Տոտալ դժգոհությունների վրա աչք փակելով, ՊԵԿ-ը փորձում է ֆեյքերի միջոցով համացանցում իմիտացիա ստեղծել, թե ամեն ինչ կարգին է
BlogԱրտակ Մկրտչյանն իր ֆեյսբուքյան էջում գրում է.
ՊԵԿ գործողություններն ու իրականացվող վարչարարությունը վերջին շրջանում առավել խորքային դժգոհությունների տեղիք է տալիս տնտեսավորղերի շրջանում: Հարկային տեսուչների կողմից իրականացված ստուգումների ընթացակարգերն ու խտրական մոտեցումները լուրջ մտահոգության առիթ են իրականում հանդիսանում և այս մասին խոսում և գրում են անգամ ոչ շահառուները: Օրինակի կարգով նշեմ, որ վերջերս «Առինջ մոլ» առևտրի կենտրոնում ՊԵԿ իրականացրած բիրտ ու բռի գործուղությունների հետքերով անգամ Ազատություն ռադիոկայանն էր գնացել, որը ինչպես հայտնի է անաչառ և օբյեկտիվ լրատվություն է տրամադրում: Լրատվականը տաղավարներով շրջելով և աշխատակիցներից հարցումներ անցկացնելով, ներկայացրել էր այն կազուսային իրավիճակն, որն իրականում կաթվածահար էր արել մոլի բնականոն աշխատանքը: «Դիմակավորված, 70 հոգով գալիս լցվում են, համ հաճախորդներին են խանգարում, համ առևտրականներին» ասում էին մոլի աշխատակիցները և սա այն դեպքում, երբ նրանք երբևէ խնդիրներ չեն ունեցել օրենքի հետ և համարվում են բարեխիղճ հարկ վճարողներ: Սակայն այստեղ կոնկրետ իհայտ է գալիս մի հարց, ինչո՞ւ Դավիթ Անանայանը նման մոտեցմամբ ստուգումներ չի իրականացնում բոլորի մոտ, պատասխանն առավել քան ակնհայտ է, որովհետև նա իրեն պատկանող «PHP partners» աուդիտորական ընկերության միջոցով ստվերային պայմանավորվածությունների մեջ է որոշ ընկերությունների հետ և նրանք ըստ էության ներկա պահին գտնվում են շատ հարմարավետ կարգավիճակում, երբ ՊԵԿ նախագահի հովանու ներքո չեն ենթարկվում տոտալ ստուգումների, իսկ ովքեր նման համագործակցության մեջ չեն, ընկել են գելյոտինի տակ:
Օրեցօր ՊԵԿ գործողություններից դժգոհողների թիվը մեծանում է, անգամ տեղեկություններ տարածվեցին, որ տնտեսվարողներին զոռով տուգանում են, որպեսզի կատարեն իրենց առջև դրված պլանները: Այս ամենը հաշվի առնելով պետք է նշեմ, որ ՊԵԿ գործելաոճը պետք է վերցվի խոշորացույցի տակ, քանի որ այն ինչ հիմա իրականացվում է, ուղղակի կերպով խոչընդոտում է երկրում ներդրումներին և գործարար սեգմենտի գործունեությանը: Փոխանակ այս ամենից դասեր քաղեն, սեփական թերացումներն ու բացթողումները շտկեն, նախկին համակարգից ժառանգած արատավոր գործելաոճին վերջ տան, համացանցում ֆեյքերի միջոցով փորձում են իմիտացիա ստեղծել, թե ՊԵԿ-ում ամեն ինչ հալած յուղի նման է ընթանում: Այսքան գրելուց հետո, նման խայտառակ իրավիճակի մասին բազմիցս բարձրաձայնելուց հետո, եթե չեն ուղղվում, ապա լուծումն այս դեպքում մեկն է՝ հարկավոր են ռադիկալ փոփոխություններ իրականացնել ՊԵԿ-ում, ընդհուպ մինչև նախագահի փոփոխություն, հակառակ պարագայում զարգացման և առաջընթացի մասին, կարող ենք մոռանալ, եթե չվատանա երկրի վիճակը, հաստատ չի լավանալու՝ այսպես շարունակելու դեպքում: