Մի գողացիր․ ՊԵԿ նախագահը մոռացե՞լ է աստվածաշնչյան պատվիրանը

ՀՀ կառավարությանն առընթեր պետական եկամուտների կոմիտեի նախագահ Դավիթ Անանյանը վերջերս շատ ամպագոռգոռ ու բոցաշունչ մի հայտարարություն էր արել, թե «Մենք պետք է հարկային օրենսգրքին վերաբերվենք ինչպես Ավետարանին։

Իհարկե շատ լավ է, որ հարկային ոլորտի պատասխանատուն այդչափ կարևորում է հարկային օրենսգիրքը, սակայն այն Ավետարանի հետ համեմատելուց առաջ լավ կաներ վերհիշեր աստվածաշնչյան մյուս պատվիրանները ևս և փորձեր առաջնոդվել դրանցով: Օրինակ աստվածաշնչյան՝ ՄԻ ԳՈՂԱՑԻՐ պատվիրանով:

Ինչու եմ սա ասում` որովհետև օդում կախված լուրերի համաձայն՝ նույն Դավիթ Անանյանը իր շատ մտերիմ ընկերոջ Գրիգոր Գալստյանի հետ համատեղ տարիներ առաջ մի աուդիտորական ընկերություն էր ստեղծել ու զբաղվում էր հիմնականում խոշոր ու մեծ ընկերությունների աուդիտով, որոնցից մեկն էլ բոլորին քաջ հայտնի Նաիրիտ գործարանն էր: Թե ինչ եղավ Նաիրիտի ճակատագիրը՝ բոլորին էլ քաջ հայտնի է, սակայն հետաքրքիրն այստեղ ուրիշ հանգամանքն է: Պարզվում է, որ հերթական խոշոր ընկերությունում աուդիտ իրականացնելուց և իրենց սև գործն անելուց հետո Դավիթ Անանյանն ու իր գործընկերը որպես կանոն փակել են իրենց աուդիտորական ընկերությունն ու ստեղծել նորը: Եվ այդպես շարունակ։

Գրեթե յուրաքանչյուր խոշոր ընկերությունում անցկացրած աուդիտից հետո փակվել ու հետագայում բացվել է նոր աուդիտորական ընկերություն: Կարծում եմ ոլորտից քիչ թե շատ հասկացող մարդկանց համար շատ երևակայություն պետք չէ հասկանալու համար թե իրականում ինչ գործունեություն են ծավալել Անանյանն ու իր ընկերը: Սակայն սա էլ դեռ ամենը չէ:

Հերթական ընկերության հիմնումից ու փակումից հետո Անանյանի ընկեր Գրիգոր Գալստյանը մեկնում է Եվրոպա, սակայն ընկերոջ ՊԵԿ նախագահ նշանակումից հետո հապշտապ ամուսնալուծվում է և վերադառնում Հայաստան: Դավիթ Անանյանի թեթև ձեռքով Գալստյանը նշանակվում է ոչ ավել ոչ պակաս ՊԵԿ ներքին անվտանգության վարչության բաժնի պետի պաշտոնում:

2018-ի դեկտեմբերին պետական պաշտոնի համար անցկացվող քննությանը 100-ից հնարավոր անցողիկ 80-ից միայն 60 միավոր է հավաքում, այսինքն չի բավարարում անգամ անցողիկ նվազագույն շեմը, սակայն մինչ օրս շարունակում է զբաղեցնել բաժնի պետի պաշտոնը: Կարծում եմ մեկնաբանություններն ավելորդ են:

Ի դեպ հետաքրքիր զուգադիպությամբ Վարչապետ Նիկոլ Փաշինյանն այսօր ընդգծված կոշտ գործելաոճով է հանդես եկել ՊԵԿ Նորագավիթի մաքսակետ կատարած այցի շրջանակներում: Դավիթ Անանյանի ուղեկցությամբ կատարած այցի շրջանակներում՝ վարչապետը բազմաթիվ նկատողություններ է արել ՊԵԿ աշխատակիցներին, նրանցից ոմանց ազատել աշխատանքից, կոշտ քննադատության ենթարկել ՊԵԿ աշխատակիցներին: Միգուցե վարչապետի այս վերաբերմունքը բացատրվում է այն հանգամանքով, որ նա արդեն իսկ տեղյակ է, թե ինչ սկզբունքով են աշխատանքի ընդունվում ՊԵԿ աշխատակիցները, մասնավորապես Դավիթ Անանյանի թեթև ձեռքով ու ծանոթ-բարեկամ սկզբունքով:

Արդյո՞ք սա վերջին նախազգուշացումն էր Դավիթ Անանյանին, քանի որ նրա հավանական պաշտոնանկության մասին խոսակցությունները տևական ժամանակ շարունակում են մնալ մամուլի ուշադրության կենտրոնում: Ի դեպ վերջնականապես կողմնորոշվելու համար վարչապետը կարող է հանձնարարել, որպեսզի պատկան մարմիններն ուսումնասիրեն 2018-ի դեկտեմբերին Գրիգոր Գալստյանի պետական պաշտոնի անցնելու համար հանձնած քննության արդյունքները: Կարծում ենք պատկերը առավել քան ակնհայտ կլինի:

Անի Սահակյան

Հայկ Մարությանը պարգևատրել է բուժաշխատողներին Հայաստանի Ազգային ժողովի նախագահն ընդունել է Վիետնամի խորհրդարանական պատվիրակությանը Էմիլ Եղիազարյանը տեղափոխվեց Գանձասար-Կապան Ամսական աճի տեմպերը նվազել են, Բագրատյան Ստեփան Շաքարյանի հոգեհանգիստը տեղի կունենա այսօր, հուղարկավորությունը Երեւանի քաղաքային պանթեոնում ԵԱ. Լյովա Գեւորգյանը՝ ոսկե մեդալակիր Երկու օր էլ դիմացեք. Գագիկ Սուրենյան ՈՒՂԻՂ. ՎԵՏՕ–ի բողոքի ակցիան՝ ՍԴ–ի դիմաց ՈՒՂԻՂ. Վերաքննիչում հրապարակվում է Քոչարյանի գործով որոշումը Քննարկում ենք մերձեցման երեկո կազմակերպելու հարցը, ռուս գործընկերների հետ ոչ մի խնդիր չկա. Ռուբինյան «Իմ ճաշակով չէ». Թրամփը պատասխանել է բռնաբարության մեղադրանքին «Ադալժենի» չենք անում ձեզ․ իմքայլականը՝ ընդդիմադիրներին (տեսանյութ) Դուք սրանով ուզում եք կռիվ գցել ընդդիմադիր խմբակցությունների տունը. Անի Սամսոնյանը՝ Արարատ Միրզոյանին ՈՒՂԻՂ. Ընթանում է Մանվել Գրիգորյանի և Նազիկ Ամիրյանի գործով նիստը «Գ. Ծառուկյան» հիմնադրամի աջակցությամբ հարյուրավոր զինծառայողների ծնողներ մեկնել են Արցախ
Ամենաընթերցված
Երկու օր էլ դիմացեք. Գագիկ Սուրենյան Քննարկում ենք մերձեցման երեկո կազմակերպելու հարցը,... «Թուրքիայում գիտակցում են պետության և պետականությա... Պաշտոնական այցելությամբ որևէ տեղ գնացողը թող գլուխ... Շիրակի մարզի դատախազի այցի արդյունքում «Արթիկ» ՔԿՀ... Ադրբեջանի 5 կմ 100մ երկարությամբ դրոշը անց է կացվե... «Հայաստան-ԵՄ՝ անշուք հրաժեշտ». Արմեն Աշոտյան Հարուստներին «մորթելով»՝ սոցիալապես առավել վատ ապր... Եթե դուք սա համարում եք հեղափոխություն, տղերք ջա՛ն... Սահմանադրական դատարանը անհրաժեշտ է գտնում լրացուցի... Աբովյանը չպետք է լինի գործ տվողների քաղաք. Էդուարդ... «Էս ինչ շտուրմովիկ համբալներ են». պատգամավորը՝ ակց... Պահանջում ենք պարզել «ահազանգ» տվողի ինքնությունը ... Որքան հասկանում եմ, միայն ես ու Շմայսը չենք մեկնաբ... ԲԴԽ անդամ Գևորգ Դանիելյանը հրաժարական է տվել Գագիկ Ծառուկյանի շնորհավորական ուղերձը երեխաների պ... Այսօրվա հավաքը կասկածելի է. ինչպես է մեկնաբանում Վ... Նիկոլն այլևս քաղաքական դիակ է. Մենուա Հարությունյա... ՀՀ դեսպանատունը միակն էր, որ հիվանդանոցի տնօրենի հ... Փարթին շարունակվում է․ Նիկոլ Փաշինյան
website by Sargssyan