկերի ներկրումը և հետագայում դրա՝ ցեմենտի վերածումը գործնականում և բիզնես առումով՝ շատ շահեկան է, Գագիկ Ծառուկյանի մասով որևէ խնդիր այստեղ չկա: Այստեղ ուղղակի պոտենցիալ գործազրկության վտանգն է, որովհետև հնարավոր է աշխատատեղերի կրճատում»,-ասաց Տոնոյանը:
Տոնոյանի խոսքը՝ 12-րդ րոպեից:
Տեսանյութը՝ 24 News.am-ի: