Արագածոտնում մայրը ոստիկանությանը հայտնել է, որ տղայի սեռական օրգաններին դպրոցում հարվածել են
PhotoԵրեկ՝ նոյեմբերի 20-ին, արտակարգ դեպք է տեղի ունեցել Արագածոտնի մարզում: Փարպի գյուղի բնակիչ, 35-ամյա Թերազ Ավդալյանը դիմել է Ոստիկանության Աշտարակի բաժին և հայտնել, որ իր տղային ոտքով հարվածել են դպրոցում, ինչի հետևանքով երեխան սեռական օրգանների շրջանում ուժեղ ցավեր է ստացել, գրում է shamshyan.com-ը:
Ինչպես հայտնում է ֆոտոլրագրող Գագիկ Շամշյանը, Փարպի գյուղ են մեկնել Ոստիկանության Աշտարակի բաժնի օպերատիվ խումբը, որտեղ Թ. Ավդալյանը հայտնել է նաև, որ իր տղային՝ Ժ. Ս.-ին, ով սովորում է գյուղի դպրոցի 1-ին դասարանում, հարվածել է համագյուղացի, համադասարացի Ա. Ա.-ն: Փաստի առթիվ Ոստիկանության Աշտարակի բաժնի հետաքննչական բաժանմունքում նյութեր են նախապատրաստվում: