Կալիֆոռնիայում բռնկված «ամենաավերիչ» անտառային հրդեհի զոհերի թիվը հասել է 9-ի, Սպիտակ տունն արտակարգ դրություն է հայտարարել (լուսանկարներ, տեսանյութ)
ՄիջազգայինՄիացյալ Նահանգների նախագահ Դոնալդ Թրամփը Կալիֆոռնիա նահանգում արտակարգ դրության ռեժիմ է հայտարարել արագորեն տարածվող անտառային հրդեհների հետևանքով, հայտնում է Daily Mail-ը՝ Սպիտակ տանը հղումով:
ԱՄՆ նախագահը կարգադրել է դաշնային օգնություն տրամադրել տեղի իշխանություններին:
Վերջին տվյալների համաձայն՝ հրդեհների հետևանքով զոհվել է առնվազն 9 մարդ: Մասնավորապես՝ հրդեհի գոտում «թակարդված» մեքենայում գտել են 5 մարդու մարմին:
Ավելի վաղ իշխանությունները հայտարարել էին ամենից շատ տուժած Փարադայս քաղաքից բնակչության ամբողջական տարհանման մասին, որտեղ ապրում է 27.000 մարդ:
San Francisco Chronicle-ն էլ գրում է, որ Կալիֆոռնիայի հյուսիսում ավելի քան 36.000 հա ընդգրկած և մոտ 7.000 կառույց ավերած անդառային հրդեհը նահանգի պատմության մեջ ամենաավերիչն է դարձել: