Գագիկ Ծառուկյանը ջանք չի խնայում մեր երկրի ինչպես ներքին, այնպես էլ` արտաքին հարաբերությունների զարգացման համար
BlogԱրման Հարոյանը ֆեյսբուքյան իր էջում գրում է.
Այս օրերին հասարակության մեջ կարծիքներ կային, որ հայ-ռուսական հարաբերությունները լարված են։ Սակայն տեղի ունեցող մի շարք իրադարձություններ փաստեցին, որ այս կարծիքը թյուր է։ Այս իրադարձություններից մեկն էլ երեկ տեղի ունեցած «Ծառուկյան դաշինք» խմբակցության ու «Եդինայա Ռոսիա» խմբակցության պատվիրակությունների հանդիպումը։
Դեռ 10 տարի առաջ այս երկու ուժերը ստորագրել են համագործակցության հուշագիր, ու այս հանդիպումը լավ առիթ էր անցած 10 տարիների ձեռքբերումները նշելու ու ապագայի պլաններ կազմելու համար։
«Եդինայա Ռոսիա» խմբակցության ղեկավար Սերգեյ Նեվերովը Գագիկ Ծառուկյանին առաջարկեց ստեղծել աշխատանքային խումբ, որը պետք է զբաղվի կուսակցությունների միջև կապերի ամրապնդման, երիտասարդական ծրագրերի կազմակերպման և մի շարք այլ հարցերով, ԲՀԿ նախագահ Գագիկ Ծառուկյանն էլ իր հերթին նշեց, որ ամեն ինչ պատրաստ է անել երկու երկրների միջև կապերն ընդլայնելու համար։
Ռուսաստանի 450 տեղ ունեցող պետական դումայում 341-ը զբաղեցնող «Եդինայա Ռոսիա» խմբակցության ղեկավար Սերգեյ Նեվերովը՝ խոսելով ՀՀ-ու ԱԺ արտահերթ ընտրությունների մասին, նշեց, որ եթե ՀՀ քաղաքացիները ուզում են անցկացնել արտահերթ խորհրդարանական ընտրություններ, ապա դա նրանց իրավունքն է, Սերգեյ Նեվերովը վստահ է, որ ԲՀԿ-ն կստանա իր վստահության քվեն, ու «Եդինայա Ռոսիա» խմբակցությունը այս ընտրություններին կլինի ԲՀԿ-ի կողքին։
Ակնհայտ է, որ ԲՀԿ-ն ամեն ինչ անում է հայ-ռուսական հարաբերությունների կարգավորման համար, միջխորհրդարանական ու միջխմբակցային հարաբերությունները էլ ավելի սերտ են դառնում, ու համագործակցությունը այսուհետ ավելի տեսանելի արդյունքներ կտա։ «Ծառուկյան դաշինք» խմբակցության ղեկավար Գագիկ Ծառուկյանը ջանք չի խնայում մեր երկրի զարգացման ու բարգավաճման համար՝ ինչպես ներքին, այնպես էլ արտաքին հարաբերություններում։