Իրանում գործողությունը կարող է ԱՄՆ-ին արժենալ 100 միլիարդ դոլար. NBC

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ-ը Իրանում գործողության իրականացման համար կարող է ծախսել 80-ից մինչև 100 միլիարդ դոլար, այսինքն՝ գրեթե երեք անգամ ավելի, քան Պենտագոնի կողմից հրապարակայնորեն հնչեցված գումարը։ Այս մասին հայտնում է NBC հեռուստաալիքը՝ հղում անելով գերատեսչության ներքին գնահատականներին ծանոթ աղբյուրներին, հաղորդում է ՏԱՍՍ-ը:

Հեռուստաալիքի տվյալներով՝ ԱՄՆ ռազմական նախարարի ֆինանսների գծով պաշտոնակատարի տեղակալ Ջուլս Հերսթը հուլիսի 14-ին Սենատում կայացած լսումների ժամանակ հայտարարել է, որ Իրանում գործողության համար ԱՄՆ ծախսերը, առանց Մերձավոր Արևելքում վնասված բազաների վերանորոգման, գնահատվում են 30 միլիարդ դոլար։ Այդ գումարի մեջ մտնում են զինամթերքի պաշարների համալրման ծախսերը։ Սակայն Հերսթը պարզաբանել է, որ նման գնահատականը տրվել է մի քանի ամիս առաջ, և ինքը ավելի նոր տվյալներ չունի։

Պենտագոնի ներքին գնահատականների համաձայն՝ հաշվի առնելով բազաների վերանորոգումը, ոչնչացված ինքնաթիռների փոխարինումը և զինամթերքի պաշարների վերականգնումը՝ մարտական գործողությունների ծախսերը կարող են աճել մինչև 80-100 միլիարդ դոլար։ Աղբյուրները կարծում են, որ Բահրեյնում ԱՄՆ ռազմական օբյեկտների վերանորոգումը կարող է արժենալ 1 միլիարդ դոլար։

Հետևեք մեզ՝ այստեղ