Երշիկեղենի շուկան շարունակում է խնդրահարույց մնալ

Ժամանակ առ ժամանակ երշիկեղենի շուկան ենթարկվում է լաբորատոր փորձաքննության, որի նպատակն է պարզել, թե կա”ն արդյոք խախտումներ, թե՝ ոչ: Լինում է և այնպես, որ նույնիսկ տարիների համբավ ունեցող ֆիրմաներն են կանգնում խնդիրների առջև, բայց, բարեբախտաբար, հայկական երշիկեղենի արտադրությամբ զբաղվող ընկերությունները տեղական շուկայում մրցակցությանը դիմանալու համար ամեն հնարքի դիմում եմ, որպեսզի իրենց արտադրանքն ավելի շատ վաճառվի:

Երշիկեղենի շուկայի սպառման ծավալների մասին որոշակի պատկերացում ունենալու համար, Orer.am-ը լրագրողական դիտարկում է իրականցրել: Հետաքրքիր էր պարզել, թե սպառողների շաբաթական գնումների ցանկում երշիկեղենն ընդհարապես ինչ ծավալ է կազմում: Մեր ուսումնասիրությունները ցույց տվեցին, որ սպառողների գերակշիռ մասը, որպես արագ սննդի տեսակ հիմնականում օգտվում են երշիկեղենից, նույնիսկ ունեն նախընտրած ֆիրմաների արտադրած կոնկրետ արտադրատեսակներ, որոնցից գրեթե ամեն օր են օգտվում:

Սննդամթերքի այս տեսակը գնելուց առաջ ի՞նչ պետք է իմանա սպառողը, քանի որ շատ դեպքերում դժվար է հասկանալ, թե տվյալ արտադրանքը մսից բացի ուրիշ ինչ նույթեր է պարունակում: Այս և այլ հարցերի մասին զրուցեցինք «Իրազեկ և պաշտպանված սպառող» հ/կ նախագահ Բաբկեն Պիպոյանի հետ: Նա նշեց, որ մեր երկրում երշիկեղենի շուկան եղել և շարունակում է մնալ ռիսկային, իսկ սպառողները պետք է գնումներ կատարելուց առաջ հնարավորություն ունենան տեղեկանալու, թե տվյալ սննդամթերքն ինչ նյութեր է պարունակում:

«Թե՛ պետական և թե՛ հասարակական կազմակերպությունների կողմից իրականացված լայնամասշտաբ միջոցառումների ժամանակ մշտապես հայտնաբերվել են խնդիրներ, որոնք ոչ միայն դաշտում խաղացող փոքր ընկերությունների մոտ են եղել, այլև խոշորի: Ինչ վերաբերում է որակը շույակում ամենաշատը սպառվող տեսակներով պայմանավորելուն, ապա պետք է իմանալ, որ կան երշիկեղեն արտադրող ընկերություններ, որոնք քիչ քանակությամբ են արտադրվում, բայց նրանց արտադրանքն ավելի արագ է սպառվում: Այսինքն, ասել, որ հասարակությունը այս ֆիրմայի տվյալ արտադրատեսակն է նախընտրում, որովհետև այն ամենաորակովն է, դժվար է»,- ասաց Բ. Պիպոյանը:

Ամեն դեպքում նա խորհուրդ տվեց սպառողին, որ նույնիսկ ամենաորակյալ և ամենաանվտանգ երշիկեղեն գնելու դեպքում անգամ հիշել, որ օրվա սննդակարգում այն չպետք է մյուս սննդամթերնքների մեջ գերակշռողը լինի:

«Վերամշակված մսամթերքը նախընտրելի է օգտագործել օրական մինչև 50 գրամի սահմաններում, ոչ ավելի: Ինչ վերաբերում է երշիկեղենի պարունակության մեջ մսի տոկոսին, ապա կան արտադրատեսակներ, որոնց մեջ մսի պարունակությունը կարող է անգամ 60 % լինել, ինչը ևս նորմալ է: Նշեմ նաև, որ երշիկի որակի ուսումնասիրությունն իրականացվում է երկու եղանակով: Առաջինը փաստաթղթային ուսումնասիրությունն է, որով զբաղվում է Տնտեսական մրցակցության պաշտպանության պետական հանձնաժողովը, իսկ երկրորդ տարբերակը լաբորատոր փորձաքննությունն է:

Ինչ վերաբերում է երկրորդ եղանակին, ապա երշիկի մեջ մսի հայտնաբերման լաբորատոր ուսումնասիրությունը բավականին թանկ հաճույք է, իսկ նիտրատների չափի, մանրէաբանական շեղումների հայտնաբերման ուղղությամբ ուսումնասիրություններ պարբերաբար իրականացվում են, բայց մեղմ ասած, արդյուքներն այդքան էլ գոհացուցիչ չեն: Ժամանակն է խստացնել պետության կողմից վարվող այն քաղաքականությունը, որի դեպքում տնտեսվարողներն օր առաջ կներդնեն «ՀԱՍՊ» համակարգ, ինչից հետո ստիպված կլինեն ավելի որակյալ և անվտանգ երշիկեղեն արտադրել»,- ասաց Բ. Պիպոյանը:

 

Արմինե Գրիգորյան

Գ.Ծառուկյանը կմեկնի Վիետնամ. ի՞նչ են քննարկել ԲՀԿ նախագահն ու Խոանգ Բին Կուանը Ընկերներ ունեմ՝ մարիխուանա օգտագործում են. Նիկոլայ Բաղդասարյան Ուսումնասիրվե՞լ են թրաֆիքինգի իրական ծավալները. Միքայել Մելքումյան (տեսանյութ) Մեզ մի ուղղորդեք՝ ինչը որտեղ է, ձեզնից լավ գիտենք. Բագրատյանը՝ փոխնախարարին Մայիսին 11 օր ոչ աշխատանքային կլինի Grenke Сhess Сlassic. Լեւոն Արոնյան vs Ֆրանսիսկո Վալյեխո Նիկոլ Փաշինյանը շնորհավորել է Վլադիմիր Զելենսկուն Ուկրաինայի նախագահական ընտրություններում հաղթանակի առթիվ Մեկնարկել է ԱԺ նիստը. ՈՒՂԻՂ Այսօր մեռելոց է, օրն՝ աշխատանքային Մարդիկ խենթանում են այս բաղադրատոմսի համար, որը բուժում է ծունկը, անցկացնում ոսկորների և հոդերի ցավերը Միհրան Պողոսյանը ձերբակալվել է ՌԴ իրավապահների կողմից․ ՀՔԾ-ն հաստատում է Սյունիքի մարզի Խդրանցի եկեղեցին այսօր փլուզվել է Ընդդիմության մասին «Սոչիի» ֆուտբոլիստի գոլն անկյունայինից Վարչապետ Փաշինյանը ցավակցական հեռագիր է հղել Շրի Լանկայի նախագահին
Ամենաընթերցված
ԲՀԿ-ն ի դեմս Գ. Ծառուկյանի պաշտպանում է 1500-ից ավ... Բոլոր նրանց համար, ովքեր չեն հասկացել. Աշխատավոր ժ... Մանե Թանդիլյանի՝ իշխանություններին հաճոյանալու էժա... Մեր 9 կետանոց հարցապնդմանը տրվել է գրավոր խայտառակ... Քաղաքական առումով «բոբիկ» Վահագն Հովակիմյանը մոռաց... Դատարկ սափորն ավելի ուժեղ է զրնգում... ԲՀԿ-ի առաջնորդի հերթական պետականամետ նախաձեռնությո... Խոստումը կատարված է․ Փաշինյանը՝ աշխատավարձերի բարձ... Ռոբերտ Քոչարյանն ընդդեմ Սիլվա Համբարձումյանի հաջոր... Պրովոկատորները չեն դադարում «իջնել բեմից», բայց իր... Ակցիայի մասնակիցների շրջանում կան մարդիկ, ովքեր կա... Իոաննիսյանից ավել բան ակնկալելն անիմաստ է, քանզի ն... Նախկին 3 ռուբլիանոց լացողներին, փոխարինելու են եկե... Շուկայական առողջ մրցակցային պայմանների ապահովումը՝... Արարատցեմնտի աշխատակիցների բողոքի ակցիան սադրող «ա... Տեղական արտադորողին շուկայում մրցակցային պայմաններ... Տեղական արտադրանքը, ամենից առաջ, պետության ոչ կախյ... Ցեմենտի արտադրության ոլորտում տեղական արտադրողին խ... «Օրենքի առաջ բոլորն են հավասար» հայտարարությունն ա... Տոտալ դժգոհությունների վրա աչք փակելով, ՊԵԿ-ը փորձ...
website by Sargssyan