ՊՆ–ում որոշել են հրաժարվել Բանակի օրվա համերգից. միայն եկող տարի 40–45 մլն կտնտեսվի.

Վերջին շրջանում լուրեր են տարածվում, թե պաշտպանության նախարարությունը պատրաստվում է հանդես գալ մի նախաձեռնությամբ, ըստ որի՝ կվերացվի «բանակի քեֆ» հասկացողությունը: Շրջանառվող լուրերի վերաբերյալ փորձեցինք ստանալ ՊՆ պարզաբանումը: ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը «Փաստի» հետ զրույցում այս առումով նախ ընդգծեց

««Բանակի քեֆ»–ը կապ չունի պաշտպանության նախարարության հետ: Բացի այդ մարդիկ իրենց որդուն ուղարկում են ծառայելու հայրենիքին, ստանձնելու այդ կարևոր առաքելությունը: Չեմ կարծում, թե հարազատներով, ընկերներով հավաքվելն ավելորդ կամ անիմաստ միջոցառում է: Դա ընտանեկան միջոցառում է, որն այսպես, թե այնպես, կպահպանվի: Այսինքն՝ մենք այդտեղ խառնվելու որևէ իմաստ չենք տեսնում ու ավելին, կարծում ենք, որ դա շատ տրամաբանական և նորմալ է»:

Թեև, բնականաբար, նման նախաձեռնություն իրականում չկա, բայց կա մեկ ուրիշը, որի վերաբերյալ շշուկներն էլ հասարակության մեջ ձևափոխվել են «բանակի քեֆ»–ի... «Խոսքը վերաբերում է հունվարի 28–ին Հայոց բանակի օրվան նվիրված ավանդաբար կազմակերպվող համերգին: Համերգը բավականին մեծ ճոխությամբ էր արվում, մեծ միջոցառում էր կազմակերպվում: Մենք այս տարի քննարկեցինք, հասկացանք, որ երևի թե անիմաստ է ամեն տարի նման ճոխությամբ համերգ կազմակերպել, և բավականին մեծ գումարներ ծախսել այդ համերգի իրականացման վրա: Համերգի մասին կարելի է մտածել հոբել յանական տարիներին, օրինակ՝ 30–ամյակին, 40–ամյակին, իսկ մնացած տարիներին ուղղակի բավարարվել շատ ավելի համեստ պայմաններով և շատ ավելի համեստ միջոցառմամբ: Ենթադրենք՝ Բանակի օրվան նվիրված պաշտոնական ընդունելությամբ, որին կմասնակցեն տարբեր մարդիկ՝ սկսած պետական կառավարման համակարգից, մինչև ազատամարտիկներ, զինհաշմանդամներ և այլն»,–հայտնեց Գ. Ալթունյանը:

Ճշտող հարցին, թե ՊՆ նախաձեռնությո՞ւնն է սա, Գ. Ալթունյանը պատասխանեց. «Տեղեկատվության և հասարակայնության հետ կապերի վարչությունն էր միշտ իրականացնում այդ համերգը: Այս տարի նախարարի հետ քննարկեցինք և որոշեցինք, որ, երևի թե, իմաստ չունի նման ճոխությամբ համերգ կազմակերպել և գումարներ ծախսել այդ համերգի վրա: Ընդունելությունը շատ ավելի համեստ կլինի, շատ ավելի քիչ ծախս կպահանջի, բայց մթնոլորտն անմիջական կլինի և մարդիկ շատ ավելի հաճույքով կշփվեն իրար հետ, քան համերգի ընթացքում: Շատ ավելի հաճելի ժամանակ կանցկացնեն, կշնորհավորեն իրար: Մյուս կողմից էլ՝ բավականին մեծ գումարներ կկարողանանք տնտեսել, որոնք կուղղենք շատ ավելի առաջնային ծախսերի»:

Գևորգ Ալթունյանից հետաքրքրվեցինք՝ հաշվարկներ ունե՞ն, թե այդ համերգների կազմակերպման վրա տարիների կտրվածքով որքան գումար է ծախսվել:

Ի պատասխան՝ նա նշեց. «Այդպիսի հաշվարկ իմ ձեռքի տակ չկա, բայց էական գումարներ տնտեսելու մասին է խոսքը: Օրինակ՝ եկող տարի համերգ չկազմակերպելով և դրա փոխարեն ընդունելություն կազմակերպելով՝ մենք նախատեսում ենք մոտ 40– 45 միլիոն դրամ տնտեսել»:

Նա շեշտեց, որ նման համերգ կազմակերպելը միշտ էլ ծախսատար է եղել, և դա է պատճառը, որ որոշել են հրաժարվել համերգներից, և գումարները ուղղել առաջնային նպատակների:

Իսկ եղե՞լ են երգիչներ, որոնք, օրինակ, առանց որևէ գումարի են մասնակցել նախորդ համերգներին:

«Քանի որ ընդամենը երկու տարի է, ինչ զբաղվում եմ այդ համերգով, այդ իսկ պատճառով կարող եմ երկու տարվա կտրվածքով ասել: Գրեթե չենք ունեցել նման դեպք, բայց երգիչների հետ ունեցել ենք պայմանավորվածություն, որ նրանք, ի տարբերություն այլ միջոցառումների, շատ սիմվոլիկ գումարներով երգեն: Այնուամենայնիվ, վստահաբար չեմ կարող ասել, որովհետև ընկերություններն են կազմակերպում այդ համերգները, մենք հանդես ենք գալիս որպես պատվիրատու: Միգուցե եղել են դեպքեր, որ ինչ–որ երգիչներ առանց վճարի են երգել, այդ վիճակագրությունը չունեմ, բայց, ամեն դեպքում, գիտեմ մի բան, որ եղել է պայմանավորվածություն, որ բանակի հանդեպ վերաբերմունքը պետք է էապես տարբերվի այլ միջոցառումների հանդեպ վերաբերմունքից»,– ասաց Գ. Ալթունյանը՝ միաժամանակ հավելելով, որ բացի այդ հանգամանքից, ընդհանուր առմամբ, իրականում շատ մեծ ծավալի աշխատանքներ են իրականացվում այդ համերգի կազմակերպման համար: 

«Տեխնիկական սարքավորումների վարձակալությունից՝ մինչև աշխատակազմի վարձատրություն: Մեծ հաշվով՝ մեծ ծախսեր էին, որոնք պարբերաբար կատարվել էին Բանակի օրվա համերգի հետ կապված»,– եզրափակեց մեր զրուցակիցը:

Ազարը բաց կթողնի «Ռեալի» առաջիկա 2 հանդիպումները Քիչ առաջ խորհրդակցություն անցկացրի «Ամուլսարի» հարցով, մասնակցում էր նաեւ «Լիդիանի» ներկայացուցիչը. Փաշինյան «Ձյունիկ սառնարան» ՍՊԸ-ի պահեստներում բռնկված հրդեհը չի մարվում արդեն 3-րդ օրը Թրամփը եւ Մակրոնը հեռախոսային բանակցությունների ժամանակ պայմանավորվել են ՌԴ-ին G7 հրավիրել. CNN-ի լրագրող Սիրելինե՛րս, խոր շունչ քաշեք ու հանգստացեք. Մարիամ Փաշինյանն՝ ընդդիմադիրներին «Լիդիան Արմենիան» պարտավորվում է, որ հանքի տարածքից չմաքրված կոնտակտային ջրերը չի բաց թողնվի շրջակա միջավայր. ՔԿ ԱԱԾ–ն հափշտակման նոր դեպք է բացահայտել ՊՆ–ում. Ավելի քան 21 մլն դրամ է վատնվել «Պետք է մտածենք այն բանի շուրջ, թե ինչ կարող ենք միասին անել սիրո եւ համերաշխության մեջ». Սերժ Թանկյանը նշում է 52-ամյակը Այսօր Գարեգին Բ-ի ծննդյան օրն է. «Մեր աղոթքն է պայծառազարդել նրա քրիստոսաշավիղ առաքելությունը» Ամուլսարի շահագործման վերաբերյալ ԲՀԿ տեսակետը՝ նախորդ իշխանությունների օրոք ՀՅԴ-ն առաջարկում է Ամուլսարի հանքի հարցը լուծել հանրաքվեով Դատապարտում ենք Հայկ Մարտիրոսյանի և Արթուր Գրիգորյանի նկատմամբ հետապնդումների փորձերը. «Սասնա ծռեր» Նախորդ տարվա համեմատ Սևանա լճից 51 միլիոն խմ ջուր պակաս ենք բաց թողել. Նիկոլ Փաշինյան Նիկոլ, դու հերթական անգամ ինքդ ես ապացուցում, որ Սերժը ճիշտ էր, դու՝ սխալ Այսօր ահաբեկչության զոհերի հիշատակման եւ հարգանքի տուրք մատուցելու միջազգային օրն է
Ամենաընթերցված
Քիչ առաջ խորհրդակցություն անցկացրի «Ամուլսարի» հար... Սիրելինե՛րս, խոր շունչ քաշեք ու հանգստացեք. Մարիամ... Ամուլսարի շահագործման վերաբերյալ ԲՀԿ տեսակետը՝ նախ... Նախորդ տարվա համեմատ Սևանա լճից 51 միլիոն խմ ջուր ... Նիկոլ, դու հերթական անգամ ինքդ ես ապացուցում, որ Ս... Եթե անդառնալի թունավորեցիք Սեւանի ու Ջերմուկի ջրեր... Ամուլսարի հարցով հանդիպում կլինի կառավարությունում... «Հեղափոխությունը Հայաստանում դեռ անխուսափելի է».Մի... «Փոքր, բայց կարևոր փոփոխություն մեր ժամկետային զին... 1000 խոշոր հարկ վճարողների կողմից գեներացվել են 51... «Մարտի 1-ի գործով տեղի է ունեցել նախաքննական գաղտն... Միքայել Մինասյանը՝ BBC-ի աղմկահարույց հոդվածի մասի... Գյումրիում զինծառայողի կախված դի է հայտնաբերվել․ Ա... Անպտուղ պայքար՝ Գագիկ Ծառուկյան քաղաքական գործչի հ... Բավ է պնդեք, թե կոնվենցիայում չեք հանդիպել երրորդ ... Փաշինյանը ներկայացրել է Համահայկական 7-րդ խաղերի մ... Սոցիալական ցուցանիշները վկայում են տնտեսական «հրաշ... «Հայաստանն իմ Օջախն է, ժողովուրդն իմ ընտանիքն է». ... Նիկոլ Փաշինյանը իշխանավարում է մի համակարգով, որի ... Փաշինյանն արցախցիներին թող ասի՝ ինչպե՞ս մարդասպանի...
website by Sargssyan