Բրիտանացի միլիոնատիրոջ դուստրը մահացել է օդանավում կերած սենդվիչի պատճառով
LifeԲրիտանացի միլիոնատիրոջ 15-ամյա դուստրը մահացել է Լոնդոն-Նիցցա չվերթի ժամանակ՝ օդանավում կերած սենդվիչի պատճառով, գրում է Daily Mail-ը՝ մանրամասնելով, որ միջադեպը տեղի է ունեցել British Airways-ի չվերթի ժամանակ:
Հայտնի է, որ Նատաշա Էդնան Լապերուսը Հիթրոու օդանավակայանի խանութներից մեկից գնել է արտիճուկով, ձիթապտղով բագետ, որն ուտելուց հետո ուշագնաց է եղել օդանավում:
Հայտնի է, որ դպրոցականն ուշադիր զննել է գնած սենդվիչը, որպեսզի դրանում ալերգեններ չլինեն, սակայն աղջիկը չի իմացել, որ հացի բաղադրության մեջ քունջութի սերմեր են եղել:
Ուտելուց հետո Նատաշայի մաշկին կարմիր կետեր են առաջացել: Դա տեսնելով՝ հայրը նրան EpiPens-ի մի քանի ներարկում է արել, սակայն ապարդյուն: Նրա սիրտը կանգ է առել, ու աղջիկը մահացել է:
Հանգուցյալի հայրը՝ Wow Toys ընկերության հիմնադիր Նադիմ Էդնան Լապերուսը, նշել է, որ ողբերգական դեպքն անպայման պետք է հետաքննվի: