Մոնթեի մահը

Հունիսի 12-ին Մոնթեն ու իր մարտիկներն արթնացան լուսաբացից շատ առաջ, որպեսզի ռազմական գործողություններ իրականացնեն Աղդամի շրջանում տեղակայված ադրբեջանական հրետանու դեմ: Կեսօրին մոտ նրանք այդ գործողությունը հաջողությամբ ավարտեցին: Ճակատամարտից հետո Մոնթեն ռադիոյով տեղեկացվեց, թե իր զինվորները Մարզիլիում գրավել են մի Т-72 տանկ. ճիշտ այն բարձունքի տակ գտնվող դաշտում, որտեղից նրանք առավոտյան սկսել էին իրենց հարձակումը:

Քանի որ Մոնթեի սովորությունն էր միշտ անձամբ ստուգել գրավված զրահատեխնիկան, ուստի նա իր հավատարիմ վարորդ Կոմիտասի և չորս ուրիշ մարտիկների հետ լեռներից Jeep-ով շարժվեց դեպի Մարզիլի, որը, ինչպես կարծում էին, թշնամու զինյալները լքել էին այդ օրը, ավելի վաղ: Կեսօրից հետո՝ մոտավորապես ժամը 13.20, նրանք հասան երկու ճանապարհների հատման մի կետի գյուղի ծայրամասում: Այնտեղ նրանք տեսան մի զրահամեքենա, որ կանգնած էր մոտ 30մ հեռավորության վրա՝ իրենց գնացած ճանապարհին ուղղահայաց: Կարծելով, թե զրահամեքենայում իրենց զինվորներն են, Մոնթեի վարորդը կանգ առավ ճանապարհների հատման տեղում և ոտքով մոտեցավ:

Կոմիտասը, որ կրում էր ադրբեջանական համազգեստ, զրահամեքենայի ներսում գտնվողներին հարցրեց, թե հայե՞ր են արդյոք: Թեպետ Կոմիտասն ազատ խոսում էր ադրբեջանական թուրքերեն, նա հարցը հայերեն տվեց: Երբ հետևեց բացասական պատասխան, հայերն իրենց մեքենայից դուրս ցատկեցին ու վազեցին՝ զրահամեքենայից արձակված ավտոմատ կրակոցների տարափից խուսափելու համար:

Նրանք իրենց թեթև զենքերով պատասխան կրակ բացեցին: Կոմիտասը, Հովիկն ու Սարոն վիրավորվեցին ոտքերից, իսկ Սարիբեկը մահացու վերք ստացավ: Զրահամեքենան արձակեց առաջին արկը, բայց վրիպեց: Մոնթեն, որ վազում էր ճանապարհի երկայնքով, մի պահ կանգ առավ ու նետվեց դեպի ճամփեզրին գտնվող քարե պատը՝ նրա ետևում պատսպարվելու համար: Երբ նա մոտենում էր պատին, զրահամեքենան արձակեց երկրորդ արկը, որը դիպավ պատին ու պայթեց՝ դարձյալ վիրավորելով Սարոյին: Իսկ պարկուճի մի մեծ կտոր խրվեց Մոնթեի ճակատը՝ ճիշտ աջ աչքի վերևում: Նա ընկավ իր կողքին գտնվող ճանապարհին ու մահացավ՝ կամ անմիջապես, կամ մի քանի վայրկյանների ընթացքում՝ աչքերը կիսափակ և դեմքին խաղաղ արտահայտություն: Զրահամեքենան անհապաղ շարժվեց հատող ճանապարհով՝ փախչելու նպատակով: Հովիկը Մոնթեին առավ իր թևերի մեջ ու ռադիոյով օգնություն կանչեց: Համաձայն մեկից ավելի մարդկանց պատմածի՝ օգնական ուժերը հանդիպեցին ադրբեջանցիների զինյալ խմբին, սպանեցին թշնամու մի քանի զինվորի և գերի վերցրին առնվազն մեկին: Սակայն զրահամեքենան իր զինվորներով խույս տվեց: Այդ ընթացքում Մոնթեի մարմինն ու նրա վիրավոր ընկերները տեղափոխվեցին Մարտունի գյուղ: Այնտեղ Սարիբեկը մահացավ, նրա 5 երեխաները զրկվեցին հորից, իսկ աղքատացած ընտանիքը՝ կերակրողից:

Մոնթեի ու Սարիբեկի մահվանից մոտ մեկ ամիս անց Մարտունի քաղաքն ու շրջանը պաշտոնապես վերանվանվեցին Մոնթեաբերդ, և նրանց հուղարկավորությունից քիչ ժամանակ հետո հայկական ուժերը զգալիորեն առաջացան Աղդամի շրջանում:

Երբ Մոնթեի մահվան լուրը տարածվեց, Մոնթեաբերդի հասուն բնակչության մեծ մասը հավաքվեց՝ հարգանքի տուրք մատուցելու իրենց սիրելի Ավոյին՝ այն անձնավորությանը, ով ադրբեջանցիներին հետ է շպրտել իրենց գյուղը մինչ այդ ռմբակոծող «գրադի» հասանելիությունից այն կողմ: Շատ մոնթեաբերդցիներ պահանջում էին, որ նա թաղվի Ղարաբաղում, ոմանք նույնիսկ ուժի դիմելով, փորձեցին թույլ չտալ, որ նրա դագաղը դրվի Երևան թռչող ուղղաթիռի մեջ: Ի վերջո, սակայն, նրանք տեղի տվեցին Սեդայի ցանկությանը՝ Մոնթեին հուղարկավորելու Հայաստանի մայրաքաղաքում: Մոնթեն հուղարկավորվեց ռազմական մեծ պատիվներով՝ 1993թ. հունիսի 19-ին: Համաձայն մի հաշվարկի՝ մոտ 15.000 մարդ անցավ Սպայի տան դահլիճում դրված նրա դագաղի առջևով: Պաշտոնյաներից ներկա էին ՀՀ նախագահ Լևոն Տեր-Պետրոսյանը, Հայաստանի և ԱՊՀ-ի բարձրաստիճան զինվորականներ, երկրի բոլոր նշանակալից քաղաքական կուսակցությունների առաջնորդները: Ըստ հրապարակված տվյալների՝ 150-250.000 մարդ էր մասնակցում հուղարկավորությանը:
Մոնթեն թաղվեց Եռաբլուրում, որ նայում է Արարատյան դաշտին: Հեռվում՝ հորիզոնի վրա, հառնում է Արարատը, թուրքական սահմանից քիչ այն կողմ:

Մոնթեի գործը թերի մնաց, որովհետեւ այն սերնդին չներկայացվեց: «Ազգային հերոսները մետաղները չեն: Կան մարդիկ, որոնք հերոս կոչվելու իրավունք չունեն: Մոնթեն այն մեծ հերոսներից էր, որի առաջ հայ ժողովուրդը մեծ անելիք ունի»:

Աղբյուրը՝ BlogNews.am 

Էս հարցը լուծենք արանքից դուրս գա․ Փաշինյանը՝ 2020թ-ի բյուջեի մասին (տեսանյութ) Թալանել են Սամվել Կարապետյանի եղբոր՝ գործարար Կարեն Կարապետյանի տունը Բակո Սահակյանը Վանք գյուղում ներկա է գտնվել «Մատենադարան-Գանձասար» կենտրոնի գրադարան-ընթերցասրահի բացմանը Տնտեսավարողների խախտումները մաքսազերծման ժամանակ. ՊԵԿ-ն ուժեղացնում է հսկողությունը Ընդդիմադիր Փաշինյանի ամենադաժան թշնամին վարչապետ Փաշինյանն է. նախկին պատգամավոր (տեսանյութ) Սերժ Սարգսյանը նման բան չի ասել. Արտակ Զաքարյանը՝ հող հանձնելու մասին (տեսանյութ) Հայաստանի հավաքականի հայտացուցակը (լուսանկար) Կենսաթոշակառուների բողոքների հիման վրա «Հայփոստի» Սարի թաղի բաժանմունքի աշխատակազմը կփոխվի Ավտոմեքենան պատված է սպիտակ վարդերով. բռնցքամարտի չեմպիոն Աշոտ Բոլյանին սպանողը պրոֆեսիոնալ մարդասպան է (տեսանյութ) Այն խմբակները, որոնք ասելիք չունեն, շարունակելու են 21-րդ դարում սատանաներ փնտրել, կախարդներ հայտնաբերել․ Հայկ Գևորգյան (տեսանյութ) Եվրո-2020. օրվա խաղերը Նիկոլ Փաշինյանը նոր նշանակում է արել Նիկոլ Փաշինյանը պաշտոնից ազատել է Արսեն Նավասարդյանին ԱԺ-ն շարունակում է հերթական քառօրյա նիստը․ ՈՒՂԻՂ Հովհաննես Ազոյանը «Մել» ֆիլմի գլխավոր դերակատարն է․ Մանրամասներ
Ամենաընթերցված
Ինչ անել բռնապոպուլիզմի դեմ. սկիզբը Որպես մեծահոգի մարդ Արարատ Միրզոյանի օգնական Վահան... ԲՀԿ-ի թեկնածուն Կոռուպցիայի կանխարգելման հանձնաժող... «Իլհամ Ալիևի պես «կիրթ» նախագահին հաջողվելու է Արց... Այժմ և երբևէ չեմ պատրաստվում մեկնաբանել իմ անձի շո... Աշոտյանը ՝ Հրայր Թովմասյանի կյանքի «մութ» դրվագներ... Նաիրի Հունանյանի շուրջը սկսել են հավաքվել այսօրվա ... Եւս մեկ զորամաս այսօրվանից անցավ զինվորների կերակր... Պետք է կատարվածից դասեր քաղենք․ Էդմոն Մարուքյան «Մնացականյանի արտահայտած ցանկացած միտք պետք է ընդո... Դուք ձեզ վառում եք ընկերներ, կողքից շատ խնդալու եք... Պարոն վարչապետ, կլինի՞ Խաչատուր Սուքիասյանին և Սամ... Խորհրդարանական դիվանագիտություն՝ 0, 0, 0. Արմեն Աշ... Ներդրողների համար «մեկ պատուհանի» սկզբունքի գործար... «Սա քարտ-բլանշ է Ադրբեջանին եւ սրա մեղավորը այսօրվ... Գիշերվա այդ ժամին, անչափահաս երեխային, ամենայն հավ... Հայաստանում 18-ը լրանալուն պես բոլոր աղջիկների կու... Ձեր դեղերը խմե՞լ եք, տիկին. Հովհաննես Ազոյանը՝ վար... Ձեզ շատ հետաքրքիր կլինի իմանալ, թե ով է մեր փառապա... Արա Զոհրաբյանը պատրաստ է ստանձնել Հրայր Թովմասյանի...
website by Sargssyan