Ստոկհոլմում հարյուրավոր երկրպագուներ դուրս են եկել փողոց՝ դիջեյ Ավիչիի հիշատակին հարգանքի տուրք մատուցելու (լուսանկարներ)
ՄիջազգայինՀամաշխարհային ճանաչում ունեցող դիջեյ Ավիչիի հարյուրավոր երկրպագուներ, ընտանիքի անդամներն ու ընկերները նոյեմբերի 17-ի երեկոյան դուրս են եկել Ստոկհոլմի փողոցներ՝ հարգանքի տուրք մատուցելու ապրիլին կյանքից հեռացած երաժշտի հիշատակին:
Ինչպես նշում է Daily Mail-ը, նրանք հավաքվել են Ստոկհոլմի եկեղեցիներից մեկում, որտեղ երաժշտի մտերիմները խոսել են նրա կյանքի ու թողած ժառանգության մասին:
Հիշեցնենք, որ դիջեյ Ավիչիին (Թիմ Բերգլինգ) մահացած էին հայտնաբերել ապրիլի 20-ին՝ Օմանում: Նա հոգեկան լուրջ խնդիրներ է ունեցել, ինչպես նաև մշտապես պայքարել է ընկճախտի, սթրեսի ու ալկոհոլից ունեցած կախվածության դեմ:
Նշվում է, որ 28-ամյա աստղը եղել է աշխարհի ամենահայտնի ու հարուստ դիջեյներից: