Արթուր Գևորգյանի հետագա գործունեությունը, խնդիրներ է ստեղծում բռնցքամարտի զարգացման և առաջընթացի համար
BlogԼիլիթ Ստեփանյանը ֆեյսբուքյան իր էջում գրում է.
Սեփական անհաջողությունների համար ուրիշներին մեղադրելը թուլության նշան է, ուրիշ ոչինչ ինչին հաճախ դիմում է ՀԲՖ տխրահռչակ նախագահ Արթուր Գևորգյանը : Հայտնի է որ հայկական բռնցքամարտը ծանր օրեր է ապրում և կանգնած է բազում խնդիրներ առաջ, ինչը ունի մեկ պատճառ որի անունն է Արթուր Գևորգյան: Բռնցքամարտի շուրջ իրավիճակը կտրուկ լարվեց, երբ ֆեդերացիայի նախագահի ընտրությունները անցան կոպիտ խախտումներով, որին մասնակցում էին Արթուր Գևորգյանի մերձավորները և նա միաձայն ընտրվեց ՀԲՖ նախագահ: Իհարկե սա պետք է բերեր մեծ դժգոհության, իսկ հաշվի առնելով որ բռնցքամարտի ոլորտում ձեռքբերումները տեսանելի չեն այդ դժգոհությունը պետք է կրկնապատկվեր: Անարդարությունից դժգոհ բազմաթիվ բռնցքամարտիկներ, մարզինչներ հանդես են եկել նոր ֆեդերացիա ստեղծելու նախաձեռնությամբ, ինչը Արթուր Գևորգյանի մոտ խորը տարակուսանք է առաջացրել և նա տարբեր լրատվականների հարցերին պատասխանելիս իր անհաջողությունները փորձում է կապել ՀԱՕԿ նախագահի հետ:Նա նույնիսկ հայտարարել է որ ՀԱՕԿ-ի վատ կառավարման պատճառով հայ մարզիկները ունենում են ֆինանսական խնդիրներ: Թե ինչ վիճակում է ընդհանրապես սպորտը Հայաստանում և ով է հայկական սպորտի գլխավոր աջակիցը հայտնի է բոլորին: Բազմաթիվ երկրների մարզիկները մեծ նախանձով են հետևում թե ինչպիսի պայմաններ են ստեղծված սպորտի զարգացման համար և սեփական սխալները, գործին չտիրապետելը պետք չէ կապել այլ անձանց հետ: Բազմաթիվ բռնցքամարտիկներ պարզապես հրաժարվում են մասնակցել տարբեր մրցաշարերի այդ կերպ ի ցույց դնելով իրենց անհմաձայնությունը: Արթուր Գևորգյանի հետագա գործունեությունը, խնդիրներ է ստեղծում բռնցքամարտի զարգացման, նրա հեղինակության և առաջընթացի համար, ուստի ստեղծված իրավիճակը արագորեն կարգավորելու համար, նա պետք է հնարավորինս արագ հեռանա ՀԲՖ նախագահի պաշտոնից: