Դատարկ սափորն ավելի ուժեղ է զրնգում...
BlogՍերոբ Ամոյանը իր ֆեյսբուքյան էջում գրում է
Վահագն Հովակիմյան անուն-ազգանունն այսօր ոչ ոքի ոչինչ չի ասի, ավելին՝ շատերը կզարմանան իմանալով, որ նա հանդիսանում է ԱԺ պատգամավոր: Այն որ այս մարդը զուտ պատահականության սկզբունքով է հայտնվել ԱԺ-ում աներկբա է: Քաղաքական կյանքում նա ոչ մի նշանավոր բան չի արել, ավելին՝ նույնիսկ աննշան ոչինչ չի արել, այս մարդու միակ գործը թերևս մեծ-մեծ խոսելն է: Եվ հիմա հարց է ծագում՝ ի՞նչ է նա արել սեփական ժողովրդի համար, որ իրեն իրավունք է վերապահում կարծիք արտահայտել այնպիսի փորձառու գործչի մասին ինչպիսին Գագիկ Ծառուկյանն է, ով քաղաքականության մեջ է դեռևս 2003 թվականից: Գագիկ Ծառուկյանի բոլոր քաղաքական ելույթները, դիրքորոշումները մշտապես եղել ու մնում են սպասված և կարևոր: Եվ այսքանից հետո առնվազն անլուրջ է, որ Վահագն Հովակիմյանի նման մեկն ասում է Ծառուկյանը ԱԺ ամբիոնից քիչ է ելույթներ ունեցել, սա հստակ խոսում է նրա մասին, որ Վահագն Հովակիմյանը քաղաքականության հետ ոչ մի կապ չունեցող մարդ է, քանզի անլուրջ է մարդու քաղաքական գործունեության արդյունքները դատել զուտ ԱԺ ամբիոնից ելույթ ունենալով: Ինչ խոսք՝ անհասկանալի է, որ նման անփորձ ու ոչինչ չարած քաղաքական գործիչը իրեն բարոյական իրավունք է վերապահում խոսելու փորձառու և կայացած քաղաքական գործչի մասին: Գործ արա, հետո նոր խոսա: