Գեներալ Մանվելն ազատության մեջ է կամ Ave Caesar

Օրերս դատարանը 25 միլիոն դրամ գրավի դիմաց ազատ արձակեց գեներալ Մանվել Գրիգորյանին, ով մեղադրվում է ապօրինի ռազմամթերք ձեռք բերելու և պահելու, առանձնապես խոշոր չափերով գույք հափշտակելու մեջ։ Նշենք, որ նա կալանավորված էր հունիսից: Կես տարում հետաքննությունը գործը դատարան չհանձնեց, թեպետ ԱԱԾ-ի հայտնի տեսանյութում ամեն ինչ այնպես էր ներկայացվում, որ գործը բացահայտված է, մնում է մեղավորին դատել:

Միանգամից հարց է առաջանում՝ կես տարի ի՞նչ էր անում հետաքննությունը: Ինչու՞ քրգործն այդպես էլ դատարան չհասավ` այս հարցը այսօր ոչ ոք չի տալիս: Փոխարենը Գրիգորյանի գրավով ազատ արձակման պահից չեն դադարում բողոքի ցույցերը, ու այդտեղ մեղքի իր բաժինն ունի նաև դատարանը, որ չհանրայնացրեց, թե դատավորի որոշման համար ի՞նչն է հիմք դարձել: Կա միայն փաստաբանի տեսակետը` պաշտպանյալի առողջական ծանր վիճակը։ Որ Մանվել Գրիգորյանը իրոք հիվանդ է, ոչ մեկի համար նորություն չէ, որ բժշկական էպիկրիզը բավարար հիմք է մինչև դատավարությունը կասկածյալին ազատ արձակելու` պիտի դատարանն ասեր:

Փոխարենը շատ արագ գործողության մեջ մտավ դատախազությունը` արդեն հաջորդ օրը հայտարարելով, որ բողոքարկելու է գեներալ Մանվելի կալանքը գրավով փոխարինելու դատարանի որոշումը:

Առանձին քննության նյութ է` ու՞մ դրդումով ու ինչու՞ են փողոց դուրս եկել էջմիածինցիները և որքանո՞վ է իրավաչափ Երևան-Էջմիածին ճանապարհը փակելու քայլը: Ի՞նչ իրավունք ունեն այս կան այն որոշման դեմ բողոքող քաղաքացիները ավտոմայրուղիներ փակել` այս հարցը աստիճանաբար դառնում է խիստ արդիական: Իրավական պետության քաղաքացիները իրավունք ունեն իրենց տեսակետը հայտնել և ազատ խոսքի նրանց իրավունքը ոչ ոք չի վիճարկում, բայց ինչու՞ պիտի քաղաքացիների մի մասի իրավունքը իրացնելը լինի քաղաքացիների մեկ այլ մասի իրավունքների հաշվին:

Նախօրեին բողոքող էջմիածինցիներին ընդունելով` գլխավոր դատախազ Արթուր Դավթյանը գերազանցեց բոլոր սպասումները` բառացի հայտարարելով` «Դատարանի որոշումը չի արտահայտում հասարակության կարծիքը»: Եթե ասողը լիներ շարքային քաղաքացի` հասկանալի կլիներ, բայց պետական բարձրաստիճան պաշտոնյան, այն էլ գլխավոր դատախազը հիանալի գիտի, որ արդարադատությունը ու հասարակական կարծիքը միմյանցից կախված չեն ու իրարից չեն բխում:

Հասարակական կարծիքը խմբային անպատասխանատվություն է ի վերջո, առավելևս, որ այդ հայտարարություն անող դատախազը չի նշում հասարակական կարծիքի որևէ ուսումնասիրություն, որով պարզել է, թե հարցվածների ո՞ր տոկոսը ի՞նչ կարծիք ունի: Փաստացի` գլխավոր դատախազը` հակառակ իր բարձր պաշտոնի` տուրք է տալիս պոպուլիզմին ու ասում է այն` ինչ ուզում են լսել դատախազության առաջ բողոքի ցույց անողները, փոխարենը նրանց բացատրի իրավական ընթացակարգերը:

Եթե գործն այդքան հնչեղ էր, կես տարի ինչու՞ դատարան չհասավ: Կամ` ի՞նչ հիմքեր է տեսնում դատախազը, որ Մանվել Գրիգորյանն ազատության մեջ մնալով խոչընդոտելու է նախաքննությանը:

Իրականում Մ. Գրիգորյանին ոչ արդարացնելու, ոչ մեղադրելու ցանկություն ու իրավունք չունենալով` չեմ կարող չհարցնել` էլ ի՞նչ հետաքննություն, ի՞նչ դատարան, ի՞նչ դատավոր ու դատախազ, ավելի լա՞վ չէ բոլոր հարցերը լուծել Հանրապետության հրապարակում` բերում եք կասկածյալին, կանգնեցնում եք մշտապես գործող բեմում ու հանդիսատեսին հարցնու՞մ եք` մեղավո՞ր է: Եթե բութ մատը վեր պարզեց, ազատ եք արձակում, ներքև` բանտ եք տանում: Եվ արագ է, և հեշտ: Ի՞նչ ենք ընկել ձևականությունների հետևից, միևնույն է, ամեն ինչ վճռում է «հասարակական կարծիքը»: Դատական համակարգի «օպտիմալացումը»` արդարադատության փոխարինումը «հասարակական կարծիքով»` սպառնալիք է ոչ միայն համակարգին, այլև առաջին հերթին քաղաքացուն, որ ինքնադատաստանը ու դատարանը խառնել է իրար ու իրեն վեր է դասում պետությունից: Թե՞ պետությունը իր դերը դեռ չի գիտակցել` գլուխը խառն է` ինքն էլ է օպտիմալացվում:

ԵՄ-ն խոստացել է նույն կերպ պատասխանել, եթե ԱՄՆ-ն Ֆրանսիայի համար մաքսատուրքեր սահմանի ՈՒՂԻՂ. Խոշոր հրդեհ «Մալաթիա մոլ»-ի շենքում Անցած շաբաթ Ադրբեջանի զինուժի կողմից արձակվել է շուրջ 1500 կրակոց. Արցախի ՊՆ Մասիվցի Անդիկի սպանությանն օժանդակելու մեջ մեղադրվող անձը կալանավորվել է Ամուլսարում ուրանի եւ թորիումի առկայության մասին․ ՀԲՃ (ֆոտո) Փորձել է քաղաքացու գրպանից փող հափշտակել, բայց հենց տեղում բռնվել է. նա բերման է ենթարկվել «Չելսիի» մեկնարկային կազմը՝ «Նորվիչի» հետ խաղում (ֆոտո) ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին 35-ամյա գեղարքունիքցին թմրանյութը պահում էր տրակտորի մեջ, բայց ոստիկանները գտան 58-ամյա տղամարդը էլեկտրական զոդման սարքով աշխատելիս ընկել է բետոնե խառնիչի մեջ եւ մահացել Ամարասի դաշտում դիակ է հայտնաբերվել. նախնական տեղեկություններով նա մահացել է ցուլի հարվածից Ախալքալաքում առաջին դասարանցիների թիվը նվազել է 13 տոկոսով «Դպրոցների հարգելի տնօրեններ, 63 տարեկան մանկավարժներին աշխատանքից ազատելու որևէ մեկի հանձնարարականի մի ենթարկվեք». Բախշյան ԱՄՆ վարչակազմը որոշել է վերականգնել 2019-ի արտաքին օգնության ծրագրերի ֆինանսավորումը, այդ թվում Հայաստանի համար «Լիվերպուլ» - «Արսենալ». Բուքմեյքերների կանխատեսումը
Ամենաընթերցված
Անկախ նրանից թե ինչ որոշում կկայացնի վարչապետը, ես... Քիչ առաջ խորհրդակցություն անցկացրի «Ամուլսարի» հար... Սիրելինե՛րս, խոր շունչ քաշեք ու հանգստացեք. Մարիամ... Ամուլսարի շահագործման վերաբերյալ ԲՀԿ տեսակետը՝ նախ... Նախորդ տարվա համեմատ Սևանա լճից 51 միլիոն խմ ջուր ... Նիկոլ, դու հերթական անգամ ինքդ ես ապացուցում, որ Ս... Եթե անդառնալի թունավորեցիք Սեւանի ու Ջերմուկի ջրեր... Ամուլսարի հարցով հանդիպում կլինի կառավարությունում... «Հեղափոխությունը Հայաստանում դեռ անխուսափելի է».Մի... «Փոքր, բայց կարևոր փոփոխություն մեր ժամկետային զին... 1000 խոշոր հարկ վճարողների կողմից գեներացվել են 51... «Մարտի 1-ի գործով տեղի է ունեցել նախաքննական գաղտն... Միքայել Մինասյանը՝ BBC-ի աղմկահարույց հոդվածի մասի... Գյումրիում զինծառայողի կախված դի է հայտնաբերվել․ Ա... Անպտուղ պայքար՝ Գագիկ Ծառուկյան քաղաքական գործչի հ... Բավ է պնդեք, թե կոնվենցիայում չեք հանդիպել երրորդ ... Փաշինյանը ներկայացրել է Համահայկական 7-րդ խաղերի մ... Սոցիալական ցուցանիշները վկայում են տնտեսական «հրաշ... «Հայաստանն իմ Օջախն է, ժողովուրդն իմ ընտանիքն է». ... Նիկոլ Փաշինյանը իշխանավարում է մի համակարգով, որի ...
website by Sargssyan