«Ո՞վ կգա մի երկիր, որտեղ սնունդն ու շրջակա միջավայրը թունավորված են».

Բնապահպան, «Հանուն կայուն մարդկային զարգացման» ասոցիացիայի նախագահ Կարինե Դանիելյանի դիտարկմամբ, դժվար է ասել, թե այս կարճ ժամանակահատվածում բնապահպանական առումով ինչքան բան կարող է փոխված լինել, բայց որ կառավարության առաջնահերթությունների ծրագրից հանվել է հանքարդյունաբերության ոլորտը, դա արդեն իսկ հուսադրող երևույթ է: 

«Նախորդ իշխանությունների օրոք հայտարարվում էր, որ մեր երկրում առաջնահերթ պետք է զարգանան հանքարդյունաբերությունը, տուրիզմը և մաքուր գյուղատնտեսությունը: Բայց թե այս փոքր երկրում ինչպե՞ս կարող են այդ երեք իրարամերժ ոլորտները միասին զարգանալ, երբ հանքարդյունաբերությունը հիմքից կտրում է գյուղատնտեսությունը, առավել ևս՝ մաքուր գյուղատնտեսությունը զարգացնելու հեռանկարը: Նույնը տուրիզմին է վերաբերում: Ո՞վ կգնա մի երկիր, որտեղ սնունդը և շրջակա միջավայրը թունավորված են»,– ասաց Կ. Դանիելյանը: 

Կառավարությունն այսօրվա դրությամբ դադարեցրել է նաև մետաղային հանքերի շահագործման լիցենզիաների տրամադրումը: Խոսելով հանքերի շահագործման, ինչպես նաև վերականգնվող էներգետիկ կայանների կառուցման լիցենզիաների մասին՝ բնապահպանը նշեց, որ լիցենզիաները շատ մեղմ են, իսկ էկոլոգիական սահմանափակումները՝ շատ քիչ:

«Աշխարհում ընդունված չէ որտեղ պատահի մետաղական բաց հանքեր շահագործել կամ փոքր գետակի վրա 10–15 ՀԷԿ կառուցել: Փաստորեն, գետը ջրագծի են վերածել և էկոլոգիական վնաս հասցնելուց բացի, նաև երկրին են սոցիալական վնաս հասցնում: Մի կողմից ՀԷԿ–երի հարևանությամբ գտնվող բնակավայրերը զրկվել են իրենց հողատարածքները ոռոգելու հնարավորությունից, մյուս կողմից տնտեսվարողներն են խախտում արդեն նշածս մեղմ լիցենզիաների կետերը, որպեսզի գերշահույթ ստանան: Այս ամենի մեղավորը վերահսկողության ոչ նորմալ իրականացումն է եղել: Եվ արդյունքում մենք ունենք բազմաթիվ խնդիրներ, որոնք մեղմելու համար երկար տարիներ և շատ գումար է անհրաժեշտ»,– ասաց Կ. Դանիելյանը:

Բնապահպանի դիտարկմամբ, ի սկզբանե այնպիսի օրենսդրություն է մշակվել, որ հնարավոր լինի հանքը շահագործել, հարստանալ և հեռանալ: Հիմա հարկավոր է բավականին լուրջ փոփոխություններ իրականացնել, բայց թե որտեղից պետք է այն սկսել ու ինչպես պետք է առաջ շարժվել, այս պահին դեռևս դժվար է պատկերացնել: Հարցին, թե նախորդ իշխանությունների սխալ կառավարման պատճառով թույլ տրված սխալները շտկելու համար ինչո՞ւ պետք է իշխանությունները նոր վարկեր վերցնեն և քաղաքացիներին կրկին պարտքի մեջ գցեն, Կ. Դանիելյանը պատասխանեց.

«Հանքերից բացի մենք 23 թունավոր պոչամբար ունենք, որոնցից ոչ մեկը որևէ ստանդարտի չի համապատասխանում: Այսօրինակ խնդիրները լուծելու համար բավականին գումար, եռանդ և ժամանակ է հարկավոր: Բայց այս պահին ամենահրատապ խնդիրն այդ մոտեցումը դադարեցնելն ու այն այլևս չշարունակելն է»:

Խոսելով մայրաքաղաքի տարածքում և շրջակայքում շահագործվող հանքերի մասին՝ նա նշեց, որ դրանց թիվն արդեն հասել է 29–ի: Ուսումնասիրություններ կան, որ մայրաքաղաքի փոշին ծանր մետաղներ է պարունակում: Կարճ ասած՝ բնապահպանական խնդիրներն այնքան տարբեր են ու փոխկապակցված, որ կարծես թե բոլորս միասին հայտնվել ենք թակարդում: Ու թեև բնապահպանը հույս ունի, որ այնուամենայնիվ կհաջողվի դուրս գալ նման տխրագույն իրավիճակից, սակայն մինչև փորձագիտական հանրության և իշխանությունների միջև կապը հստակ չգործի, երկիրն այս քաոսային փոսից հանելը բավականին բարդ կլինի: 

«Ինձ զարմացնում է, որ, օրինակ, առողջապահության նախարարությունն ինչպես աշխատել է խորհրդային տարիներին, այդպես էլ շարունակում է աշխատել: Շարունակում են ժխտել շրջակա միջավայրի ազդեցությունը մարդկանց առողջության վրա: Եթե խորհրդային տարիներին Մոսկվայից հրահանգ էին ստանում, որ ամեն ինչ ծածկադմփոց անեն, ապա հիմա՞ ինչու են այդ քաղաքականությունը շարունակում: Առողջապահության նախարարության մասնագետները շարունակում են հայտարարել, որ իրենք մարդկանց առողջության վրա օդում առկա ծանր մետաղների ազդեցության որևէ հիմնավորում չունեն: Բայց ուսումնասիրությունները ցույց են տվել, որ մեր տարածքի օդային զանգվածում ծանր մետաղների քանակը շատ բարձր է, իսկ մարդկանց առողջությանը վերաբերող տվյալները վատագույնն են տարածաշրջանում: Ստացվում է, որ ողջ աշխարհում գիտեն այդ կապի մասին, իսկ մեր մասնագետներն այդ կապի մասին ոչինչ չգիտեն: Ուսումնասիրությունները ցույց են տվել նաև, որ երեխաների արյան և մազերի մեջ ծանր մետաղներ կան: Եվ այս պայմաններում ինձ համար հասկանալի չէ, թե առողջապահության ոլորտի մասնագետներն ինչպես կարող են հերքել դրանց ազդեցությունը մարդկանց առողջության վրա: Ամփոփելով նշեմ, որ բնապահպանությանը հասցված յուրաքանչյուր հարված իր ազդեցությունն է ունենում մարդու վրա, և մեր իշխանությունները վերջապես պետք է հարցերին այս տեսանկյունից մոտենան»,– ասաց Կ. Դանիելյանը:

 
Ինչ պաշտոններ է այժմ զբաղեցնում Հայաստանի նախկին վարչապետ Կարեն Կարապետյանը Եթե Քոչարյանը հայտնվի ազատության մեջ՝ լրատվամիջոցները հնարավորություն կունենան նրա հետ շփվելու. Վիկտոր Սողոմոնյան Հետո չասես, որ չեմ զգուշացրել․ Աշոտյանը՝ Փաշինյանին 20 մլն դրամի վատնում մանկապատանեկան մարզադպրոցում Կյանքից հեռացել է ըմբշամարտի աշխարհի կրկնակի չեմպիոն Բենուր Փաշայանը Մի հատ սամալյոտ են գտել, մի հատ տանկ, մի քանի հատ էլ Bentley ու BMW. Ռուբեն Հայրապետյան (Տեսանյութ) «Սկզբում մտածեցի, որ երեխան չի դիմանա թռիչքին, բայց ...». Սիլվա Հակոբյանը Կրեմլի դահլիճում հանդես է եկել դստեր` Միլայի հետ Հատուկ ջոկատայինները խուզարկություն են իրականացնում Ռուբեն Հայրապետյանի առանձնատանը (ուղիղ) ՊՎԾ-ն ամփոփել է մետրոպոլիտենում ուսումնասիրության արդյունքները․ չարաշահումների ծավալը կազմել է 1.2 մլրդ. դրամ ԱԱԾ-ն բացահայտել է կեղծ դեղերի պատրաստման եւ իրացման դեպք ՀՀ Ազգային ժողովը դեկտեմբերի 19-ին, ժամը 11։00-ին արտահերթ նիստ կգումարի «Գ.Ծառուկյան» հիմնադրամն Արմավիրի մարզում անցկացրել է հերթական սոցիալական ծրագիրը Բացահայտվել է Նոր Խարբերդ համայնքում կատարված առանձնապես խոշոր չափերով գողության դեպքը. ՔԿ ԱԺ-ն արտահերթ նիստը շարունակվում է (ուղիղ) Ներողություն եմ խնդրում Նար-Դոսից իր հրաշալի պատմվածքը Թումանյանին վերագրելու համար. Փաշինյան
Ամենաընթերցված
Հետո չասես, որ չեմ զգուշացրել․ Աշոտյանը՝ Փաշինյանի... Ներողություն եմ խնդրում Նար-Դոսից իր հրաշալի պատմվ... Նիկոլ Փաշինյանի ամանորյա ուղերձը հեռարձակվելու է Հ... Այդ գումարով քանի՞ տնակի հարց կլուծվեր․ Թեհմինա Վա... «Հանրային շահ» հասարակական կազմակերպության հայտարա... «Մեզ հետ սպառնալիքների լեզվով խոսելը ձեզ համար ավե... Դեսպանատունը հաստատել է՝ ԱՄԷ-ի նախագահի որդին Հայա... Այսուհետ զինվորին նվաստացնողը և ինքնասպանության դր... Հայաստանցիները մասսայաբար հրաժարվում են Հայաստանի ... Հայկ Մարությանը հրապարակել է փաստաթղթերի պատճեններ... Ես ճիշտ էի, Նիկոլը սխալվեց. Արմեն Աշոտյան «Չգիտեմ, թե հերթական սուտը գրելիս՝ ինչի՞ վրա է իր ... Սիրուշոյի նոր ուշագրավ նախաձեռնությունը. «Ամերիկայ... «Շշմելու» ցուցադրություն` ամենասիրուն մոդելներով․ ... Ավտովթարների աճը կանխարգելող օրինագծի ընդունումն ա... Այսօր շատերը մեզ մեղադրում են իշխանությունը Փաշինյ... Կտրուկ տաքացում ունենք. Սուրենյան Աննա Դանիբեկյանի հեռանալու հրամայականը. Արփինե Հով... Դատարանն արձանագրել է Արսեն Բաբայանի իրավունքների ... «Նիկոլի միֆերը ջարդվում են». Էդուարդ Շարմազանով
website by Sargssyan