Թուրքիայում կալանավորված ամերիկացի քահանայի գործով անցնող վկաները պնդել են, որ Բրանսոնն աշխատել է նաև իսլամացված հայերի հետ
Միջազգային
Թուրքիայում կալանավորված ամերիկացի քահանա Էնդրյու Բրանսոնի գործով երկու նոր գաղտնի վկաներ են հայտնվել, որոնք դատարանին հայտնել են, որ Բրանսոնն Իզմիրում իր միսիոներական աշխատանքի ընթացքում աշխատել է նաև ծպտյալ հայերի հետ:
Ինչպես գրում է թուրքական «Հյուրրիյեթ» պարբերականը, երկու վկաները, որոնք պնդել են, որ ներկա են գտնվել Բրանսոնի քարոզներից մեկին, նշել են, որ նրա թիրախում էին հայտնվում հիմնականում ասորիներ, «որպես քուրդ երևացող հայեր», ալևիներ ու սոցիալական վատ վիճակում գտնվող քրդեր:
Ավելի վաղ հրապարակված լուրերի համաձայն՝ հոկտեմբերի 12-ի դատական նիստի ժամանակ ակնկալվում է, որ քահանա Բրանսոնն ազատ կարձակվի: Նման սպասումների մասին լուրերը հաստատել էր նաև ԱՄՆ պետքարտուղար Մայք Պոմպեոն:
Հիշեցնենք, որ ԱՄՆ-ն Թուրքիայում ամերիկացի հոգևորականի կալանավորման շուրջ տարաձայնությունների ֆոնին նոր պատժամիջոցներ է սահմանել Անկարայի նկատմամբ:
Ահաբեկչական խմբավորմանն անդամակցության ու լրտեսության համար մեղադրվող Բրանսոնին սպառնում է 35 տարվա ազատազրկում։
1
2
3
4
5
1
4
5
1
2
3
5
