Դատարկ խոսքերը դարձել են Արթուր Գևորգյանի կարգախոսը. ԱԻԲԱ-ն հորդորել է ՀԲՖ նախագահի նոր ընտրություններ կազմակերպել
BlogԱնուշիկ Հունանյանը ֆեյսբուքյան իր էջում գրում է.
Ինչպես հիշում ենք տևական ժամանակ ՀԲՖ նախագահ Արթուր Գևորգյանի անվան և գործունեության շուրջ ծավալված աղմուկը չի դադարում. պատճառն այն է, որ նա ՀԲՖ նախագահի պաշտոնը ստանձնել էր անօրինական ճանապարհով, սակայն ամեն պատեհ-անպատեհ առիթը բաց չի թողնում այդ ամենը քողարկելու համար:
Անկասկած ընտրությունները անցկացվել են բազմաթիվ խաղտումներով և այն մեծ աղմուկ է առաջացրել սպորտային աշխարհում, որն էլ անպատասխան չի մնացել ԱԻԲԱ-ի (բռնցքամարտի միջազգային միություն) կողմից: Կառույցը բացահայտել է բոլոր կեղծիքները և հրապարակել իրենց կատարած փորձաքննության արդյունքները : Արդյունքների մասին տեղեկացել ենք ՀԱՕԿ գլխավոր քարտուղարի՝ Հրաչյա Ռոստոմյանի, ֆեյբուքյան պաշտոնական էջից, որտեղ հրապարակվել է ԱԻԲԱ-ի կողմից ուղարկված նամակը Իսկ ԱԻԲԱ-ն այդ փաստատթղթով պատռեց Արթուր Գևորգյանի դիմակը և պահանջեց նախագահի նոր ընտրություններ:
Դե իհարկե այս ամենի «ջրի երես» դուրս գալուց հետո՝ Արթուր Գևորգյանը իրեն «հարմար» լրագրող էր փնտրում, որպեսզի մի քանի գրոշով կարողանա ստերը տեղադրվեն այս կամ այն կեղծ կայքերում: Սակայն նրա այս տեսակ սահմաններն անցնող սին ու դատարկ արված հայտարարությունները ոչինչ են, քանի որ բռնցքամարտում նրա կատարած, ավելի ճիշտ չկատարած աշխատանքը վկայում է նրա փոքրոգի և դրածո լինելը այդ պաշտոնում: Նախկին ոստիկանապետի հետ լինելով աներ-փեսա հարաբերությունների մեջ, կարծես դեռ չի գիտակցում իրականությունը և մոռանում է, որ վաղուց Վլադիմիր Գասպարյան էլ «եղանակ չի փոխում» այս երկրում և իր գործերին չի կարող «կռիշ» կանգնել: Բայցի այս՝ տարիների ընթացքում, բռնցքամարտում ոչ մի էական փոփոխություն տեղի չի ունեցել, ընդհակառակը, Արթուր Գևորգյանի թեթև ձեռքով ամեն անգամ բռնցքամարտը ավելի է ճահճանում և հասնում անդունդի շեմին:
Եվ ցավալին այն է, որ Արթուր Գևորգյանը անլուրջ է մոտենում այս ամենին և մատը մատին չտալով՝ ողբերգական վիճակի է հասցնում ՀԲՖ-ն և մեր մարզիկներին, ովքեր երազում էին բարձունքներ նվաճելու մասին: Եվ փոխանակ կասկածի տակ դնի ԱԻԲԱ-ի ՀԱՕԿ քգլխավոր քարտուղարին ուղարկված նամակը, լավ կանի մտածի, ինչպես հանգիստ, առանց ավելորդ լարվածության հեռանա, հակառակ պարագայում խայտառակ կերպով կվռնդվի ՀԲՖ նախագահի պաշտոնից: