«Օրենքի առաջ բոլորն են հավասար» հայտարարությունն անգամ չկանխարգելեց Դ. Անանայանի արտոնյալ կարգավիճակը
BlogԱնդրանիկ Մաթևոսյանը ֆեյսբուքյան իր էջում գրում է
Վերջերս համացանցում ամենա քննարկվող թեմաններից մեկը դարձել է «Պետական եկամոըտների կոմիտի» գործունեությունը (ՊԵԿ), իսկ եթե ավելի կոնկրետ ՊԵԿ-ի վարած քաղաքականությունը, որը հիշեցնում է նախկին իշխանությունների գործելաոճը։
Բանն այն է, որ ՊԵԿ աշխատակիցները ցուցադրաբար չարաշահում են իրենց լիազորությունները և ահաբեկելու միջոցով աստղաբաշխական տուգանքներ գրում օրենքից վատ տեղեկացված գործարարերի վրա։ Լուրեր են պտտվում, որ տեսուչները ինչ-որ հաստատության ստուգման ժամանակ առանձնազրույց են ունենում տվյալ հաստատության տնօրենի հետ, և ահաբեկում, եթե տնօրենը ինքնակամ չտուգանվի 150,000 դրամով, ապա աշխատակիցները կստեղծեն այնպիսի իրավիճակներ, որից հետո տուգանքի թիվը կկրկնապատկվի կամ կտասնապատկվի։ Այս ամենից հետո իրենց իրավունքներից վատ տեղյակ գործարարերը նախընտրում են վճարել տեսուչի առաջարկած գումարը՝ հետագա անախորժություններից խուսափելու համար։
Մեկ այլ դեպք գրանցվեց մի քանի օր առաջ, երբ ՊԵԿ աշխատակիցներն ուղղակիորեն ներխուժեցին Առինջ Մոլլ և իրենց վարքով ուղղակի ճնշեցին թե՛ վաճառողներին, թե՛ հաճախորդներին։ Այս ամենին անդրադարձավ նաև անաչառ լրատվականներից մեկը ՝ «Ազատություն ռադիոկայանը», որի լրագրողները ժամանեցին դեպքի վայր և զրուցեցին վաճառողների հետ։ Պատկերը սարսափելի էր նրանով, որ ՊԵԿ-ի գործելաոճից տուժում են այն ՀՀ քաղաքացիները, ովքեր իրենց աշխատանքով հազիվ վաստակում են իրենց օրվա հացի գումարը։ Ասում են, որ նմանատիպ ստուգումների զոհ են դառնում նաև այն տնտեսվարողները, ովքեր չեն «համագործակցում»ՊԵԿ նախագահ Դավիթ Անանյանին պատկանող «PHP Partners» աուդիտական ընկերության հետ,իսկ ովքեր գտնվում նրա հովանու ներքո, ուղղակի ձերբազատված են այդ գլխացավանքից։ Առաջանում է հարց, միթե՞ Վարչապետ Փաշինյանի հայտարարած «Օրենքի առաջ բոլորը հավասար են» եզրույթից հետո էլ ՊԵԿ նախագահը շարունակում է իրեն արտոնյալ զգալ։ Տպավորություն է ստեղծվում, որ նրա համար անգամ դա է մեկ և նա ուղղակիորեն «թռնում է այդ խոսքից»։
Այս ամենից կարելի է ենթադրել, որ տեսուչների առջև դրվել է «պլան», որի համաձայն տեսուչները պարտավոր են օրեկան կոնկրետ քանակությամբ տուգանք ձևակերպել, այլապես կպատժվեն «ՊԵԿ-ի ամբողջ խստությամբ»։ Այս ամենն առաջին հայացքից հիշեցնում է նախկին իշխանությունների վարած քաղաքականությունը։
Եթե այս ամենը դիտարկենք գիտական առումով, ապա կարելի է այս երևույթը անվանել «օրինական թալան» կամ «օրինական տեռոր» ։
Ինչևէ, ՀՀ քաղաքացին նմանատիպ երևույթների համար չէր, որ դուրս եկավ փողոց և հաղթեց, բայց ցավոք, այդ ռեժիմի ժառանգորդները մինչ այսօր իրենց տեղն ունեն մեր իրողությունում։