Ո՞վ է Արթուր Գևորգյանն ընդհանրապես ու ինչի համար է ստում տեսախցիկների առաջ
BlogՍևակ Հակոբյանը ֆեյսբուքյան իր էջում գրում է.
Արթուր Գևորգյանը, ով հանրությանն ավելի շատ հայտնի է, որպես Վովա Գասպարյանի փեսա, օրեր առաջ հարցազրույց է տվել լրատվականներից մեկին, որտեղ մասնավոապես կասկածի տակ է դնում նախորդ տարվա դեկտեմբեր ամսին, ՀԱՕԿ գլխավոր քարտուղար Հրաչյա Ռոստոմյանի կողմից հրապարակած ԱԻԲԱ-ի նամակի իսկությունը: Արթուր Գևորգյանը թերևս զգալով մոտալուտ պաշտոնանկությունը, սկսել է լկտիաբար ստեր հորինել, հույս ունենալով, որ դա ինչ-որ կերպ կարող է փրկել նրան այս իրավիճակից, երբ ամբողջ բռնցքամարտի աշխարհն ուղղակի «դոշ է թափ տալիս նրանից» և ցանկանում է հեռացնել պաշտոնից, որին Գևորգյանն հասել է բացառապես մախինացիայի, խաբկանքի ու կեղծիքի միջոցով: Ռոստոմյանի հրապարակած նամակից ակնհայտ երևում է, որ Արթուր Գևորգյանը ստացել է այդ նամակը, որովհետև այն ուղղված է եղել Գևորգյանին, իսկ կրկնօրինակն էլ ուղարկվել է նաև ՀԱՕԿ գլխավոր քարտուղարին: Այսինքն չէր կարող լինել այնպես, որ Հրաչյա Ռոստոմյանը ստանար այդ նամակը, իսկ Արթուր Գևորգյանը ոչ, ինչի մասին անամոթաբար բարձարաձայնում է նա:
Արդեն հաստատված փաստ է, որ Բռնցքամարտի ֆեդերացիայի նախագահի նոր ընտրությունները կայանալու են, քանի որ ԱԻԲԱ-ն իր փորձաքննության արդյունքում բազմաթիվ խախտումներ է հայտնաբերել և հրահանգել է նույն նամակում, որպեսզի նոր ընտրություններ անցկացվեն: Այս ամենի մեջ սակայն զարմանալին Գևորգյանի ակտիվությունն է, ում համար ստելն ու կեղծիքի դիմելն արդեն իսկ սովորական զբաղմունք է դարձել: Ուզում ենք հիշեցնել այս դյուրագրգիռ երիտասարդին, որ դատարկ խոսակցություններ ծավալելուց, լավ կանի իր անցյալն ու գործունեությունը վերհիշի, ըստ այդմն էլ պարզ կդառնա, որ նա ինքն իրենով ոչինչ է, դատարկ տեղ, ով աներոջ անվան շվաքում լինելով, ինչ-որ ժամանակ կարողացել է զոռբայություն անելով, բռնցքամարտի աշխարհը տեռորի ենթարկելով իր ամբիցիաները բավարարել, բայց այլևս այդպես չի լինելու, քանզի հայկական բռնցքամարտի ապագան ու առհասարակ զարգացումը ուղիղ կերպով կապված է Արթուր Գևորգյանի՝ ֆեդերացիայի նախագահի պաշտոնից հեռացմամբ, իսկ դա անխուսափելի է, քանզի կան դրա համար բոլոր հիմքերը:
Ուղղակի մարդ մի քիչ պետք է արժանապատվություն և տղամարդկություն ունենա ու տեսախցիկների առաջ լկտիաբար ստելուց առաջ, պետք է հաշվի առնի մի պարզ իրականություն՝ ստի ոտքը միշտ կարճ է ու Գևորգյանի բացահայտվելուն, հայտնի ասացվածքում նշված 40 օրն անգամ չի պահանջվի: