Փառատոն, որ միավորել էր Հայաստանը, Արցախն ու սփյուռքը

Բարձր տրամադրություն, պարգևներ, մաղթանքներ ու անսահման ծափահարություններ. այսպիսին էր տրամադրությունը նոյեմբերի 25–ին Հ. Պարոնյանի անվան երաժշտական կոմեդիայի պետական թատրոնում, ուր բեմից դեպի հանդիսատես ու հակառակ ուղղությամբ ներկաներն իրար էին փոխանցում այն դրական էներգիան, որը կուտակվել էր ասմունքի հանրապետական 9–րդ փառատոնի գալա համերգի ողջ ընթացքում:

Համերգին մասնակցում էին Հայաստանի բոլոր մարզերի, Արցախի և Ջավախքի 14 և 17 տարիքային խմբերում ընդգրկված մրցույթ–փառատոնի հաղթողները, ովքեր համերգի ժամանակ ներկայացրին Վահագն Դավթյանի և Գևորգ Էմինի բանաստեղծությունները:

Նշենք նաև, որ արդեն 9–րդ տարին անընդմեջ այս փառատոնն անց է կացվում Հովիկ Աբրահամյանի հովանավորությամբ, ով ներկա էր համերգին:Համերգի ավարտին նա իր խոսքում ողջունելով ներկաներին վստահեցրեց, որ վարչապետի պաշտոնից հրաժարվելն ամենևին էլ չի խոչընդոտի փառատոնի հետագա ընթացքին և նշեց, որ հաջորդ տարիներին նույնպես այն շարունակական կլինի:

«Կարևորելով պատանիների շրջանում հայ գրականության հանդեպ սեր արթնացնելու և հայ գրականության հանրահռչակման կարևորությունը, ինը տարի առաջ ծնվեց ասմունքի փառատոն կազմակերպելու գաղափարը: Վարչապետի պաշտոնից հրաժարական ներկայացնելուց հետո փառատոնի կազմակերպչական կազմի անդամներն ինձ հարցրեցին, թե ինչ է լինելու փառատոնը` շարունակվելո՞ւ է, թե՝ ոչ: Ես ասացի, որ իմ հրաժարականը որևէ կապ չունի փառատոնի հետ և ինչպես անցած ինը տարիներին անցկացվել է, այդպես էլ շարունակվելու է անցկացվել: Այսօր իմ տրամադրությունը շատ բարձր է և տեսնելով, թե ինչպես են մեր պատանիները ներկայացնում մեր անվանի հայ բանաստեղծներ Վահագն Դավթյանի և Գևորգ Էմինի ստեղծագործությունները, մեկ անգամ ևս համոզվեցի, թե որքան կարևոր էր այս փառատոնի կայացումը: Նշեմ նաև, որ ոչինչ հավերժ չէ և պաշտոնը չէ, որ պետք է գեղեցկացնի մարդուն: Ամենակարևորն այս կյանքում, ինչպես մեծն Թումանյանն է ասում, մարդ մնալն է»,– ասաց Հ. Աբրահամյանը:

Համերգի ավարտին Հովիկ Աբրահամյանի կողմից փառատոնի մասնակիցներին հանձնվեցին նաև խոշոր դրամական պարգևներ, Հ. Աբրահամյանի ստորագրությամբ շնորհակալագրեր և այլ թանկարժեք նվերներ: Հավելենք, որ անցած ինը տարիների ընթացքում փառատոնի մասնակիցների թիվը 300–ից հասել է 250 հազարի, ընդլայնելով նաև իր աշխարհագրությունը` Հայաստանի մարզերից հասնելով Արցախ և Ջավախք: Գալա համերգին պատանի ասմունքողներից բացի ելույթներով հանդես եկան նաև Սիլվա Յուզբաշյանը, Ռուբեն Մաթևոսյանը, Արսեն Գրիգորյանը, Լեյլա Սարիբեկյանը:

Արմինե Գրիգորյան

Հայկական անուններ ունեցող էջերով ապատեղեկատվություն են տարածում Հունիսին ԱՄՆ-ի բյուջեի դեֆիցիտը ռեկորդային մակարդակի է հասել ԲՀԿ նախագահ Գագիկ Ծառուկյանը հեռախոսազրույց է ունեցել Լեոնիդ Կալաշնիկովի հետ Գյումրիում դիտվել է աննախադեպ երևույթ. Գագիկ Սուրենյան ՌԴ-ում Ադրբեջանի դեսպանը հայտարարել է, որ Ռուսաստանը կարող է լուծել երկու երկրների միջև հակամարտությունը Ֆրանսիայում այսօր ազգային տոն է՝ «Բաստիլի գրավման օրը» (տեսանյութ) Աշխարհը սկսել է պայքարել կորոնավիրուսի երրորդ ալիքի դեմ ՍԱՏՄ տեսուչները մի շարք խախտումներ են հայտնաբերել Գորիսում և Սիսիանում Ադրբեջանը փորձում է խաղի նոր պայմաններ առաջադրել․ Տիգրան Աբրահամյան «Հայրենիք» կուսակցությունը միջազգային հանրությունից ակնկալում է կոշտ գնահատականներ ԿԳՄՍ նախարարը հայտնել է իրականացված մի շարք աշխատանքների մասին Այս դժվարին պահին ևս Գագիկ Ծառուկյանը կանգնած է պետության և ժողովրդի կողքին Հուլիսի 15-ից ՌԴ-ն կդադարեցնի երկիր մուտք գործողների համար պարտադիր մեկուսացումը Փառապանծ բանակ, թույլ դիվանագիտություն «Պատժիչ գործողություններ». Ինչպես են մեր զինված ուժերը ոչնչացնում ադրբեջանական հենակետերը
Ամենաընթերցված
ԲՀԿ նախագահ Գագիկ Ծառուկյանը հեռախոսազրույց է ունե... ԿԳՄՍ նախարարը հայտնել է իրականացված մի շարք աշխատա... Քիչ առաջ միջազգային կառույցներին ուղարկեցինք գնդակ... Ամրացնենք մեր սահմանները նորովի. Նիկոլ Փաշինյան Նորաթուխ սփյուռքահայությունը «Նիկոլ-արևին» հեռվից ... Ոստիկաններն օրենք են խախտում՝ դիմակ չկրելով Ռոբերտ Քոչարյանը հրապարակել է վերջին շրջանում իր ը... Ոստիկանության բրիգադն է, որը ուղևորվում է մարզեր դ... Վախենո՞ւմ էիք շեշտել Հայոց ցեղասպանության փաստը և ... Ում ասես օտարվել է, հիմա՞ էլ թափանցիկություն չակըն... Ե՞րբ եք պատրաստվում վերջ տալ այս կրկեսին․ իմքայլակ... ԿԳՄՍ նախարարը ներկայացրել է՝ ի՞նչ պետք է անեն աշակ... ՍԴ-ի նկատմամբ իշխանությունների «պյուռոսյան հաղթանա... Այսօր Նիկոլի ռեժիմը «պատերազմ» է հայտարարել ազգայի... Կեղծիքների տոնը «Հայոց Եկեղեցու պատմություն» առարկան վտանգված է․ Ա... Գտնում ենք, որ Գույքահարկի մասին օրենքի թեման պետք... Դուք ցինիկ եք ու տխմար, պարոն Թորոսյան, դուք աղետ ... ԲՀԿ նախագահ Գագիկ Ծառուկյանի հայտարարությունը Քրեական գործի հարուցման պատճառ դարձել են ոչ թե իրա...
website by Sargssyan