Քաղաքական պատասխանատվության ուրվականը.ինչո՞ւ է նեղսրտած ՀՀԿ քաղաքական թևը.

Հանրապետական կուսակցության ներկայացուցիչները վերջին շրջանում հաճախ են կրկնում այն միտքը, թե իրենց շարքերը լքածները այժմ հայտնվել են իշխող ուժի կողքը: Ավելին՝ նրանք նշում են, որ հենց այդ մարդկանց պատճառով էր ՀՀԿ–ն ժամանակին քննադատվում՝ ակնարկելով, որ այժմ իրենց քննադատելու որևէ առիթ չկա, այդ առիթները պետք է փնտրել իշխանության շարքերում:

 

Այն, որ ՀՀԿ շարքերը լքած կամ ժամանակին ՀՀԿ–ին ծառայություն մատուցած որոշ շրջանակներ կարող են հայտնվել իշխանության կողքին կամ առնվազն անեն այդպիսի փորձեր, ոչ միայն ենթադրելի էր, այլև ակներև է այս քարոզարշավի ընթացքում: Սակայն, եթե նույնիսկ ողջ օլիգարխիկ շերտը, որ ժամանակին մաս է կազմել ՀՀԿ–ին, այժմ հայտնվի իշխանության կողքին, դա որևէ կերպ չի նշանակում, թե ՀՀԿ–ն դադարում է լինել քննադատելի:

Խնդիրը քաղաքական պատասխանատվության դաշտում է: Քաղաքական ուժի գործունեության համար նախ պատասխանատու են այդ ուժի քաղաքական դեմքերը, քաղաքական ուղեգիծը որոշող դեմքերը, հետո նոր այդ գծին սպասարկողները, որոնք կարող են այս կամ այն հանգամանքներից ելնելով փոխել իրենց ճամբարը: Հետևաբար, անկախ նրանից, թե ՀՀԿ–ում հիմա ովքեր են մնացել ու ովքեր են գնացել, ՀՀԿ քաղաքական թևը շարունակում է պատասխանատվություն կրել իրենց կուսակցության հանդեպ եղած քննադատությունների համար, անկախ այդ քննադատությունների թիրախում եղած մարդկանց դիրքավորումից:

Հենց քաղաքական թևի թույլտվությամբ կամ նույնիսկ խրախուսմամբ է, որ այդպիսի մարդիկ հայտնվել են ՀՀԿ կողքին, ծառայություններ են մատուցել ՀՀԿ–ին: Ավելին, հենց այդ մարդկանց շնորհիվ է, որ ՀՀԿ–ի քաղաքական թևում դիրքավորվողներից շատերը հայտնվել են խորհրդարանում, ռեյտինգային ընտրակարգի ողջ իմաստն այդ էր: Ասել է թե, քաղաքական թևն է, որ որոշել է օգտագործել իրենց ծառայություն մատուցող մեծ ու փոքր կալիբրի սուբյեկտների ռեսուրսը, հետևաբար հենց ինքն է կրում այդ ռեսուրսի հանդեպ հանրային դժգոհության ողջ պատասխանատվությունը:

Ընդ որում, խնդիրը չի սահմանափակվում միայն ՀՀԿ–ով: Այն, որ նման ծառայություններ մատուցողները հայտնվել են հիմա էլ այլ ճամբարում, ոչ թե այդ մարդկանց խնդիրն է, այլ նրանց իրենց քաղաքական նպատակահարմարության համար օգտագործողների, քաղաքական որոշումներ կայացնողների: Ի վերջո, խնդիրը ոչ թե կոնկրետ վերաբերում է այս կամ այն կուսակցությանը, այլ ընդհանրապես կուսակցական համակարգի էությանն ու քաղաքական պատասխանատվությանը:

Նախկինում էլ էր քաղաքական թևը՝ օգտվելով հանդերձ օլիգարխիկ ու օդիոզ շերտի ծառայություններից, նրանց սկանդալային հայտարարությունները ու քայլերը փորձում մեկնաբանել քաղաքական խոսքի պատասխանատվության դաշտից դուրս: Նույնը տեղի է ունենում հիմա, երբ օրինակ Սասուն Միքայելյանի հայտնի ձևակերպման հետ կապված հնչում են արդարացումներ, որոնց հիմքում Միքայելյանի ազատամարտիկ լինելն է: Ազատամարտիկ լինելու հանգամանքը, ըստ ամենայնի, արդարացնողների կարծիքով, թույլ է տալիս շրջանցել քաղաքական պատասխանատվության խնդիրը:

Հայաստանյան կուսակցությունները խնդիր ունեն կուսակցական ֆիլտրերի կայացման: Այլապես այս արատավոր ցիկլը դատապարտված է անընդհատ կրկնվել, երբ ամեն պահի իշխանությունը կարող է վայելել որոշակի շերտերի աջակցություն, իսկ իշխանություն կորցնելուց հետո զարմանալ, որ այդ շերտը անհետացավ կամ հայտնվեց հակառակ ճամբարում: Քաղաքական պատասխանատվության խնդիր ունի ոչ թե այդ շերտը, որն ի սկզբանե լուծում է պարզապես կենցաղային կամ անձնական բարեկեցության խնդիրներ, այլ այն քաղաքական ուժերը, որոնք պահի նպատակահարմարությունից ելնելով օգտվում են դրանց ծառայությունից, իսկ հետո էլ նեղսրտում, որ իրենց դավաճանել են կամ իրենց քննադատում էին մարդկանց համար, որոնք հիմա այլ ճամբարում են: 

ԵՄ-ն խոստացել է նույն կերպ պատասխանել, եթե ԱՄՆ-ն Ֆրանսիայի համար մաքսատուրքեր սահմանի ՈՒՂԻՂ. Խոշոր հրդեհ «Մալաթիա մոլ»-ի շենքում Անցած շաբաթ Ադրբեջանի զինուժի կողմից արձակվել է շուրջ 1500 կրակոց. Արցախի ՊՆ Մասիվցի Անդիկի սպանությանն օժանդակելու մեջ մեղադրվող անձը կալանավորվել է Ամուլսարում ուրանի եւ թորիումի առկայության մասին․ ՀԲՃ (ֆոտո) Փորձել է քաղաքացու գրպանից փող հափշտակել, բայց հենց տեղում բռնվել է. նա բերման է ենթարկվել «Չելսիի» մեկնարկային կազմը՝ «Նորվիչի» հետ խաղում (ֆոտո) ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին 35-ամյա գեղարքունիքցին թմրանյութը պահում էր տրակտորի մեջ, բայց ոստիկանները գտան 58-ամյա տղամարդը էլեկտրական զոդման սարքով աշխատելիս ընկել է բետոնե խառնիչի մեջ եւ մահացել Ամարասի դաշտում դիակ է հայտնաբերվել. նախնական տեղեկություններով նա մահացել է ցուլի հարվածից Ախալքալաքում առաջին դասարանցիների թիվը նվազել է 13 տոկոսով «Դպրոցների հարգելի տնօրեններ, 63 տարեկան մանկավարժներին աշխատանքից ազատելու որևէ մեկի հանձնարարականի մի ենթարկվեք». Բախշյան ԱՄՆ վարչակազմը որոշել է վերականգնել 2019-ի արտաքին օգնության ծրագրերի ֆինանսավորումը, այդ թվում Հայաստանի համար «Լիվերպուլ» - «Արսենալ». Բուքմեյքերների կանխատեսումը
Ամենաընթերցված
Անկախ նրանից թե ինչ որոշում կկայացնի վարչապետը, ես... Քիչ առաջ խորհրդակցություն անցկացրի «Ամուլսարի» հար... Սիրելինե՛րս, խոր շունչ քաշեք ու հանգստացեք. Մարիամ... Ամուլսարի շահագործման վերաբերյալ ԲՀԿ տեսակետը՝ նախ... Նախորդ տարվա համեմատ Սևանա լճից 51 միլիոն խմ ջուր ... Նիկոլ, դու հերթական անգամ ինքդ ես ապացուցում, որ Ս... Եթե անդառնալի թունավորեցիք Սեւանի ու Ջերմուկի ջրեր... Ամուլսարի հարցով հանդիպում կլինի կառավարությունում... «Հեղափոխությունը Հայաստանում դեռ անխուսափելի է».Մի... «Փոքր, բայց կարևոր փոփոխություն մեր ժամկետային զին... 1000 խոշոր հարկ վճարողների կողմից գեներացվել են 51... «Մարտի 1-ի գործով տեղի է ունեցել նախաքննական գաղտն... Միքայել Մինասյանը՝ BBC-ի աղմկահարույց հոդվածի մասի... Գյումրիում զինծառայողի կախված դի է հայտնաբերվել․ Ա... Անպտուղ պայքար՝ Գագիկ Ծառուկյան քաղաքական գործչի հ... Բավ է պնդեք, թե կոնվենցիայում չեք հանդիպել երրորդ ... Փաշինյանը ներկայացրել է Համահայկական 7-րդ խաղերի մ... Սոցիալական ցուցանիշները վկայում են տնտեսական «հրաշ... «Հայաստանն իմ Օջախն է, ժողովուրդն իմ ընտանիքն է». ... Նիկոլ Փաշինյանը իշխանավարում է մի համակարգով, որի ...
website by Sargssyan