Գեղեցիկ և հարուստ. Forbes-ը հրապարակել է 2018թ. ամենաբարձր վարձատրվող մոդելների ցանկը (լուսանկարներ)
LifeՀեղինակավոր Forbes հանդեսը հրապարակել է 2018թ. ամենաբարձր վարձատրվող մոդելների վարկանշային աղյուսակը, որը, ինչպես և նախորդ տարի, գլխավորել է ամերիկյան թոփ մոդել Քենդալ Ջեները:
Սևահեր գեղեցկուհին մեկ տարում վաստակել է 22.5 մլն դոլար: Քսաներեքամյա Ջեներն այս տարի համագործակցել է Burberry, Versace, Fendi, Estee Lauder, Adidas, Longchamp և Calvin Klein բրենդերի հետ:
Հատկանշական է, որ մոդելի ավագ քույրը՝ հեռուստաաստղ Քիմ Քարդաշյանը, Twitter-ում արդեն շնորհավորել է նրան:
Քենդալ Ջեներ
Վարկանիշային աղյուսակի երկրորդ հորիզոնականում է Կառլի Կլոսը՝ 13 մլն դոլար ցուցանիշով:
Լավագույն եռյակը եզրափակել է միանգամից երկու մոդել՝ Քրիսի Թեյգենն ու Ռոզի Հանթինգթոն Ուայթլին, որոնք մեկ տարում 11.5–ական միլիոն դոլար են վաստակել:
Նույն պատկերն է նաև 5-րդ հորիզոնականում, որտեղ տեղավորվել են բրիտանուհի Կառա Դելևինն ու բրազիլուհի Ժիզել Բյունդխենը՝ 10-ական միլիոն դոլար ցուցանիշով:
Մինչդեռ Ջիջի և Բելլա Հադիդ քույրերը գտնվում են 7-րդ և համապատասխանաբար 8-րդ հորիզոնականներում: Ջիջին մեկ տարում վաստակել է 9.5, իսկ Բելլան՝ 8.5 մլն դոլար:
Ութերորդ հորիզոնականում է նաև Ջոան Սմոլսը, որը ևս 8.5 մլն դոլար է վաստակել:
Տասնյակն 8 մլն դոլարով եզրափակում է Դաուտցեն Քրյոզը: