Ժամանակն է Հայաստանը ագրարային պետությունից վերածել աշխարհի տնտեսապես զարգացած պետություններից մեկը
ՄամուլՍելինա Սահակյան ֆեյսբուքյան իր էջում գրում է.
Պետության հզորության գրավականը որոշվում է երեք չափորոշիչներով՝ քաղաքական, ռազմական և տնտեսական: Քաղաքական և ռազմական առումով, գոնե այս պահի դրությամբ, կա սաբիլ կայուն վիճակ, իսկ այ տնտեսական բլոկում կայունություն և զարգացում ապահովելու համար, հարկավոր են կոնկրետ քայլեր:
Ուստի ի՞նչ է անհրաժեշտ ձեռնարկել: Պարզ է` զարգացնել տնտեսությունը: Իսկ ո՞վ է զարգացնում Հայաստանում տնտեսությունը: Միանշանակ այս հարցի պատասխան է՝ Գագիկ Ծառուկյանը: Եթե ոչ նա, ապա էլ ով է Հայաստանում այդքան՝ տնտեսական ոլորտին առնչվող, նախաձեռնություններով հանդես գալիս: Գիտե՞ք, կարելի է ասել, որ, եթե Գագիկ Ծառուկյանի տնտեսական նախաձեռնությունները չլինեին, ապա Հայաստանի տնտեսական վիճակն աղետալի կլիներ:
Առաջին անգամ Հայաստանում Գագիկ Ծառուկյանի նախաձեռնությամբ, հոկտեմբերի 26-28 կանցկացվի "Ներդրումներ և առևտուր" միջազգային կլոր սեղան-համաժողովը։ Համաժողավին մասնակցելու համար Հայաստան են ժամանել աշխարհի 20 երկրների պատվիրակություններ։ Եռօրյա այցի ընթացքում պատվիրակներն այցելելու են Հայաստանյան տարբեր ձեռնարկություններ, ծանոթանալու և գնահատելու են Հայաստան ներդրումներ կատարելու իրավական և տնտեսական առանձնահատկություններին։
Իհարկե ինչպես յուրաքանչյուր պետություն, այնպես էլ Հայաստանը ունի իր տնտեսական զարգացման առանձնահատկությունները: Ու պետք է նշել, որ եթե առաջ երկրում տիրում էր տնտեսական մենաշնորհ, ապա այժմ այդ մենաշնորհը վերացված է, ինչ էլ ավելի կշահագրգռի ներդրողներին իրենց ներդրումները կատարել Հայաստանում: Իսկ այդ ներդրումների երաշխավոր հանդես կգա Գագիկ Ծառուկյանը, ում ներդրողները հավատում են ու վստահում:
Եկել է ժամանակը տնտեսական հեղափոխություն իրականացնելու: Եկել է ժամանակը Հայաստանը ագրարային պետությունից վերածելու աշխարհի տնտեսապես զարգացած պետություններից մեկը: Ու այս բարդ գործում իր ուրույն ավանդը կունենա Գագիկ Ծառուկյանը