Ակցիայի մասնակիցների շրջանում կան մարդիկ, ովքեր կապ չունեն գործարանի հետ և դիտավորյալ սրում են իրավիճակը
BlogՄարի Սերոբյանը ֆեյսբուքյան իր էջում գրում է`
Երեկվանից Արարատցեմենտի աշխատակիցները բողոքի ակցիա են իրականացնում իսկ պատճառը այն է, որ աշխատանքից ազատման ծանուցագրեր են ստացել: Ակցիայի մասնակիցների շրջանակներում կան մի խումբ մարդիկ, ովքեր ոչ մի կապ չունենալով Արարատցեմենտի հետ փորձում են իրավիճակը ամեն կերպ սրել և լարվածություն ստեղծել,աշխատակիցներին տրամադրելով գործատուի դեմ: Նրանց իհարկե, բացարձակապես չի հետաքրքրում Արարատցեմենտի աշխատակիցների ճակատագիրը, քանզի նրանք ունեն իրենց անձնական շահերը, այն է ամեն կերպ այնպես անել, որ կլինկերի ներմուծման վրա պետական տուրք չդրվի:
Ընդհանրապես նման իրավիճակ ստեղծվեց այն բանից հետո երբ անհասկանալի պայմաններում ԱԺ տնտեսական հարցերի մշտական հանձնաժողովում որոշում կայացվեց, որ կլինկերի ներմուծման վրա պետական տուրք չի դրվելու, իսկ դա պարզից էլ պարզ է, որ հանգեցնելու է նրան, որ տեղական արտադրողն այստեղ այլևս չի կարողանալու ցեմենտ արտադրել, այսինքն՝ մրցակցությունից դուրս է մնալու:
Հենց այս մասին էլ այսօր նշեց նաև «Մուլտի Գրուպ» կոնցեռնի հիմնադիր Գագիկ Ծառուկյանը, ում խոսքով ստեղծված իրավիճակում գործատուն ոչինչ անել չի կարող և ամբողջ պատասխանատվությունը մնում է տնտեսական հարցերի մշտական հանձնաժողովի որոշման վրա:
Վերադառնալով Արարատցեմենտի աշխատակիցների բողոքին նշենք, որ արդեն իսկ ասվել է , որ Գագիկ Ծառուկյանն արդեն վաղը հանդիպելու է նրանց: Իսկ ծանոթ լինելով Գագիկ Ծառուկյանի ազգանպաստ գործելաոճին ենթադրելի է, որ հարցը աշխատակիցների համար դրական լուծում կստանա: