Փոքրիկ սենյակից, մինչև մեծ եկեղեցի կամ Ծառուկյանի ավանդը՝ Նոր Հաճնի զարգացման գործում
BlogԼենա Ավետիսյանը ֆեյսբուքյան իր էջում գրում է.
Նոր Հաճնը հիմնադրվել է 1958 թվականին և այս տարի նշվում է քաղաքի հիմնադրման 60-րդ տարին։
Այս քաղաքի բնակիչները, դրա ստեղծման պահից սկսած, շատ դժվարություններ են տեսել, ապրել են փայտե տնակների մեջ, առանց կենցաղային որևէ պայմանի, սակայն չեն ընկրկել, ու հիմա Նոր Հաճնը դարձել է ամենաօրինակելի քաղաքներից մեկը։
Այս փոքրիկ քաղաքն ունի մշակույթի պալատ, արվեստի դպրոց, թանգարան, որը նվիրված է 1920 թվականի հերոսամարտերին։
Նոր Հաճնի մշակույթի պալատը կառուցվել է 1971 թվականին։ Չնայած, որ այն վերանորոգված չէ, այստեղ «Ալմաստ» համույթի սաներն են շենքում պարեր սովորում։ Շենքի սենյակներից մեկն էլ ծառայում էր որպես եկեղեցի։ Հաճնի հոգևոր առաջնորդ քահանա Արսեն Տեր Համբարձումյանն այստեղ էր անում կիրակնօրյա պատարագներն ու քարոզչությունը, մինչև այն պահը, երբ Գագիկ Ծառուկյանի շնորհիվ այս քաղաքում կառուցվեց Սուրբ Ամենափրկիչ եկեղեցին։ Դա 2015 թվականն էր։ Դրանից 3 տարի անց՝ 2018 թվականին, Նոր Հաճնը նշում է հիմնադրման 60-ամյակը, կազմակերպված միջոցառմանը մասնակցելու էր եկել Նոր Հաճնի պատվավոր քաղաքացի Գագիկ Ծառուկյանը։
Նոր Հաճնի քաղաքացիները նշում են, որ պարտական են Ծառուկյանին, քանի որ նա միակ մարդն է, ով ականջալուր է եղել իրենց խնդրանքին, ու կառուցել է եկեղեցի, որի կարիքը ունեին հաճնցիները։
Քաղաքի համար կարևոր տոներից մեկին՝ քաղաքի 60-ամյակին, Ծառուկյանի ներկայությունը շատ ուրախացրեց տեղի բնակիչներին։ Այս միջոցառուման ընթացքում պարգևատրվեցին բոլոր այն մարդիկ, ովքեր ավանդ են ունեցել բնակավայրի հիմնադրման ու զարգացման գործում։ Պարգևատրվեց նաև Գագիկ Ծառուկյանը՝ Նոր Հաճնի զարգացման գործում զգալի ավանդի և Սուրբ Ամենափրկիչ եկեղեցու կառուցման համար։
Սա ո՛չ առաջին, և համոզված ենք նաև, ո՛չ էլ վերջին բնակավայրն է, որը շենացել է Ծառուկյանի շնորհիվ։