ՊԵԿ նախագահը «թիվ նկարելու» մեծ վարպետ...
BlogԱրմինե Սիմոնյանը ֆեյսբուքյան իր էջում գրում է
Եթե սկսենք «Նաիրիտ» գործարանի կործանման պատճառների ուսումնասիրությունից, ապա առաջնահերթ պետք է խոսենք գործարանի կործանման գործում մեծ և ակտիվ դերակատարում ունեցած ՊԵԿ նախագահ Դավիթ Անանյանի մասին: Հետաքրքիրը այն է, որ Անանյանի և իր գործընկերոջ կողմից ստեղծված աուդիտորական ընկերությունները, հերթական ստուգումներ անցկացնելուց և իրենց սև գործը ավարտելուց անմիջապես հետո, փակել են այն և նորն են հիմնել: ՊԵԿ-ի նախագահը իր գործառույթներն իրականացնելիս մշտապես առաջնորդվում է ստահոդ և տարատեսակ կեղծ բովանդակությամբ տեղեկություններ տարածելու սկզբունքով: Ճիշտ է, Անանյանը հետաքրքիր «տրյուկ» է մտածել, բայց մի տեղում մոռացել է «ստի ոտը կարճ» է ասացվածքը:
Անանյանի գործունեության հետ կապված ամենինչ ներկայացնենք հերթով.
Սկսենք նրանից, որ լուրեր են շրջանառվում, որ Դ. Անանյանը ՊԵԿ բարձրաստիճան պաշտոններից մեկում նշանակել է իր ընկերոջը, ով անգամ պաշտոնի համար հանձնվող քննության ժամանակ չի հավաքել բավարար միավորներ: Սա ևս նկատի ունենալով, հորդորում ենք պարզել, թե ի՞նչ սկզբունքով են ՊԵԿ-ում աշխատանքի ընդունվում (այս դեպքում՝ Դավիթ Անանյանի հետ ունեցած ծանոթ-բարեկամ-խնամի հարաբերությունների սկզբունքով):
Ինչ խոսք ծանոթ-բարեկամ-խնամի սկզբունքը օրիգինալ է, բայց սա դեռ ամենը չէ: Պարզվում է՝ Անանյանը երկրի բարձրագույն ղեկավարությանը, մասնավորապես, շատ հաճախ տեղեկություններ է տալիս որոշ տնտեսվարող սուբյեկտներում առկա «խախտումների ու չարաշահումների» մասին՝ թյուրիմացության մեջ գցելով և հետագայում չկարողանալով ապացուցել իր արարքների ճշմարտացիությունը: ՊԵԿ նախագահը փորձում է այս կամ այն տնտեսվարողի դեմ տրամադրել իշխանություններին՝ իր ամբիցիաները բավարարելու համար: Ասում են՝ բյուջեի գումարի հավաքագրման մասին ՊԵԿ նախագահի ներկայացրած տվյալները իրականում չեն համապատասխանում իրականությանը:
Անանյանի կազմակերպած հաջորդ փորձությունը տարեվերջին իրենց յուրային բվիզնեսներ ունեցողների վրա, խոշոր ակտեր գրելն էր, որոնք մուտք են արվել գանձապետարան որպես հավաքագրված գումար, սակայն հունվարի 15-ից հետո, երբ արդեն նախորդ տարվա ֆինանասական հաշվետվությունները փակված են եղել, այդ ակտերը բողոքարկվել են, և բնականաբար և այդ գումարները հետ են վերադարձվել սեփականատերերին:
Եթե իրականում իրավիճակ է փոխվել և հիմք ենք ընդունում իշխանությունների այն հայտարարությունը, որ օրենքի առաջ բոլորը հավասար են՝ ուրեմն առաջնահերթ պետք է համապատասխան մարմինները իրենց ուշադրությունը սևեռեն գիտակցաբար պլանավորած այս գործընթացների վրա: