Գագիկ Ծառուկյանը ազդարարեց երկրի «Տնտեսական հեղափոխության» մեկնարկը
BlogԱլվինա Կիրակոսյանը ֆեյսբուքյան իր էջում գրում է.
Հայաստանի տնտեսական վիճակը այժմ առավել քան ունի զարգացման կարիք: Երկիրը ճգնաժամային իրավիճակակից դուրս բերելու համար շատ կարևոր է ցանկացած աջակցություն և օգնություն: Եվ ահա այս ամենը հաշվի առնելով հոկտեմբեր 26-ից 28-ը ընկած ժամանակահատվածում, «Մուլտի Գրուպ» կոնցեռնի հիմնադիր Գագիկ Ծառուկյանի հրավելով Հայաստան են ժամանել աշխարհի ավելի քան 20 երկրի բիզնես ոլորտի հզորագույն ներկայացուցիչներ, առևտրի և արդյունաբերական պալատի նախագահներ և նախարարներ, խոշոր և աշխարհում մեծ ճանաչում ունեցող ընկերությունների ղեկավարներ, ինչպես նաև այդ երկրների խորհրդարանների պատգամավորներ:
Եվ արդեն երեկ մեկնարկեց երկրի առաջին դեմքի մակարդակով համաժողով, որը կրում է «Ներդրումներ և առևտուր» խորագիրը: Սրանից հասկանալի է դառնում, թե ինչ նպատակով է իրականացվում այս համաժողովը և ինչ նպատակ է հետապնդում: Նման բարձր մակարդակի հանդիպում և քննարկում Հայաստանում առաջին անգամ է կազմակերպում և դրա պատասխանատվությունը ստանձնեց Գագիկ Ծառուկյանը, ով ունի մեծ համբավ և վստահություն՝ այդ երկրների պաշտոնատար անձանց մոտ:
Նոր Հայաստանում նախադեպը չունեցող այս համաժողովը կունենա բավականին դրական արդյունք, քանի որ այլևս չկա թալանող և «Փայ մտնող» այն կեղտոտ կլանը, որը մտածում և անում է ամեն ինչ իր շահերից ելնելով: Երկրում կան միայն տնտեսական հեղափոխության կողմնակից մարդիկ և պաշտոնյաններ, որոնց վստահում են օտարերկրացիները: Եվ նրանք առանց որևէ խաչընդոտի ցանկություն են հայտնել ներդրումներ կատարել հենց մեր երկրում: Սա վկայում է, որ Գագիկ Ծառուկյանը միջազգային հարաբերություններում ունի մեծ վստահություն և կատարում է խոշորամասշտաբ ներդրումներ՝ տարբեր ոլորտներում: Եվ այսօր մեր երկրում ներդրումների համար ստեղծված են դրական պայմաններ, քանի որ Նոր Հայաստանում հաստատվել է նոր խաղի կանոններ՝ օրենքի առաջ բոլորը հավասար են: Սա էլ վկայում է, որ բոլոր ներդրողները կարող են ազատորեն իրացնել իրենց գործարար տաղանդները և նպաստել մեր երկրի տնտեսական վերելքին: