Որեւէ դեկանի հետ հանդիպում չի եղել. ԵՊՀ պրոռեկտորը հերքեց, թե ճնշումներ են գործադրել ուսանողների վրա
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ իմացանք, որ ԵՊՀ ռեկտորի տեղակալն ուսանողների ու դասախոսների վրա ճնշում է բանեցրել։ Այս մասին ԵՊՀ-ի բակում լրագրողների հետ զրույցում ասաց Բագրատ Սրբազանը:
Սրբազանն ասաց, որ չեն պատրաստվում մտնել ներս։
Լրագրողի դիտարկմանը, որ լուրեր կան այն մասին, որ Նիկոլ Փաշինյանը տարբեր ուղղություններով անվտանգության երաշխքիներ է փնտրում, Բագրատ Սրբազանն ասաց․ «Մենք իր տերը չենք, մենք իրեն հնարավորություն տվողն ենք»։
Սրբազանն այնուհետև ելույթ ունեցավ ուսանողների առաջ․ «Չափազանց մեծ ուրախություն է մեզ համար ձեր նեկայության մեջ գտնվելը, դուք ևս մեկ անգամ փաստում եք, որ բոլոր տեսակի ահաբեկումները, սարսափ տարածելու փորձերը, վախեցնելը, ստով մոլերեցնելը ձեզ համար արժեք չունեն։ Մեկ արժեք գոյություն ունի, մեկ սյուն, որը պարփակված է Աստված և հայրենիք զգացումով ու ճշմարտությամբ և որից բխում են ճշմարտությունը, արդարությունը, հաշտությունը, սերը, քաջությունը, և հաղթանակը։ Երեկ լսեցինք, որ ռեկոտրի տեղակալ Էլինա Ասրիյանը դասախոսների է հավաքել, սպառնալիքներ է տեղացել՝ ասելով՝ կապ չունի, 1000 ուսանող էլ լինի, կհեռացնենք, բացականեր նշանակեք, ամենամեծ բացական նրանք են, ովքեր այդպես խոսում են։ Ես անկեղծորեն չեմ հավատում, որ այդպիսի բան է ասել, հիմա հրավիրում եմ իջնել ներքև ընդ որում ռեկոտրի ուղեկցությանբ ու ասել, որ նման բան չի եղել, եթե չգան, ուրեմն եղել է»։
Այնուհետև ԵՊՀ ուսումնական գծով պրոռեկտոր Էլինա Ասրիյանն իջավ ու հանդիպեց Բագրատ Սրբազանին։ Նա ասաց, թե այն, ինչ երեկ հայտարարվել է իր մասին, հերյուրանք է։
«Երեկ որևէ հանդիպում որևէ դեկանի հետ տեղի չի ունեցել, այստեղ դեկաններ կան, որոնք կարող են դա հաստատել, հետևապես, որևէ նման հայտարարություն չի կարող լինել»,- ասաց նա։
Ասրիյանն ասաց, որ ԵՊՀ-ն ուսանողակենտրոն կառույց է ու այնտեղ յուրաքանչյուր ուսանողի իրավունքը պաշտպանված է։
«Եթե չէիք հավատում, ուրեմն պետք է չասեիք, շատ բարկացած եմ, այդպես չի կարելի։ Ես շնորհակալ եմ, որ դուք ընդունում եք, որ կարող էիք սխալվել։ Ես հիմա հայտարարում եմ՝ երեկ որևէ հանդիպում որևէ դեկանի հետ տեղի չի ունեցել, հետևապես որևէ նման հայտարարություն չի կարող լինել։ ԵՊՀ-ն ուսանողակենրոն կառույց է ու այստեղ յուրաքանչյուր ուսանողի իրավունքը պաշտպանված է»,- դիմելով Սրբազանին՝ ասաց փոխռեկտորը։
Հիշեցնենք՝ մամուլը գրել էր, որ Ասրիյանը երեկ ժողով է հրավիրել դեկանների հետ և հանձնարարել նրանց անպայման արձանագրել բոլոր ուսանողների բացակաները։
«Նա ասել է, որ բոլոր այն ուսանողներին, ովքեր շատ բացականեր ունեն, պետք է նկատողություն հայտարարել, և հավելել է, որ պետք է ամեն գնով դադարեցնել ուսանողների դասադուլը։
1
2
3
4
5
3
4
2
3
4
